కురాన్ భావామృతం/అస్-సఫ్ఫ్
| కురాన్ భావామృతం అధ్యాయములు |
|
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 | 113 | 114 |
61. సఫ్‌ (సైనికపంక్తి)
(అవతరణ: మదీనా; సూక్తులు: 14)
కరుణామయుడు, కృపాసాగరుడయిన దేవుని పేరుతో ప్రారంభం
భూమ్యాకాశాల్లో ఉన్న అణువణువూ దేవుని ఔన్నత్యం చాటుతూ, ఆయన పవిత్ర తను ప్రశంసిస్తోంది. ఆయన అపార శక్తిమంతుడు, అసామాన్య వివేకవంతుడు. (1)
విశ్వాసులారా! మీరు చేయనిదాన్ని గురించి మాట్లాడుతారెందుకు? చేయనిదాన్ని గురించి చెప్పుకోవడం దేవునికి చాలా అప్రియమైన విషయం. దేవుడు తన మార్గంలో పంక్తులుతీరి దృఢమైన కాంక్రీటుగోడలా స్థిరంగా నిలచి పోరాడేవారినే ప్రేమిస్తాడు#
మూసా తన జాతిప్రజల్ని ఉద్దేశించి అన్న మాటలు గుర్తుచేసుకో. అతను వారితో “నా జాతిప్రజలారా! నేను మీకోసం దేవుడు పంపిన ప్రవక్తనని తెలిసికూడా మీరు నన్ను వేధిస్తారెందుకు?” అన్నాడు. ఆ తర్వాత వారు వక్రమార్గంలో నడవగానే దేవుడు వారి హృదయాలను వక్రీకరించాడు. దేవుడు దుర్జనులకు ఎన్నటికీ సన్మార్గం చూపడు. (2-5)
మర్యం కుమారుడు ఈసా గాధ కూడా. అతను తన జాతితో “ఇస్రాయీల్ సంతతి ప్రజలారా! నేను మీకోసం దేవుడు పంపిన ప్రవక్తను. నాకు పూర్వం అవతరించిన తౌరాత్‌ గ్రంథాన్ని ధృవపరచేవాడ్ని. నాతర్వాత మరొక ప్రవక్త రానున్నాడని శుభవార్త అందజేస్తు న్నాను. అతని పేరు ‘అహ్మద్‌’ అవుతుంది” అన్నాడు. కాని అతను స్పష్టమైన నిదర్శ నాలతో వారివద్దకు వచ్చినప్పుడు వారు “ఇది మంత్రజాలం మాత్రమే” అన్నారు. (6)
ఇస్లాం వైపు పిలుస్తున్నా దాన్ని పెడచెవినపెట్టి, దేవుని విషయంలో అసత్యాలు పలికేవాడి కంటే మించిన దుర్మార్గుడు మరెవరుంటారు? అలాంటి దుర్మార్గులకు దేవుడు ఎన్నటికీ సన్మార్గం చూపడు. వీరసలు దేవుని (ఇస్లాం విప్లవ) జ్యోతిని నోటితో ఊది ఆర్పజూస్తున్నారు. కాని అవిశ్వాసులు ఎంత అసహ్యించుకున్నా దేవుడు తన జ్యోతిని పూర్తిగా (నేల నాలుగు చెరగులా) వ్యాపింపజేసి తీరుతానని నిర్ణయించు కున్నాడు. ఆయనే తన ప్రవక్తకు సన్మార్గం, సత్యధర్మం ఇచ్చి పంపినవాడు. అవిశ్వా సులు ఎంత ఈసడించుకున్నా సరే ఆయన దాన్ని సమస్త జీవన విధానాలపై ఆధిక్యత కలిగించడానికి ఇలా చేశాడు. (7-9)
విశ్వాసులారా! మిమ్మల్ని దుర్భరమయిన (నరక) యాతనల నుండి కాపాడగలిగే వ్యాపార పద్ధతిని గురించి మీకు తెలుపమంటారా? మీరు మనస్ఫూర్తిగా దేవుడ్ని, ఆయన ప్రవక్తను విశ్వసించి ధనప్రాణాలు ఒడ్డి దైవమార్గంలో పోరాడండి. మీరు విషయం గ్రహించ గలిగితే అందులోనే మీ శ్రేయస్సు ఉంది. (10-11)
(ఈ ఆదేశాన్ని పాటిస్తే) దేవుడు మీ తప్పులు క్షమించి మిమ్మల్ని సెలయేరులు ప్రవహించే స్వర్గవనాలలో ప్రవేశింపజేస్తాడు. ఆ శాశ్వత స్వర్గవనాలలో మీకు అద్భుత మైన నివాసగృహాలు ప్రసాదిస్తాడు. ఇదే గొప్ప విజయం.
అదీగాక మీరు కోరుతున్న ఇతర వస్తువులు కూడా ఆయన మీకు అనుగ్రహి స్తాడు. అదే దేవుని సహాయం, త్వరలోనే లభించనున్న విజయం. ప్రవక్తా! విశ్వాసులకు ఈ శుభవార్త అందజెయ్యి. (12-13)
విశ్వాసులారా! మర్యం కుమారుడు ఈసా (ప్రవక్త) తన శిష్యుల్ని సంబోదిస్తూ “దేవుని వైపు (ప్రజల్ని పిలవడంలో) నాకు సహాయపడే వారెవరైనా ఉన్నారా?” అని అడిగాడు. దానికి వారు “మేమున్నాం దేవుని సహాయకులం” అన్నారు.
ఇలా మీరు కూడా దేవుని (ధర్మాని)కి సహాయకులుగా ఉండండి. ఆ సందర్భం లో ఇస్రాయీల్ సంతతిలో ఒక వర్గం (ఈసాను) విశ్వసించింది; రెండవ వర్గం తిరస్క రించింది. తరువాత మేము విశ్వాసులకు వారి విరోధులకు వ్యతిరేకంగా సహాయం చేశాము. (చివరికి) వారే విజయం సాధించారు. (14)