మహాప్రస్థానం/స్విన్ బర్న్ కవికి
(స్విన్ బర్న్ కవికి నుండి మళ్ళించబడింది)
| శ్రీశ్రీ | ||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ||||||||||||||||||||||||||||||||||||||||||||
విషం క్రక్కే భుజంగాలో,
కదం త్రొక్కే తురంగాలో,
మదం పట్టిన మాతంగాలో
కవీ, నీ పాటల్‌ ?
వలయ విచల ద్విహంగాలో,
విలయ సాగర తరంగాలో,
యుద్ధగుంజన్మృదంగాలో
కవీ, నీ పాటర్‌ ?
షెల్లీ కవనపు హల్లీసకమూ,
ఫ్రెంచి గీతుల మంచి రీతులు,
మోహినీ గంధర్వగానం
కవీ, నీ పాటల్‌ !
ఎర్రకాంతుల ఇనోదయమూ,
రెక్క విప్పిన రివల్యూషన్‌,
కడలి వలపూ, వలవు కడలీ
కవీ, నీ పాటల్‌!
కవీ ! నీ గళ గళన్మంగళ
కళా కాహళ హళా హళీలో
కలసిపోతిని ! కరిగి పోతిని!
కానరాకే కదలిపోతిని!