రమారమణ భారమా

త్యాగరాజు కృతులు

అ • ఆ • ఇ • ఈ • ఉ • ఊ • ఋ • ౠ • ఎ • ఏ • ఐ • ఒ • ఓ • ఔ • అం • అః • క • ఖ • గ • ఘ • ఙ • చ • ఛ • జ • ఝ • ఞ • ట • ఠ • డ • ఢ • ణ • త • థ • ద • ధ • న • ప • ఫ • బ • భ • మ • య • ర • ల • వ • శ • ష • స • హ • ళ • ఱ

వసంత భైరవి రాగం - ఆది తాళం

రమారమణ ! భారమా ? నన్ను బ్రోవుమా, శ్రీకర !

పుమానుడని గాదని నాతో దె -

ల్పుమా, నరోత్తమా ! సమానరహిత !

సరి నీకెవ్వరు దొరకరని గర్వము,

అదియుగాక ధరలో జనులు మర్మ -

మెఱిగి నమ్ముకోలేరంటి, ధర్మాది

మోక్ష వరము లొసంగి భక్త -

వరుల గా చిన కీర్తి వింటి, మఱిమఱి

నన్నిందరిలో జెయిబట్టి బ్రోవ -

శరణు జొచ్చితినయ్య, దరి నీవను

కొన్నాను, చరణమే గతియంటి

స్మరణ దెలిసి యేలు పరమామాతు డు

నీవే యన్నాను, పామరులతో

సరియోయినటుల నీ గోచరములనే

బల్కుకొన్నాను, నా మాటలెల్ల -

కరుణతో నిజము జేయ, వరదా !

దండము లిడినాను, శ్రీరామరామ !

పరమపావననామ ! శరజలోచన ! నన్నా -

దరణ జేయుటకింత కరువైన వితమేమి !