నీ దయ గల్గుటే భాగ్యమని

త్యాగరాజు కృతులు

అ • ఆ • ఇ • ఈ • ఉ • ఊ • ఋ • ౠ • ఎ • ఏ • ఐ • ఒ • ఓ • ఔ • అం • అః • క • ఖ • గ • ఘ • ఙ • చ • ఛ • జ • ఝ • ఞ • ట • ఠ • డ • ఢ • ణ • త • థ • ద • ధ • న • ప • ఫ • బ • భ • మ • య • ర • ల • వ • శ • ష • స • హ • ళ • ఱ

రీతిగౌళ రాగం - ఆది తాళం

నీ దయ గల్గుటే భాగ్యమని - నిజముగ నేల దోచదో ?

నాద రూప ! నీరద సన్నిభ ! దిన -

నాథాన్వయభూషణ ! మృదు భాషణ !

అవివేకులైన దార తనయుల - ననుదినమును గలసి

భవ సాగరమున నీదలేక - భయమున జెయ్యలసి

యవనీశుల గాచి సుఖము - లేక ఆయాసము సొలసి

వివిధములగు నీ మాయ లోపల

దగిలిన తన కీ యవధులను దెలిసి

వేగి లేచి తా నతి లోభి జనుల - వెంబడిగ దిరిగి

రోగియై తా కోరిన కోర్కెలు - రోయక మేను కరగి

భోగ భాగ్యముల కొర కన్యసురుల భూసురుల గోరి తిరిగి

యేగతియు లేక యీ సుఖంబు

లిట్లని తన మదిని తా నెఱిగి

నాగ నాయక శయ ! నేందు దిననాథనయన ! సీతాంక !

యోగి వందిత పదారవింద యుగ శరణా ! కళంక !

గాగ లోభ మదాదుల గొట్టి - రక్షించెడు బిరుదాంక !

త్యాగరాజ పూజిత రఘునాయక !

తారకమని తెలియు నిశ్శంక