శుక్ల యజుర్వేదము - అధ్యాయము 28
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 28) | తరువాతి అధ్యాయము→ |
హోతా యక్షద్సమిధేన్ద్రమిడస్పదే నాభా పృథివ్యా అధి |
దివో వర్ష్మన్త్సమిధ్యత ఓజిష్ఠశ్చర్షణీసహాం వేత్వాజ్యస్య
హోతర్యజ ||
హోతా యక్షత్తనూనపాతమూతిభిర్జేతారమపరాజితమ్ |
ఇన్ద్రం దేవఁ స్వర్విదం పథిభిర్మధుమత్తమైర్నరాశఁసేన తేజసా
వేత్వాజ్యస్య హోతర్యజ ||
హోతా యక్షదిడాభిరిన్ద్రమీడితమాజుహ్వానమమర్త్యమ్ |
దేవో దేవైః సవీర్యో వజ్రహస్తః పురందరో వేత్వాజ్యస్య హోతర్యజ ||
హోతా యక్షద్బరిషీన్ద్రం నిషద్వరం వృషభం నర్యాపసమ్ |
వసుభీ రుద్రైరాదిత్యైః సుయుగ్భిర్బర్హిరాసదద్వేత్వాజ్యస్య
హోతర్యజ ||
హోతా యక్షదోజో న వీర్యఁ సహో ద్వార ఇన్ద్రమవర్ధయన్ |
సుప్రాయణా అస్మిన్యజ్ఞే వి శ్రయన్తామృతావృధో స్వార ఇన్ద్రాయ
మీఢుషే వ్యన్త్వాజ్యస్య హోతర్యజ ||
హోతా యక్షదుషే ఇన్ద్రస్య ధేనూ సుదుఘే మాతరా మహీ |
సవాతరౌ న తేజసా వత్సమిన్ద్రమవర్ధతాం వీతామాజ్యస్య హోతర్యజ ||
హోతా యక్షద్దైవ్యా హోతారా భిషజా సఖాయా హవిషేన్ద్రం భిషజ్యతః |
కవీ దేవౌ ప్రచేతసావిన్ద్రాయ ధత్త ఇన్ద్రియం వీతామాజ్యస్య
హోతర్యజ ||
హోతా యక్షత్తిస్రో దేవీర్న భేషజం త్రయస్త్రిధాతవో పస ఇడా
సరస్వత్భారతీ మహీః |
ఇన్ద్రపత్నీర్హవిష్మతీర్వ్యన్త్వాజ్యస్య హోతర్యజ ||
హోతా యక్షత్త్వష్టారమిన్ద్రం దేవం భిషజఁ సుయజం ఘృతశ్రియమ్ |
పురురూపఁ సురేతసం మఘోనమిన్ద్రాయ త్వష్టా దధదిన్ద్రియాణి
వేత్వాజ్యస్య హోతర్యజ ||
హోతా యక్షద్వనస్పతిఁ శమితారఁ శతక్రతుం ధియో
జోష్టారమిన్ద్రియమ్ |
మధ్వా సమఞ్జన్పథిభిః సుగేభిః స్వదాతి యజ్ఞం మధునా ఘృతేన
వేత్వాజ్యస్య హోతర్యజ ||
హోతా యక్షదిన్ద్రఁ స్వాహాజ్యస్య స్వాహా మేదసః స్వాహా
స్తోకానాఁ స్వాహా స్వాహాకృతీనాఁ స్వాహా హవ్యసూక్తీనామ్ |
స్వాహా దేవా ఆజ్యపా జుషాణా ఇన్ద్ర ఆజ్యస్య వ్యన్తు హోతర్యజ ||
దేవం బర్హిరిన్ద్రఁ సుదేవం దేవైర్వీరవత్స్తీర్ణం వేద్యామవర్ధయత్ |
వస్తోర్వృతం ప్రాక్తోర్భృతఁ రాయా బర్హిష్మతో త్యగాద్వసువనే
వసుధేయస్య వేతు యజ ||
దేవీర్ద్వార ఇన్ద్రఁ సంఘాతే వీడ్వీర్యామన్నవర్ధయన్ |
ఆ వత్సేన తరుణేన కుమారేణ చ మీవతాపార్వాణఁ రేణుకకాటం నుదన్తాం
వసువనే వసుధేయస్య వ్యన్తు యజ ||
దేవీ ఉషాసానక్తేన్ద్రం యజ్ఞే ప్రయత్యహ్వేతామ్ |
దైవీర్విశః ప్రాయాసిష్టాఁ సుప్రీతే సుధితే వసువనే వసుధేయస్య
వీతాం యజ ||
దేవీ జోష్ట్రీ వసుధితీ దేవమిన్ద్రమవర్ధతామ్ |
అయావ్యన్యాఘా ద్వేషాఁస్యాన్యా వక్షద్వసు వార్యాణి యజమానాయ
శిక్షితే వసువనే వసుధేయస్య వీతాం యజ ||
దేవీ ఊర్జాహుతీ దుఘే పయసేన్ద్రమవర్ధతామ్ |
ఇషమూర్జమన్యా వక్షత్సగ్ధిఁ సపీతిమన్యా నవేన పూర్వం దయమానే
పురాణేన నవమధాతామూర్జమూర్జాహుతీ ఊర్జయమానే వసు వృయాణి యజమానాయ శిక్షితే
వసువనే వసుధేయస్య వీతాం యజ ||
దేవా దేవ్యా హోతారా దేవమిన్ద్రమవర్ధతామ్ |
హతాఘశఁసావాభార్ష్టాం వసు వార్యాణి యజమానాయ శిక్షితౌ వసువనే
వసుధేయస్య వీతాం యజ ||
దేవీస్తిస్రస్తిస్రో దేవీః పతిమిన్ద్రమవర్ధయన్ |
అస్పృక్షద్భారతీ దివఁ రుద్రైర్యజ్ఞఁ సరస్వతీడా వసుమతీ
గృహాన్వసువనే వసుధేయస్య వ్యన్తు యజ ||
దేవ ఇన్ద్రో నరాశఁసస్త్రివరూథస్త్రిబన్ధురో దేవమిన్ద్రమవర్ధయత్ |
శతేన శితిపృష్ఠానామాహితః సహస్రేణ ప్ర వర్తతే మిత్రావరుణేదస్య
హోత్రమర్హతో బృహస్పతి స్తోత్రమశ్వినాధ్వర్యవం వసువనే వసుధేయస్య వేతు యజ ||
దేవో దేవైర్వనస్పతిర్హిరణ్యపర్ణో మధుశాఖః సుపిప్పలో
దేవమిన్ద్రమవర్ధయత్ |
దివమగ్రేణాస్పృక్షదాన్తరిక్సం పృథివీమదృమ్హీద్వసువనే
వసుధేయస్య వేతు యజ ||
దేవం బర్హిర్వారితీనాం దేవమిన్ద్రమవర్ధయత్ |
స్వాసస్థమిన్ద్రేణాసన్నమన్యా బర్హీఁష్యభ్యభూద్వసువనే
వసుధేయస్య వేతు యజ ||
దేవో అగ్నిః స్విష్టకృద్దేవమిన్ద్రమవర్ధయత్ |
స్విష్టం కుర్వన్త్స్విష్టకృత్స్విష్టమద్య కరోతు నో వసువనే
వసుధేయస్య వేతు యజ ||
అగ్నిమద్య హోతారమవృణీతాయం యజమానః పచన్పక్తీః పచన్పురోడాశం
బధ్నన్నిన్ద్రాయ ఛాగమ్ |
సూపస్థా అద్య దేవో వనస్పతిరభవదిన్ద్రాయ ఛాగేన |
అఘత్తం మేదస్తః ప్రతి పచతాగ్రభీదవీవృధత్పురోడాశేన |
త్వామద్య ఋష ఆర్షేయ ఋషీణాం నపాదవృణీతాయం యజమానో బహుభ్య ఆ
సంగతేభ్య ఏష మే దేవేషు వసు వార్యాయక్ష్యత ఇతి తా యా దేవా దేవ
దానాన్యదుస్తాన్యస్మా ఆ చ శాస్స్వా చ గురస్వేషితశ్చ హోతరసి భద్రవాచ్యాయ
ప్రేషితో మానుషః సూక్తవాకాయ సూక్తా బ్రూహి ||
హోతా యక్షత్సమిధానం మహద్యశః సుసమిద్ధం వరేణ్యమగ్నిమిన్ద్రం
వయోధసమ్ |
గాయత్రీం ఛన్ద ఇన్ద్రియం త్ర్యవిం గాం వయో దధద్వేత్వాజ్యస్య
హోతర్యజ ||
హోతా యక్షత్తనూనపాతముద్భిదం యం గర్భమదితిర్దధే శుచిమిన్ద్రం
వయోధసమ్ |
ఉష్ణిహం ఛన్ద ఇన్ద్రియం దిత్యవాహం గాం వయో దధద్వేత్వాజ్యస్య
హోతర్యజ ||
హోతా యక్షదీడేన్యమీడితం వృత్రహన్తమమిడాభిరీడ్యఁ సహః
సోమమిన్ద్రఁ వయోధసమ్ |
అనుష్టుభం ఛన్ద ఇన్ద్రియం పఞ్చావిం గాం వయో దధద్వేత్వాజ్యస్య
హోతర్యజ ||
హోతా యక్షత్సుబర్హిషం పూషణ్వన్తమమర్త్యఁ సీదన్తం బర్హిషి
ప్రియే మృతేన్ద్రం వయోధసమ్ |
బృహతీం ఛన్ద ఇన్ద్రియం త్రివత్సం గాం వయో దధద్వేత్వాజ్యస్య
హోతర్యజ ||
హోతా యక్షద్వ్యచస్వతీః సుప్రాయణా ఋతావృధో ద్వారో
దేవీర్హిరణ్యయీర్బ్రహ్మాణమిన్ద్రం వయోధసమ్ |
పఙ్క్తిం ఛన్ద ఇహేన్ద్రియం తుర్యవాహం గాం వయో
దధద్వ్యన్త్వాజ్యస్య హోతర్యజ ||
హోతా యక్షత్సుపేశసా సుశిల్పే బృహతీ ఉభే నక్తోషాసా న దర్శతే
విశ్వమిన్ద్రం వయోధసమ్ |
త్రిష్టుభం ఛన్ద ఇహేన్ద్రియం పష్ఠవహం గాం వయో
దధద్వీతామాజ్యస్య హోతర్యజ ||
హోతా యక్షత్ప్రచేతసా దేవానాముత్తమం యశో హోతారా దైవ్యా కవీ
సయుజేన్ద్రం వయోధసమ్ |
జగతీం ఛన్ద ఇన్ద్రియమనడ్వాహం గాం వయో దధద్వీతామాజ్యస్య
హోతర్యజ ||
హోతా యక్షత్పేశస్వతీస్తిస్రో
దేవీర్హిరణ్యయీర్భారతీర్బృహతీర్మహీః పతిమిన్ద్రం వయోధసమ్ |
విరాజం ఛన్ద ఇహేన్ద్రియం ధేనుం గాం న వయో దధద్వ్యన్త్వాజ్యస్య
హోతర్యజ ||
హోతా యక్షత్సురేతసం త్వష్టారం పుష్టివర్ధనఁ రూపాణి బిభ్రతం
పృథక్పుష్టిమిన్ద్రం వయోధసమ్ |
ద్విపదం ఛన్ద ఇన్ద్రియముక్షాణం గాం న వయో దధద్వేత్వాజ్యస్య
హోతర్యజ ||
హోతా యక్షద్వనస్పతిఁ శమితారఁ శతక్రతుఁ హిరణ్యపర్ణముక్థినఁ
రశనాం బిభ్రతం వశిం భగమిన్ద్రం వయోధసమ్ |
కకుభం ఛన్ద ఇహేన్ద్రియం వశాం వేహతం గాం వయో దధద్వేత్వాజ్యస్య
హోతర్యజ ||
హోతా యక్షత్స్వాహాకృతీరగ్నిం గృహపతిం పృథగ్వరుణం భేషజం కవిం
క్షత్రమిన్ద్రం వయోధసమ్ |
అతిచ్ఛన్దసం ఛన్ద ఇన్ద్రియం బృహదృషభం గాం వయో
దధద్వ్యన్త్వాజ్యస్య హోతర్యజ ||
దేవం బర్హిర్వయోధసం దేవమిన్ద్రమవర్ధయత్ |
గాయత్ర్యా ఛన్దసేన్ద్రియం చక్షురిన్ద్రే వయో దధద్వసువనే
వసుధేయస్య వేతు యజ ||
దేవీర్ద్వారో వయోధసఁ శుచిమిన్ద్రమవర్ధయన్ |
ఉష్ణిహా ఛన్దసేన్ద్రియం ప్రాణమిన్ద్రే వయో దధద్వసువనే
వసుధేయస్య వ్యన్తు యజ ||
దేవీ ఉషాసానక్తా దేవమిన్ద్రం వయోధసం దేవీ దేవమవర్ధతామ్ |
అనుష్టుభా ఛన్దసేన్ద్రియం బలమిన్ద్రే వయో దధద్వసువనే
వసుధేయస్య వీతాం యజ ||
దేవీ జోష్ట్రీ వసుధితీ దేవమిన్ద్రం వయోధసం దేవీ
దేవమవర్ధతామ్ |
బృహత్యా ఛన్దసేన్ద్రియఁ శ్రోత్రమిన్ద్రే వయో దధద్వసువనే
వసుధేయస్య వీతాం యజ ||
దేవీ ఊర్జాహుతీ దుఘే సుదుఘే పయసేన్ద్రం వయోధసం దేవీ
దేవమవర్ధతామ్ |
పఙ్క్త్యా ఛన్దసేన్ద్రియఁ శుక్రమిన్ద్రే వయో దధద్వసువనే
వసుధేయస్య వీతాం యజ ||
దేవా దైవ్యా హోతారా దేవమిన్ద్రం వయోధసం దేవౌ దేవమవర్ధతామ్ |
త్రిష్టుభా ఛన్దసేన్ద్రియం త్విషిమిన్ద్రే వయో దధద్వసువనే
వసుధేయస్య వీతాం యజ ||
దేవీస్తిస్రస్తిస్రో దేవీర్వయోధసం పతిమిన్ద్రమవర్ధయన్ |
జగత్యా ఛన్దసేన్ద్రియఁ శూషమిన్ద్రే వయో దధద్వసువనే వసుధేయస్య
వ్యన్తు యజ ||
దేవో నరాశఁసో దేవమిన్ద్రం వయోధసం దేవో దేవమవర్ధయత్ |
విరాజా ఛన్దసేన్ద్రియఁ రుపమిన్ద్రే వయో దధద్వసువనే
వసుధేయస్య వేతు యజ ||
దేవో వనస్పతిర్దేవమిన్ద్రం వయోధసం దేవో దేవమవర్ధయత్ |
ద్విపదా ఛన్దసేన్ద్రియం భగమిన్ద్రే వయో దధద్వసువనే వసుధేయస్య
వేతు యజ ||
దేవం బర్హిర్వారితీనాం దేవమిన్ద్రం వయోధసం దేవం దేవమవర్ధయత్ |
కకుభా ఛన్దసేన్ద్రియం యశ ఇన్ద్రే వయో దధద్వసువనే వసుధేయస్య
వేతు యజ ||
దేవో అగ్నిః స్విష్టకృద్దేవమిన్ద్రం వయోధసం దేవో
దేవమవర్ధయత్ |
అతిచ్ఛన్దసా ఛన్దసేన్ద్రియం క్షత్రమిన్ద్రే వయో దధద్వసువనే
వసుధేయస్య వేతు యజ ||
అగ్నిమద్య హోతారమవృణీతాయం యజమానః పచన్పక్తీః పచన్పురోడాశం
బధ్నన్నిన్ద్రాయ వయోధసే ఛాగమ్ |
సూపస్థా అద్య దేవో వనస్పతిరభవదిన్ద్రాయ వయోధసే ఛాగేన |
అఘత్తం మేదస్తః ప్రతి పచతాగ్రభీదవీవృధత్పురోడాశేన |
త్వామద్య ఋష ఆర్షేయ ఋషీణాం నపాదవృణీతాయ్ం యజమానో బహుభ్య ఆ
సంగతేభ్య ఏష మే దేవేషు వసు వార్యాయక్ష్యత ఇతి తా యా దేవా దేవ
దానాన్యదుస్తాన్యస్మా ఆ చ శాస్స్వా చ గురస్వేషితశ్చ హోతరసి భద్రవాచ్యాయ
ప్రేషితో మానుషః సూక్తవాకాయ సూక్తా బ్రూహి ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |