శుక్ల యజుర్వేదము - అధ్యాయము 27
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 27) | తరువాతి అధ్యాయము→ |
సాస్త్వాగ్న ఋతవో వర్ధయన్తు సంవత్సరా ఋషయో యాని సత్యా |
సం దివ్యేన దీదిహి రోచనేన విశ్వా ఆ భాహి ప్రదిశశ్చతస్రః ||
సం చేధ్యస్వాగ్నే ప్ర చ బోధయైనముచ్చ తిష్ఠ మహతే సౌభగాయ |
మా చ రిషదుపసత్తా తే అగ్నే బ్రహ్మాణస్తే యశసః సన్తు మాన్యే ||
త్వామగ్నే వృణతే బ్రాహ్మణా ఇమే శివో అగ్నే సంవరణే భవా నః |
సపత్నహా నో అభిమాతిజిచ్చ స్వే గయే గాగృహ్యప్రయుచ్ఛన్ ||
ఇహైవాగ్నే అధి ధారయా రయిం మా త్వా ని క్రన్పూర్వచితో
నికారిణః |
క్షత్రమగ్నే సుయమమస్తు తుభ్యముపసత్తా వర్ధతాం తే అనిష్టృతః ||
క్షత్రేణాగ్నే స్వాయుః సఁ రభస్వ మిత్రేణాగ్నే మిత్రధేయే యతస్వ |
సజాతానాం మధ్యమస్థా ఏధి రాజ్ఞామగ్నే విహవ్యో దీదిహీహ ||
అతి నిహో అతి స్రిధో త్యచిత్తిమత్యరాతిమగ్నే |
విశ్వా హ్యగ్నే దురితా సహస్వాథాస్మభ్యఁ సహవీరాఁ రయిం దాః ||
అనాధృష్యో జాతవేదా అనాధృష్టో విరాడగ్నే క్షత్రభృద్దీదిహీహ |
విశ్వా ఆశాః ప్రముఞ్చన్మానుషీర్భయః శివేభిరద్య పరి పాహి నో వృధే ||
బృహస్పతే సవితర్బోధయైనఁ సఁశితం చిత్సంతరాఁ సఁ శిశాధి |
వర్ధయైనం మహతే సౌభగాయ విశ్వ ఏనమను మదన్తు దేవాః ||
అముత్రభూయాదధ యద్యమస్య బృహస్పతే అభిసస్తేరముఞ్చః |
ప్రత్‌ఔహతామశ్వినా మృత్యుమస్మాద్దేవానామగ్నే భిషజా శచీభిః ||
ఉద్వయం తమసస్పరి స్వః పశ్యన్త ఉత్తరమ్ |
దేవం దేవత్రా సూర్యమగన్మ జ్యోతిరుత్తమమ్ ||
ఊర్ధ్వా అస్య సమిధో భవన్త్యూర్ధ్వా శుక్రా శోచీఁష్యగ్నేః |
ద్యుమత్తమా సుప్రతీకస్య సూనోః ||
తనూనపాదసురో విశ్వవేదా దేవో దేవేషు దేవః |
పథో అనక్తు మధ్వా ఘృతేన ||
మధ్వా యజ్ఞం నక్షసే ప్రీణానో నరాశఁసో అగ్నే |
సుకృద్దేవః సవితా విశ్వవారః ||
అచ్ఛాయమేతి శవసా ఘృతేనేడానో వహ్నిర్నమసా |
అగ్నిఁ స్రుచో అధ్వరేషు ప్రయత్సు ||
స యక్షదస్య మహిమానమగ్నేః స ఈం మన్ద్రా సుప్రయసః |
వసుశ్వేతిష్ఠో వసుధాతమశ్చ ||
ద్వారో దేవీరన్వస్య విశ్వే వ్రతా దదన్తే అగ్నేః |
ఉరువ్యచసో ధామ్నా పత్యమానాః ||
తే అస్య యోషణే దివ్యే న యోనా ఉషాసానక్తా |
ఇమం యజ్ఞమవతామధ్వరం నః ||
దైవ్యా హోతారా ఊర్ధ్వమధ్వరం నో గ్నేర్జుహ్వామభి గృణీతమ్ |
కృణుతమ్నః స్విష్టమ్ ||
తిస్రో దేవీర్బర్హిరిదఁ సదన్త్విడా సరస్వతీ భారతీ |
మహీ గృణానా ||
తన్నస్తురీపమద్భుతం పురుక్షు త్వష్టా సువీర్యమ్ |
రాయస్పోషం వి ష్యతు నాభిమస్మే ||
వనస్పతే వ సృజా రరాణస్త్మనా దేవేషు |
అగ్నిర్హవ్యఁ శమితా సూదయాతి ||
అగ్నే స్వాహా కృణుహి జాతవేదో ఇన్ద్రాయ హవ్యమ్ |
విశ్వే దేవా హవిరిదం జుషన్తామ్ ||
పీవోఅన్నా రయింవృధః సుమేధాః శ్వేతః సిషక్తి నియుతామభిశ్రీః |
తే వాయవే సమనసో వి తస్థుర్విశ్వేన్నరః స్వపత్యాని చక్రుః ||
రాయే ను యం జజ్ఞతూ రోదసీమే రాయే దేవీ ధిషణా ధాతి దేవమ్ |
అధ వాయుం నియుతః సశ్చత స్వా ఉత శ్వేతం వసుధితిం నిరేకే ||
ఆపో హ యద్బృహతీర్విశ్వమాయన్గర్భం దధానా జనయన్తీరగ్నిమ్ |
తతో దేవానాఁ సమవర్తతాసురేకః కస్మై దేవాయ హవిషా విధేమ ||
యశ్చిదాపో మహినా పర్యపశ్యద్దక్షం దధానా జనయన్తీర్యజ్ఞమ్ |
యో దేవేష్వధి దేవ ఏక ఆసీత్కస్మై దేవాయ హవిషా విధేమ ||
ప్ర యాభిర్యాసి దాశ్వాఁసమచ్ఛా నియుద్భిర్వాయవిష్టయే దురోణే |
ని నో రయిఁ సుభోజసం యువస్వ ని వీరం గవ్యమశ్వ్యం చ రాధః ||
ఆ నో నియుద్భిః శతినీభిరధ్వరఁ సహస్రిణీభిరుప యాహి యజ్ఞమ్ |
వాయో అస్మిన్సవనే మాదయస్వ యూయం పాత స్వస్తిభిః సదా నః ||
నియుత్వాన్వాయవా గహ్యయఁ శుక్రో అయామి తే |
గన్తాసి సున్వతో గృహమ్ ||
వాయో శుక్రో అయామి తే మధ్వో అగ్రం దివిష్టిషు |
ఆ యాహి సోమపీతయే స్పార్హో దేవ నియుత్వతా ||
వాయురగ్రేగా యజ్ఞప్రీః సాకం గన్మనసా యజ్ఞమ్ |
శివో నియుద్భిః శివాభిః ||
వాయో యే తే సహస్రిణో రథాసస్తేభిరా గహి |
నియుత్వాన్త్సోమపీతయే ||
ఏకయా చ దశభిశ్చ స్వభూతే ద్వాభ్యామిష్టయే విఁశతీ చ |
తిసృభిశ్చ వహసే త్రిఁశతా చ నియుద్భిర్వాయవిహ తా వి ముఞ్చ ||
తవ వాయవృతస్పతే త్వష్టుర్జామాతరద్భుత |
అవాఁస్యా వృణీమహే ||
అభి త్వా శూర నోనుమో దుగ్ధా ఇవ ధేనవః |
ఈశానమస్య జగతః స్వర్దృశమీశానమిన్ద్ర తస్థుషః ||
న త్వావాఁ అన్యో దివ్యో న పార్థివో న జాతో న జనిష్యతే |
అశ్వాయన్తో మఘవన్నిన్ద్ర వాజినో గవ్యన్తస్త్వా హవామహే ||
త్వామిద్ధి హవామహే సాతా వాజస్య కారవః |
త్వాం వృత్రేష్విన్ద్ర సత్పతిం నరస్త్వాం కాష్ఠాస్వర్వతః ||
స త్వం నశ్చిత్ర వజ్రహస్త ధృష్ణుయా మహ స్తవానో అద్రివః |
గామశ్వఁ రథ్యమిన్ద్ర సం కిర సత్రా వాజం న జిగ్యుషే ||
కయా నశ్చిత్ర ఆ భువదూతీ సదావృధః సఖా |
కయా శచిష్ఠయా వృతా ||
కస్త్వా సత్యో మదానాం మఁహిష్ఠో మత్సదన్ధసః |
దృఢా చిదారుజే వసు ||
అభీ షు ణః సఖీనామవితా జరితౄణామ్ |
శతం భవాస్యూతయే ||
యజ్ఞా-యజ్ఞా వో అగ్నయే గిరా-గిరా చ దక్షసే |
ప్ర-ప్ర వయమమృతం జాతవేదసం ప్రియం మిత్రం న శఁసిషమ్ ||
పాహి నో అగ్న ఏకయా పాహ్యుత ద్వితీయయా |
పాహి గీర్భిస్తిసృభిరూర్జాం పతే పాహి చతసృభిర్వసో ||
ఊర్జో నపాతఁ స హినాయమస్మయుర్దాశేమ హవ్యదాతయే |
భువద్వాజేష్వవితా భువద్వృధ ఉత త్రాతా తనూనామ్ ||
సంవత్సరో సి పరివత్సరో సీదావత్సరో సీద్వత్సరో సి వత్సరో సి |
ఉషసస్తే కల్పన్తామహోరాత్రాస్తే కల్పన్తామర్ధమాసాస్తే కల్పన్తాం
మాసాస్తే కల్పన్తామృతవస్తే కల్పన్తాఁ సంవత్సరస్తే కల్పతామ్ |
ప్రేత్యా ఏత్యై సం చాఞ్చ ప్ర చ సారయ |
సుపర్ణచిదసి తయా దేవతయాఙ్గిరస్వద్ధ్రువః సీద ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |