శుక్ల యజుర్వేదము - అధ్యాయము 29
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 29) | తరువాతి అధ్యాయము→ |
సమిద్ధో అఞ్జన్కృదరంమతీనాం ఘృతమగ్నే మధుమత్పిన్వమానః |
వాజీ వహన్వాజినం జాతవేదో దేవానాం వక్షి ప్రియమా సధస్థమ్ ||
ఘృతేనాఞ్జన్త్సం పథో దేవయానాన్ప్రజానన్వాజ్యప్యేతు దేవాన్ |
అను త్వా సప్తే ప్రదిశః సచన్తాఁ స్వధామస్మై యజమానాయ ధేహి ||
ఈడ్యశ్చాసి వన్ద్యశ్చ వాజిన్నాశుశ్చాసి మేధ్యశ్చ సప్తే |
అగ్నిష్ట్వా దేవైర్వసుభిః సజోషాః ప్రీతం వహ్నిం వహతు జాతవేదాః ||
స్తీర్ణం బర్హిః సుష్టరీమా జుషాంఓరు పృథు ప్రథమానం పృథివ్యామ్ |
దేవేభిర్యుక్తమదితిః సజోషాః స్యోనం కృణ్వాన సువితే దధాతు ||
ఏతా ఉ వః సుభగా విశ్వరూపా వి పక్షోభిః శ్రయమాణా ఉదాతైః |
ఋష్వాః సతీః కవషః శుమ్భమానా ద్వారో దేవీః సుప్రాయణా భవన్తు ||
అన్తరా మిత్రావరుణా చరన్తీ ముఖం యజ్ఞానామభి సంవిదానే |
ఉషాసా వాఁ సుహిరణ్యే సుశిల్పే ఋతస్య యోనావిహ సాదయామి ||
ప్రథమా వాఁ సరథినా సువర్ణా దేవౌ పశ్యన్తౌ భువనాని విశ్వా |
అపిప్రయం చోదనా వాం మిమానా హోతారా జ్యోతిః ప్రదిశా
దిశన్తా ||
ఆదిత్యైర్నో భారతీ వష్టు యజ్ఞఁ సరస్వతీ సహ రుద్రైర్న ఆవీత్ |
ఇడోపహూతా వసుభిః సజోషా యజ్ఞం నో దేవీరమృతేషు ధత్త ||
త్వష్టా వీరం దేవకామం జజాన త్వష్టురర్వా జాయత ఆశురశ్వః |
త్వష్టేదం విశ్వం భువనం జజాన బహోః కర్తారమిహ యక్షి హోతః ||
అశ్వో ఘృతేన త్మన్యా సమక్త ఉప దేవాఁ ఋతుశః పాథ ఏతు |
వనస్పతిర్దేవలోకం ప్రజానన్నగ్నినా హవ్యా స్వదితాని వక్షత్ ||
ప్రజాపతేస్తపసా వావృధానః సద్యో జాతో దధిషే యజ్ఞమగ్నే |
స్వాహాకృతేన హవిషా పురోగా యాహి సాధ్యా హవిరదన్తు దేవాః ||
యదక్రన్దః ప్రథమం జాయమాన ఉద్యన్త్సముద్రాదుత వా పురీషాత్ |
శ్యేనస్య పక్షా హరిణస్య బాహూ ఉపస్తుత్యం మహి జాతం తే
అర్వన్ ||
యమేన దత్తం త్రిత ఏనమాయునగిన్ద్ర ఏణం ప్రథమో అధ్యతిష్ఠత్ |
గన్ధర్వో అస్య రశనామగృభ్ణాత్సూరాదశ్వం వసవో నిరతష్ట ||
అసి యమో అస్యాదిత్యో అర్వన్నసి త్రితో గుహ్యేన వ్రతేన |
అసి సోమేన సమయా విపృక్త ఆహుస్తే త్రీణి దివి బన్ధనాని ||
త్రీణి త ఆహుర్దివి బన్ధనాని త్రీణ్యప్సు త్రీణ్యన్తః సముద్రే |
ఉతేవ మే వరుణశ్ఛన్త్స్యర్వన్యత్రా త ఆహుః పరమం జనిత్రమ్ ||
ఇమా తే వాజిన్నవమార్జనానీమా శపానాఁ సనితుర్నిధానా |
అత్రా తే భద్రా రశనా అపశ్యమృతస్య యా అభిరక్షన్తి గోపాః ||
ఆత్మానం తే మనసారాదజానామవో దివా పతయన్తం పతంగమ్ |
శిరో అపశ్యం పథిభిః సుగేభిరరేణుభిర్జేహమానం పతత్రి ||
అత్రా తే రూపముత్తమమపశ్యం జిగీషమాణమిష ఆ పదే గోః |
యదా తే మర్తో అను భోగమానడాదిద్గ్రసిష్ఠ ఓషధీరజీగః ||
అను త్వా రథో అను మర్యో అర్వన్నను గావో ను భగః కనీనామ్ |
అను వ్రాతాసస్తవ సఖ్యమీయురను దేవా మమిరే వీర్యం తే ||
హిరణ్యశృఙ్గో యో అస్య పాదా మనోజవా అవర ఇన్ద్ర ఆసీత్ |
దేవా ఇదస్య హవిరద్యమాయన్యో అర్వన్తం ప్రథమో అధ్యతిష్ఠత్ ||
ఈర్మాన్తాసః సిలికమధ్యమాసః సఁ శూరణాసో దివ్యాసో అత్యాః |
హఁసా ఇవ శ్రేణిశో యతన్తే యదాక్షిషుర్దివ్యమజ్మమశ్వాః ||
తవ శరీరం పతయిష్ణ్వర్వన్తవ చిత్తం వాత ఇవ ధ్రజీమాన్ |
తవ శృఙ్గాణి విష్ఠితా పురుత్రారణ్యేషు జర్భురాణా చరన్తి ||
ఉప ప్రాగాచ్ఛసనం వాజ్యర్వా దేవద్రీచా మనసా దీధ్యానః |
అజః పురో నీయతే నాభిరస్యాను పశ్చాత్కవయో యన్తి రేభాః ||
ఉప ప్రాగాత్పరమం యత్సధస్థమర్వాఁ అచ్ఛా పితరం మాతరం చ |
అద్యా దేవాన్జుష్టతమో హి గమ్యా అథా శాస్తే దాశుషే వార్యాణి ||
సమిద్ధో అద్య మనుషో దురోణే దేవో దేవాన్యజసి జాతవేదః |
ఆ చ వహ మిత్రమహశ్చికిత్వాన్త్వం దూతః కవిరసి ప్రచేతాః ||
తనూనపాత్పథ ఋతస్య యానాన్మధ్వా సమఞ్జన్త్స్వదయా సుజిహ్వ |
మన్మాని ధీభిరుత యజ్ఞమృన్ధన్దేవత్రా చ కృణుహ్యధ్వరం నః ||
నరాశఁసస్య మహిమానమేషాముప స్తోషామ యజతస్య యజ్ఞైః |
యే సుక్రతవః శుచయో ధియంధాః స్వదన్తి దేవా ఉభయాని హవ్యా ||
ఆజుహ్వాన ఈడ్యో వన్ద్యశ్చా యాహ్యగ్నే వసుభిః సజోషాః |
త్వం దేవానామసి యహ్వ హోతా స ఏనాన్యక్షీషితో యజీయాన్ ||
ప్రాచీనం బర్హిః ప్రదిశా పృథివ్యా వస్తోరస్యా వృజ్యతే అగ్రే
అహ్నామ్ |
వ్యు ప్రథతే వితరం వరీయో దేవేభ్యో అదితయే స్యోనమ్ ||
వ్యచస్వతీరుర్వియా వి శ్రయన్తాం పతిభ్యో న జనయః శుమ్భమానాః |
దేవీర్ద్వారో బృహతీర్విశ్వమిన్వా దేవేభ్యో భవత సుప్రాయణాః ||
ఆ సుష్వయన్తీ యజతే ఉపాకే ఉషాసానక్తా సదతాం ని యోనౌ |
దివ్యే యోషణే బృహతీ సురుక్మే అధి శ్రియఁ శుక్రపిశం దధానే ||
దైవ్యా హోతారా ప్రథమా సువాచా మిమానా యజ్ఞం మనుషో యజధ్యై |
ప్రచోదయన్తా విదథేషు కారూ ప్రాచీనం జ్యోతిః ప్రదిశా
దిశన్తా ||
ఆ నో యజ్ఞం భారతీ తూయమేత్విడా మనుష్వదిహ చేతయన్తీ |
తిస్రో దేవీర్బర్హిరేదఁ స్యోనఁ సరస్వతీ స్వపసః సదన్తు ||
య ఇమే ద్యావాపృథివీ జనిత్రీ రూపైరపిఁశద్భువనాని విశ్వా |
తమద్య హోతరిషితో యజీయాన్దేవం త్వష్టారమిహ యక్షి విద్వాన్ ||
ఉపావ సృజ త్మన్యా సమఞ్జన్దేవానాం పాథ ఋతుథా హవీఁషి |
వనస్పతిః శమితా దేవో అగ్నిః స్వదన్తు హవ్యం మధునా ఘృతేన ||
సద్యో జాతో వ్యమిమీత యజ్ఞమగ్నిర్దేవానామభవత్పురోగాః |
అస్య హోతుః ప్రదిశ్యృతస్య వాచి స్వాహాకృతఁ హవిరదన్తు దేవాః ||
కేతుం కృణ్వన్నకేతవే పేశో మర్యా అపేశసే |
సముషద్భిరజాయథాః ||
జీమూతస్యేవ భవతి ప్రతీకం యద్వర్మీ యాతి సమదాముపస్థే |
అనావిద్ధయా తన్వా జయ త్వఁ స త్వా వర్మణో మహిమా పిపర్తు ||
ధన్వనా గా ధన్వనాజిం జయేమ ధన్వనా తీవ్రాః సమదో జయేమ |
ధనుః శత్రోరపకామం కృణోతి ధన్వనా సర్వాః ప్రదిశో జయేమ ||
వక్ష్యన్తీవేదా గనీగన్తి కర్ణం ప్రియఁ సఖాయం పరిషస్వజానా |
యోషేవ శిఙ్క్తే వితతాధి ధన్వన్జ్యా ఇయఁ సమనే పారయన్తీ ||
తే ఆచరన్తీ సమనేవ యోషా మాతేవ పుత్రం బిభృతాముపస్థే |
అప శత్రూన్విధ్యతాఁ సంవిదానే ఆర్త్నీ ఇమే విష్పురన్తీ
అమిత్రాన్ ||
బహ్వీనాం పితా బహురస్య పుత్రశ్చిశ్చా కృణోతి సమనావగత్య |
ఇషుధిః సఙ్కాః పృతనాశ్చ సర్వాః పృష్ఠే నినద్ధో జయతి ప్రసూతః ||
రథే తిష్ఠన్నయతి వాజినః పురో యత్ర-యత్ర కామయతే సుషారథిః |
అభీశూనాం మహిమానం పనాయత మనః పశ్చాదను యచ్ఛన్తి రశ్మయః ||
తీవ్రాన్ఘోషాన్కృణ్వతే వృషపాణయో శ్వా రథేభిః సహ వాజయన్తః |
అవక్రామన్తః ప్రపదైరమిత్రాన్క్షిణన్తి శత్రూఁరనపవ్యయన్తః ||
రథవాహనఁ హవిరస్య నామ యత్రాయుధం నిహితమస్య వర్మ |
తత్రా రథముప శగ్మఁ సదేమ విశ్వాహా వయఁ సుమనస్యమానాః ||
స్వాదుషఁసదః పితరో వయోధాః కృచ్ఛ్రేశ్రితః శక్తీవన్తో
గభీరాః |
చిత్రసేనా ఇషుబలా అమృధ్రాః సతోవీరా ఉరవో వ్రాతసాహాః ||
బ్రాహ్మణాసః పితరః సోమ్యాసః శివే నో ద్యావాపృథివీ అనేహసా |
పూషా నః పాతు దురితాదృతావృధో రక్షా మాకిర్నో అఘశఁస ఈశత ||
సుపర్ణం వస్తే మృగో అస్యా దన్తో గోభిః సంనద్ధా పతతి ప్రసూతా |
యత్రా నరః సం చ వి చ ద్రవన్తి తత్రాస్మభ్యమిషవః శర్మ యఁసన్ ||
ఋజీతే పరి వృఙ్ధి నో శ్మా భవతు నస్తనూః |
సోమో అధి బ్రవీతు నో దితిః శర్మ యచ్ఛతు ||
ఆ జఙ్ఘన్తి సాన్వేషాం జఘనాఁ ఉప జిఘ్నతే |
అశ్వాజని ప్రచేతసో శ్వాన్త్సమత్సు చోదయ ||
అహిరివ భోగైః పర్యేతి బాహుం జ్యాయా హేతిం పరిబాధమానః |
హస్తఘ్నో విశ్వా వయునాని విద్వాన్పుమాన్పుమాఁసం పరి పాతు
విశ్వతః ||
వనస్పతే వీడ్వఙ్గో హి భూయా అస్మత్సఖా ప్రతరణః సువీరః |
గోభిః సంనద్ధో అసి వీడయస్వాస్థాతా తే జయతు జేత్వాని ||
దివః పృథివ్యాః పర్యోజ ఉద్భృతం వనస్పతిభ్యః పర్యాభృతఁ సహః |
అపామోజ్మానం పరి గోభిరావృతమిన్ద్రస్య వజ్రఁ హవిషా రథం యజ ||
ఇన్ద్రస్య వజ్రో మరుతామనీకం మిత్రస్య గర్భో వరుణస్య నాభిః |
సేమాం నో హవ్యదాతిం జుషాణో దేవ రథ ప్రతి హవ్యా గృభాయ ||
ఉప శ్వాసయ పృథివీముత ద్యాం పురుత్రా తే మనుతాం విష్ఠితం జగత్ |
స దున్దుభే సజూరిన్ద్రేణ దేవైర్దూరాద్దవీయో అప సేధ శత్రూన్ ||
ఆ క్రన్దయ బలమోజో న ఆ ధా ని ష్టనిహి దురితా బాధమానః |
అప ప్రోథ దున్దుభే దుచ్ఛునా ఇత ఇన్ద్రస్య ముష్టిరసి వీడయస్వ ||
ఆమూరజ ప్రత్యా వర్తయేమాః కేతుమద్దున్దుభిర్వావదీతి |
సమశ్వపర్ణాశ్చరన్తి నో నరో స్మాకమిన్ద్ర రథినో జయన్తు ||
ఆగ్నేయః కృష్ణగ్రీవః సారస్వతీ మేషీ బభ్రుః సౌమ్యః పౌష్ణః శ్యామః
శితిపృష్ఠో బార్హస్పత్యః శిల్పో వైశ్వదేవ ఐన్ద్రో రుణో మారుతః కల్మాష
ఐన్ద్రాగ్నః సఁహితో ధోరామః సావిత్రో వారుణః కృష్ణ ఏకశితిపాత్పేత్వః ||
అగ్నయే నీకవతే రోహితాఞ్జిరనడ్వానధోరామౌ సావిత్రౌ పౌష్ణౌ
రజతనాభీ వైశ్వదేవౌ పిశంగౌ తూపరౌ మారుతః కల్మాష ఆగ్నేయః కృష్ణో జః సారస్వతీ
మేషీ వారుణః పేత్వః ||
అగ్నయే గాయత్రాయ త్రివృతే రాథన్తరాయాష్టాకపాల ఇన్ద్రాయ
త్రైష్టుభాయ పఞ్చదశాయ బర్హతాయైకాదశకపాలో విశ్వేభ్యో దేవేభ్యో జాగతేభ్యః
సప్తదశేభ్యో వైరూపేభ్యో ద్వాదశకపాలో
మిత్రావరుణాభ్యామానుష్టుభాభ్యామేకవిఁశాభ్యాం వైరాజాభ్యాం పయస్యా
బృహస్పతయే పాఙ్క్తాయ త్రిణవాయ శాక్వరాయ చరుః సవిత్ర ఔష్ణిహాయ
త్రయస్త్రిఁశాయ రైవతాయ ద్వాదశకపాలః ప్రాజాపత్యశ్చరురదిత్యై విష్ణుపత్న్యై
చరురగ్నయే వైశ్వానరాయ ద్వాదశకపాలో నుమత్యా అష్టాకపాలః ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |