రామాయణ విశేషములు-4
పక్షిప్తములు
1
రామాయణమును అనేకశతాబ్దములలో క్రమక్రమముగా అభి మానులు పెంచుచు వచ్చినారనుటలో ఏ మాత్రమును సందేహములేదు. పెంచినవారు తమ హస్తక్షేపములను గుర్తించకుండా బాగుగా ప్రయ త్నము చేసినవారు కారు. పరస్పర విరుద్ధములగు నంశములను వ్రాయుట, బౌద్ధ, క్రీస్తు శకానంతర విషయములను తమతమ కాలపు మత సాంఘిక స్థితులను గురించి వ్రాయుట, చరిత్రగా నుండదగిన దానిని అద్భుతములతోను మానవాతీతములతోను వర్ణించి పెంచుట, ఇట్టి వన్నియు ప్రక్షి ప్రములని భావింతును
శబ్దములు అర్థములు నాశ్రయించి కొన్ని విడ్డూరపు కల్పనలు చేసిరి. వాలి అన తోక కలవాడని యర్థమగును కావున అతడొక కోతి తోక పైననే పుట్టెనని వ్రాసిరి. సుగ్రీవుడన మంచి గ్రీవము కలవాడు కావున అతడు వాలిని తోక పైకన్న కోతిమెడ మీదనే పుట్టెనని వర్ణించిరి. ఇట్టివి పురాణములం దంతటను సర్వసాధారణముగా కనిపించు విశిష్టతలు! ఇవన్నియు ప్రక్షి ప్రములే యగును.
2
బాలకాండలోని రావణ వధోపాయ సర్గము (15), పాయసోత్పత్తి సర్గము (18). ఋక్ష వానరోత్పత్తి సర్గము (17), స్పష్టముగా తర్వాతి క ్పనలే! రావణవధార్థము పుట్టిన వానరులలో వాలికూడ చేరినవాడు. “వానరేంద్రం మ హేంద్రాభ మింద్రో వాలినమాత్మజం . " ఇంద్రుడు తనతో సమానుడగు వానరేంద్రుని వాలిని పుట్టించెనని కలదు (బాల. 17–10) అట్టి కారణకన్ముని శ్రీరాముడేల చంపెను?
శ్రీరాముడు "శైష్ఠ్యం శాస్త్రసమూహేషు ప్రాప్తోవ్యా మిశ్రి కేషుచ." శాస్త్రములందు వ్యామిశ్రకావ్యములందు ప్రవీణు డని వర్ణించి నారు (అయో. 1-27). రాముని కాలమందు
ప్రాకృత భాషలు వ్యామిశ్రి కము లుండెనా? ప్రాకృతోత్పత్తి పాణిన్యనంతరమై యుండును. కావున ఈ శ్లోకము ప్రక్షి ప్రమగును. రెండు. మొదటిది "ప్రాకృత వ్యాకరణసంప్రదాయములు హిందూదేశ ప్రాగ్భాగమునకును రెండవది పడమటిభాగమునకును సంబంధించినవి. శాకల్య భరత కోహలాదుల ననుసరించి వరరుచి వ్రాసిన ప్రాకృత ప్రకాశము తూర్పు సంప్రదాయమునకు చేరినది. పడమటి సంప్రదాయమునకు జేరిన సూత్రాత్మకమైన ప్రాకృత వ్యాకరణము మరి యొకటి. దానిని వాల్మీకి రచించెనని తన్మతానుసారులైన త్రివిక్రమ హేమచంద్ర సింహరాజ లక్ష్మీధర ప్రభృతులు చెప్పుచున్నారు. ఈ విషయము వివాదగ్రస్తమైయున్నది" అని శ్రీ మల్లాది సూర్యనారాయణ శాస్త్రిగారు వ్రాసిరి. 1
3
బాలకాండలోని మొదటి సర్గలో రామాయణ సంగ్రహము తెలుప బడినది. అందు లేనివి విపులమగు రామాయణములో నుండుట అన్నిటగాకున్నను కొన్నిట ప్రక్షిప్తములనియు తర్వాత పెంచినవనియు సందేహము కలుగుట కవకాశము కలదు.
1 నుండి 19 శ్లోకాలు రాముని యుత్తమత్వ వర్ణన కలవి. 20 లో రాముని పట్టాభిషేకాలోచన కలదు. ఇందు తాటకావధ లేదు.
1. సంస్కృత వాఙ్మయ చరిత్ర - భాగము 1. పుటలు 65-66. శ్లో. 28 లో "పౌరైరనుగతో దూరం పిత్రా దశరథేనచ" అనుటచే రాముడు వనవాసమునకు వెళ్లునపుడు తండ్రి కూడ పౌరులతో పాటు చాలాదూరము వెంటవెళ్లెనని కలదు కాని అయోధ్యకాండలో ఇది లేదు.
॥52లో బంగారుజింక ముచ్చట లేదు. రామలక్ష్మణుల నొకేమారు మోసగించి దూరముగా మారీచుడు తీసుకొనిపోయెనట!
బాలకాండ మూడవ సర్గలో 9వ శ్లోకమునుండి సర్గ తుదివరకు రామాయణ సంగ్రహము చెప్పినారు. అందు మరికొన్ని విశేషాలు కలవు. పుష్పకమును రాముడు చూచెను అని కలదు (శ్లో. 38). అది రావణ భవనమని స్పురించును. సర్గతుదిలో “వైదేహ్యాశ్చ విసర్జనం" అని ఉత్తరకాండ సూచితము శ్లో. 87 లోను అటులే సూచితము. ఉత్తర 37 కాండ వాల్మీకి రచితముకాదని వ్యాఖ్యాత లొప్పుకొన్నారు. ఈ సంగ్రహ ములో దాని సూచన వచ్చుటచే ఇదియు తర్వాతివారిచే వ్రాయబడెనేమో? బాలకాండ నాల్గవ సర్గలో 4,5 శ్లోకాలలో కుశలవ అను శబ్దమున్నది. దానికి కథ చెప్పువారని అర్థమగును.
“వాచో విధేయం తత్సర్వం కృత్వా కావ్య మనిందితౌ” (శ్లో. 12)
అనుటచే వారు రామకథను (వాచోవిధేయం) కంఠపాఠము చేసిరి. 24,000 శ్లోకాలను కంఠపాఠము చేయగలిగిరా? రామాయణము పురాణముకాదు. "కావ్యము" అని పై శ్లోకమే తెలుపుచున్నది. దానిని వారు “పాడిరి” (జగతుః. బాల. 4-18) ఆ రామాయణమును ఎవరు ప్రదర్శింపగలరు? (ప్రయుఁజీయాత్. బా. 4-8) అని వాల్మీకి తలపోసె ననుటచే తందాన కథవలె అభినయముతో గానముతో కథ చెప్పబడే ననుట స్పష్టము. శ్రీ. ఓ. మెకటరంగయ్యగారు ఇట్లు తెలుపుచున్నారు: "వాల్మీకి 500 సర్గలు రచింతుననెను. కాని ఇప్పటి షట్కాండములందు 557 సర్గ లున్నవి. ప్రక్షి ప్రములు కొన్ని చోట్ల స్పష్టముగ తెలియును. పూర్వవ్యాఖ్యా తలే బాలకాండలోని మహామైథున సంకల్పము, యుద్ధకాండలోని ఆదిత్య హృదయమును ప్రక్షిప్తములుగ గణించిరి సుందరకాండలో సీత హను మంతునితో చెప్పిన కాకాసుర వృత్తాంతమునకు కొన్ని ప్రతులలో అయోధ్యకాండలో నొక సర్గమంతయు కల్పింపబడినది. యుద్ధకాండ సర్గలు 120,121,122 ప్రక్షిప్తములుగ నగపడుచున్నవి అందు “కృష్ణః ప్రజాపతిః”అని రాముడు స్తుతింపబడినాడు. అది భవిష్యత్కృష్ణావతార సూచనయని గోవిందరాజ వ్యాఖ్య. ప్రక్షిప్తములు విడదీసి వాల్మీకి ప్రోక్తమగు భాగమును మాత్ర మెవ్వరైన నిర్ణయింప గలుగుదురేని గొప్ప భాషా సేవగ నుండును.
4
"కృత్స్నం రామాయణం కావ్య మీదృశైః కరవా ణ్యహం" (బాల. 2-41)
అని రామాయణమంతయు అనుష్టుప్పు శ్లోకాలతో రచించుతున్నా నని వాల్మీకి ప్రవచించెను కదా! తక్కిన శ్లోకాలన్నియు ప్రక్షిప్తా లన వలెనా లేదా? బాలకాండ మొదటి నాలుగు సర్గలలో వాల్మీకి అను మహర్షి రామాయణమును రచించెను అని పలుమారు లితరులు చెప్పినట్లుగా వర్ణించుటచేత ఆ నాలుగు సర్గములును ప్రతి ప్తములే యనిపించును.
+ శ్రీ ఒంగోలు వెంకట రంగయ్య, బి. ఏ., బి ఎల్. గారు (నెల్లూరు) ఈ రామాయణ విశేషములు మొదటి ము దణమును చదివి నాకు విపులముగా 8 జాబులు వ్రాసిరి. వారి పరిశోధక విజ్ఞానము అతి విపులము. వారు నా భావములతో చాలావర శేకీభవించి నాకు మంచి ప్రోత్సాహము కలిగించినారు. పుట:రామాయణ విశేషములు.pdf/110 పుట:రామాయణ విశేషములు.pdf/111 పుట:రామాయణ విశేషములు.pdf/112 పుట:రామాయణ విశేషములు.pdf/113 పుట:రామాయణ విశేషములు.pdf/114 పుట:రామాయణ విశేషములు.pdf/115 పుట:రామాయణ విశేషములు.pdf/116 పుట:రామాయణ విశేషములు.pdf/117 పుట:రామాయణ విశేషములు.pdf/118 పుట:రామాయణ విశేషములు.pdf/119