పదబంధ పారిజాతము/అత్త
అటి_____అటి 53 అక్వ్తి_____అతి
- "ఎడ్లబండిలో ఆ పదిమైళ్లూ ప్రయాణం చేసేటప్పటికి ఒళ్ళంతా అతలకుతల మై పోయింది."
- "మిలిటరీవాళ్లు దిగడంచేత ఆ ఊరంతా అతలకుతలం అయిపోయింది." వా.
అతిక మాత్ర
- అధిక ప్రసంగి.
- ఇది చిత్తూరుజిల్లాలో విశేషంగా ప్రచారంలో ఉండే పలుకుబడి.
- చూ. అదనప్రసంగి.
అతిగహనము
- చాల క్లిష్ట మయినది.
- "దీని విధానం బెఱుగంగా.......దా నతిగహనంబు." భార. అర. 1. 330.
అతిథీ అభ్యాగతీ
- వేళకు వచ్చే పథికులూ వారూ. జం.
- "వాళ్లింటికి రోజూ అతిథో అభ్యాగతో ఎవరో ఒకరు వస్తూ ఉంటారు." వా.
అతి పనికి రాదు
- ప్రతిదానికి పరిమితి ఉండా లని చెప్పునపుడు అనేమాట.
- "స్నేహాలూ, ప్రేమలూ, రావడాలూ, పోవడాలూ ఇవన్నీ ఉండవలసిందే కాని అతి పనికి రాదు రా బాబూ!" వా.
అతిమనిషి
- మితి మించి ప్రవర్తించు వాడు.
- "వాడు వట్టి అతిమనిషి. ఏమాత్రం చను విచ్చినా నెత్తిన కూర్చుంటాడు.? వా.
అటిరథులూ మహారథులూ
- ఎత్తిపొడుపుగా, వాళ్ళంతా చాల గొప్పవాళ్లు లే అన్నట్లు ఉపయోగించేపలుకుబడి.
- ప్రాచీనయుద్ధ పరిభాషద్వారా వచ్చినది.
- "ఉన్నారు గా మీ వాళ్ళంతా అతిరథులూ, మహారథులూ. నా సాయం ఎందుకు కావలసి వచ్చింది." వా.
అతిరసాలు
- ఒక పిండివంట.
అతివాసము
- చూ. అధివాసరము.
అతివినయము
- ధూర్తత.
- అతివినయం ధూర్తలక్షణం అనే నీతివాక్యంపై ఏర్పడినది.
- "అదంతా వినయం కాదు. అతివినయం సుమా." వా.
అతివృష్టీ అనావృష్టీ
- ఏ దొచ్చినా ఎక్కువే అనుట.
- వర్ష సంబంధ మైన పలుకుబడి.
- "వాడు వస్తే రోజూ వస్తాడు. లేదా కొన్ని నెలలు కనిపించడు. వాడి దంతా అతివృష్టీ అనావృష్టీ." వా.
అతిశయం
- గర్వం.
- "కలవారింటి కోడ లని దానికి మహా అతిశయం." వా.
- "అంత అతిశయాలకు పోవద్దురా? మన మేమి ఉన్న వాళ్లమా? ఏ మన్నానా?" వా. అతి_____అతు 54 అత్త_____అట్ట
అతి సర్వత్ర వర్జయేత్
- ప్రతిదానికీ పరిమితి ఉండాలి అని చెప్పవలసినపుడు అనే మాట.
- "నీవు మరీ వాడితో అంత పూసుకొని తిరుగుతున్నా వేమిరా? అతి సర్వత్ర వర్జయేత్ అన్నారు." వా.
అతీ గతీ లేదు
- దానినిగురించి ఏమీ తెలియదు. జం.
- "వాడికి పదిజాబులు రాసినా అతీ గతీ లేదు." వా.
అతుకులబొంత
- చిన్న చిన్న బట్ట పేలికలను అన్నిటినీ చేర్చి, బొంతగా కుట్టడం పల్లెలలో నేటికీ అలవాటు. దానిపై వచ్చిన పలుకుబడి.
- "ఆ కావ్యం అతుకులబొంతగా తయారైంది. దాన్లో కొంత దీన్లో కొంత తీసి కుట్లు వేస్తే అంతకంటే యేమవుతుంది?"
- "ఈ అతుకులబొంత సంసారం నేను చెయ్యలే నమ్మా. ఒకటి ఉంటే ఒకటి ఉండదు." వా.
అతుకులసంసారం
- చాలీ చాలని ఆదాయం గల సంసారం.
- "మే మేదో అతుకుల సంసారం చేస్తున్నాము. మా కవన్నీ రావా లంటే ఎక్క్క్వడ వస్తాయి?" వా.
అత్తకోక తొలగినట్లు
- ఏ మనడానికీ వీలు లేనిపరిస్థితి యేర్పడినప్పు డనేమాట.
- కోక తొలగిం దని చెప్పినా బాగుండదు, చెప్పక పోయినా భా గుండదు.
- "నక్క యురులలోన జిక్కుకొన్న వితానం, గోరి మనము చేసికొన్న పనికిం, బేగులలోనితీట విత మాయె నన రాసు, అత్తకోక తొలగినటుల బలుక."
- రాధికా. 3 ఆ.
అత్తగంతు
- వేశ్యామాతల గుంపు.
- కుమా. 8. 135.
అత్తగారి సాధింపు
- ప్రతి చిన్న దానికీ దెప్పిపొడుచుట.
అత్తపోరు
- అత్త కోడలిని పెట్టుఆరడి.
- "ఈ సంబంధం చాలా మంచిది. అత్తపోరూ, ఆడబిడ్డపోరూ ఏమీ లేదు. ఒంటిగాడు. లక్షణమైన సంబంధం." వా.
అత్తమామల పోరు లేని కాపురం
- కొత్తగా వచ్చినకోడలిని అత్తమామలు ఊరికే తప్పు పట్టుతూ పోరి బొక్కలాడుతారు. అట్టి పెద్ద లెవరూ లేని కాపురము. అనగా స్వేచ్ఛ ఉన్న దనుట.
- "నిలనీని వంటవార్పుల నత్తమామల పోరును లేనికాపురము గలిగె."
- శుక. 3 ఆ. 66 ప. అత్త_____అత్తా 55 అత్తి_____అద
అత్తముండ
- నిరసనగా అనునప్పుడు అత్తను గూర్చి అనుమాట.
- "ఉత్తముండకంటే అత్తముండ మేలు." సా.
అత్తమీద కన్నులు అంగడిపై చేతులు
- "నందసుతుడు మున్ను నామీది ప్రేమచే, నొకటి సేయ బోయి యొకటి సేయు, అత్తమీద గన్ను లంగటిపై జేఉ, లాయె ననుచు జెలియ లరసి నవ్వ."
- రాధి. 3 అ.
అత్తలాగ
- అత్తవలె పోరు ననుట.*
- "అత్త లేకపోతే నేం. మా ఆయన ఉన్నాడుగా. ఆయనే నా కత్తగారు."
- "ఆ మేనేజరు అత్తలాగ అస్తమానం పోరుతుంటా డంటే నమ్ము." వా.
అత్త లేనికోడలు ఉత్తమురాలు
- దండించువా రెవరూ లేరు. కనుకనే ఆమె తప్పులు బయటపడ వనుట.
- "అత్తలేని కోడ లుత్తమ్మురాలు." పా. పా.
అత్తా లేదు ఆడబిడ్డా లేదు
- దండించువారు, తప్పు పట్టువారు ఎవరూ లే రనుట.
- "అత్తా లేదు. ఆడబిడ్డా లేదు. దానికేం? ఏ మయినా చేస్తుంది." వా.
అత్తారబత్తంగా
- ముడుపులాగా.
- క్రొత్త. 29.
అత్తింటికాపురం
- పరతంత్రజీవనం.
- "అక్కడ పని చేయడం అత్తింటి కాపురంగా ఉంది. ఏం చేసినా తప్పే. ఏం చేయ కున్నా తప్పే." వా.
అత్తింటికుంది
- ద్వేషముతో చూడబడునది.
అత్తింటికోడలు
- మగనాలు.
- "అత్తింటికోడలికి గా, హత్తుక నత డుండె నొక యువాగ్రణికొఱకై."
- హంస. 2. ఆ. 246 ప.
అత్తిల్లు చేరి బ్రతుకు
- నీచముగా జీవించు.
- కృష్ణనీ. 76.
అత్తెసరు పెట్టు
- సరియెసురు పెట్టు.
- బియ్యానికి పైన చేతివ్రేళ్లు మునిగేదాకా నీ ళ్లుండునట్లు ఉంచి పొయ్యిమీద పెట్టుట. అది ఉడి కేటప్పటికి సరిగ్గా ఆ నీళ్లు సరిపోతవి. వార్చవలసిన అవసరం ఉండదు. దీనినే రాయలసీమలో సరియెసురు, సరెసురు అంటారు.
- "నే బయట ఉన్నానా? మా ఆయన కుంపటిమీద అత్తెసరు పెట్టి వెళ్ళిపోతారు? మా యెడపిల్లతోనే దాన్ని పొయ్యిమీదినుంచి దింపించి ఉంచుతాను." వా.
అదటడచు
- పొగ రడచు. అద______అద 56 అద______అద
- "అదయత బోనీక పొదివి యద టడచె." భాస్క. యుద్ధ. 1808.
అదనప్రసంగి
- అనవసరంగా కల్పించుకొని మాటలాడువాడు.
- చిత్తూరు జిల్లాలో ఎక్కువ వాడుకలో నున్నరూపం.
- "వాడు వట్టి అదనప్రసంగి. వాడితో ఎవరు పెట్టుకుంటారు.?" వా.
- చూ. అధిక ప్రసంగి.
అదనవిరిద లగు
- అదవద లగు.
- "మదనభూతము సోకినమగువలు పురుషులు అదనవిరిద లై అంగ మొల లై పెదవి నెత్తురు లీర్చి."
- తాళ్ల. సం. 9. 205.
అదను పదను
- తగినసమయము. జం.
- "అదనుపదనునె కూర్చి మాయప్పు దీర్చి, పొమ్ము నీ వన్న బోమె యీ పోరు మాని."
- హరి. 4. 37.
అదరంట
- బాగా, లోతుగా.
- "అదరంటగా నొక్కి యాన బోకు." రాధి. 1. 113.
అదరగొట్టు
- అడలగొట్టు.
- "వాడు మాటలతో ఇతరులకు అదరగొట్టేస్తాడు." వా.
- చూ. అదరవైచు.
అదరవైచు
- బెదరించు.
- "అదరవైచియు బుజ్జగించియు బోధించియు." ప్రభావ. 3. 143.
- చూ. అదరగొట్టు.
అదరువేటు
- ప్రాణానికి మొప్పం లేకుండా భయపెట్టుటకు మాత్రమే కొట్టు దెబ్బలు. రాయలసీమలో విరివిగా వాడుకలో నున్న పలుకుబడి.
- "నాలుగు అదురువేట్లు వేసి పంపితే సరి." వా.
అదవ
- 1. వుకల మయిన.
- "వాడిది కొంచెం అదవచేయి."
- "వాడికి కాలు అదవ కనక యీడుస్తూ నడుస్తాడు." వా.
- 2. ఒకరికింద ఉన్న వాడు, దుర్బలుడు. అందువల్లనే తెలివి తక్కువవాడు.
- వావిళ్ల వగైరా కోశాలలో ఉన్న అస్థిరుడు అన్న అర్థం సరి కాదు. ఇది నేటికీ రాయల సీమలో ప్రచురంగా అలవాటులో ఉన్న పదం.
అదవకాపుర ముండు
- 1. ఎత్తుడు కాపుర ముండు.
- 2. ఒకరిపై బ్రతుకు.
- లక్షణయా అదవ కాపుర మనగా అదవవాని కాపురము వంటి కాపుర మనుట. అద_____అద 57 అద______అది
- "కెడసిన గరిసెలక్రింద లాగల గ్రుస్సి యదవకాపుర ముండు నాఖుతతుల." ఆము. 6. 13.
- చూ. అదవత్రావుడు.
అదవచిక్కు
- అధీనములో నుండి లోకువ యగు.
- "నీకు నే నేం అదవ చిక్కి నా ననా? అన్నిమాట లంటున్నావు?" వా.
- "వాడు అదవ చిక్కినవాడు కనుక నువ్వేం చేసినా చెల్లుతూ ఉంది. ఇం కెవడైనా అయితే ఓర్చుకుంటాడూ?" వా.
అదవత్రావుడు
- తిరిపెపుత్రాగుడు.
- ఒకరు త్రాగుతూ - వీడు ఎదురుగా ఉంటే పోనీ వాడికీ ఒక ముంత ఇవ్వు అని - యిప్పించునది. అదవ అంటే లోకువ, క్రిందివాడు అనే అర్థాలలో అనేక ప్రయోగాలు కాన వస్తాయి. అదవనాయాలా ఒక తిట్టు.
- "తన చెలులిండ్లయం దదవత్రావుడు త్రావుచు..." పాండు. 3 ఆ. 19 ప.
అదవదపడు
- వ్యథపడు.
- "భేతాళు బురికొల్పి పృథివీశు నసిధార, సాతండు దెగి కూల నదవదపడి."
- రామకథా. బాల. 7. 476.
అదవద పొందు
- కలతచెందు.
- "అదవద బొంద బా లయితి నక్కట!" హరి. ఉ. 8. 199.
అదవద లగు
- చెల్లా చెదరు లగు, కలత చెందు.
- "అదవద లైన పయ్యెదలు నందము తప్పిన హారవల్లులున్." విక్ర. 5 ఆ.
అదవనాయాలు
- ఒక తిట్టు.
- "పోరా అదవనాయాలా. నీతో నేం నాకు?" వా.
- చూ. అదవ.
అదవబతుకు
- నీచపుబతుకు.
- "నాది వట్టి అదవబతుకు అయిపోయింది." వా.
అదవెట్టు.
- మొఱపెట్టు.
- "అని యిట్లు ధరణీసురుం డదవెట్ట భాగవతక్షోభమునకు భువనభర్తయు భయంపడి." ఆము. 7. 48.
అదాట్టుగా
- హఠాత్తుగా.
- "వాడు అదాట్టుగా వచ్చి పట్టు కొన్నాడు." వా.
అది ఒకటే కొదవ
- కావలసి నన్నీ అయినవి, అదొక్కటే తక్కువ అనుట.
- "ప్రజలయిండ్ల గన్న పెట్టని దొక్కటే కాని కొదవ, కడకు దుర్వృత్తులన్నియు గఱచె నతడు."
- నిరంకు. 2. 26. అది_____అది 58 అది_____అది
- "వాడు దివాలా తీయడం ఒక్క టే కొదవ." వా.
- 2. ఏ మున్నాయి గనుక అది లే దని?
- "ఒకరు:- ఎంతమంచి షిఫాను చీరలు వచ్చా యనుకున్నావు!
- "మరొకరు:- అదొక్కటే తక్కువమ్మా! నా మొహానికి." వా.
అది కాదు
- వాక్యోపస్కారకము.
అది గాక
- అంతే కాక.
- ఏ దైనా ఒకటి చెప్పి మరొకటి చెప్పునప్పుడు ఉపయోగిస్తారు.
- "వానికి మన మంటే పడదు. వాడా లోభి. ఇలాంటప్పుడు మనం పోయి అడిగితే వా డిస్తాడా చస్తాడా? అది గాక అంతదూరం మనం పోయి వచ్చేంత సావకాశం కూడా లేదు." వా.
- చూ. అదీ గాక.
అది నేరమా?
- అది ఒక తప్పా?
- ఏదో కొంత పొరపా టున్నా అదంత పెద్ద తప్పుకాదు అని చెప్పుటలో ఉపయోగించే పలుకుబడి.
- "ముదురు చందురు గావి కెమ్మోని మీద, నాట నొత్తిని పలుగంటి నాటుపట్ల... అది నేరమా తలంప."
- రాజగో. 3. 36.
- "ఆయన వచ్చేటప్పటికి నేను ఇంట్లో లేను. అదీ ఒక నేరమా? దాని కింత గొడవ పెట్టాలా? ఇంతకూ ఆయనకు కాఫీపొడికోసమే వెళ్లాను."
- "వాడిని చేరదీసి అన్నం పెట్టాను. అదీ ఒక నేరమా?" వా.
అది మొదలుకొని
- అక్కడినుండి.
- "అది మొదలుకొని చెప్పు మునిద యనిన." కళా. 3. 287.
అది య ట్లుండె
- "అది యట్లుండె నవ్విధంబున వివిధోపచారంబుల సంఘటింప బెంపునం బ్రవర్తిల్లుచుండు."
- ప్రభా. 1. 80.
- "అది అలా ఉండనీ..." వా.
అది యెంతమాత్రము?
- అదెంత పని?
- అతిసులభ మనుట.
- "చేసి కావలె... అన నది యెంతమాత్రము ధరామర నందన వేడు మింక నొండు..." నిరం. 4. 122.
- "అ దెంతపని? ఒక నిమిషంలో చేసేస్తాను." వా.
- "నాలుగు పద్యాలూ ఇప్పుడు రాస్తాను. అ దెంత మాత్రం." వా.
అదిరిపాటు
- 1. అకస్మాత్తు, హఠాత్తు.
- 2. మిడిసిపాటు.
- "అదిరిపాటెవ్వ డీక్షించె నాకసమున హాటకపు నుష్ణపింగళు డైనపురుషు, నాతనికి వత్సరద్వయం బవధి చూవె." కాశీ.
- "వాడి అదిరిపాటు చెప్పడానికి తరం కాదు." వా. అది_____అదీ 59 అదు_____అదు
అదిశం
- విచిత్రం, వింత, అరుదు. ఇది 'అతిశయం' మారి వచ్చినపలుకుబడి.
- దక్షిణాంధ్రంలో ప్రచురంగా వినిపించేపలుకుబడి.
- "వా ళ్లేదో ఆబిడ్డను అడుగు కింద పెట్టనీయకుండా సాకుతున్నారు. మహా అదిశంగా వీళ్లకే పిల్ల ఉన్నట్టు."
- "అదేం అదిశ మమ్మా! పిల్లను అత్త వారింటికి పంపడానికి అంత యిదయి పోతున్నారు." వా.
అది సంపాయిస్తున్నది
- ఒడ లమ్ముకొని డబ్బు చేసుకుంటున్నది అనుట.
- చిత్తూరుజిల్లాలో ఇది యెక్కువగా వినవస్తుంది.
అది సుత
- అది మొదలు.
- నాయకు. పు. 9.
అదీ ఒక గొప్పా
- గొప్ప కా దనుట.
- "భండనమందు నాకు నొక పాండవు లెంతటివారు." పాం. విజ.
- "వా డేదో నాలుగుపద్యాలు రాశాడట. అదీ ఒక గొప్పే?" వా.
అదీ ఒక తప్పా?
- "ఆయన బజారులో వెడుతూ ఉంటే నేను అరుగుమీదినుంచి లేవలే దట. అదీ ఒక తప్పా? వాడితో అన్ని మాట లన్నా డట."
- "వా డేదో పద్యాలు వినిపించాడు. సరే. విన్నాను గదా. తా నేదో కాళిదాసును మించిపోయాడు అని నే నన లే దట. అదీ ఒక తప్పా? వాడు నన్ను దు మ్మెత్తిపోస్తున్నాడు." వా.
- చూ. అది నేరమా?
అదును బదును
- ఆనుపాను. జం.
- "అదనుం బదను నెరింగి అండ నుంటే చాలు." తాళ్ల. సం. 3. 582.
అదుపు ఆజ్ఞ
- కట్టుబాటు. జం.
- "వాడు ఈమధ్య బొత్తిగా అదుపూ ఆజ్ఞా లేక తిరుగుతున్నాడు." వా.
అదురుగుండె
- భయస్థుడు.
- "వాడు వట్టి అదురుగుండె. ఒంటరిగా ఒంటికి కూడా పోలేడు." వా.
అదురుగుండె, పిక్కబెదురు లేమి
- నిర్భీకత్వము.
- "మేర మీఱు సంఖ్య మెఱయుదు రవ్వీట, నదురుగుండె పిల్ల బెదురు లేక." రంగా. 1. 18 పే.
అదురుతిక్క
- ఒక పశురోగం.
- "ఉంగిడి, యదురుద్రిక్క యనువానికి నా పేరు సెప్పినం జాలు."
- భార. విరా. 1. 286.
- "నరిడి పప్ప కప్ప నావురు కడుపూద, యదురుద్రిక్క యనగ నడరి మరియు, దెవులు లెన్ని యేని దవిలి యంతయు మహో, గ్రంబు లయ్య బశుగణంబు నందు." హరి. పూ. 6. 46.
అదురు బెదురు
- భయము. జం. అదు____అదే 60 అద్ద____అద్ద
- "వాడు ఎంత కటిక చీకటిలో అయినా అదురూ బెదురూ లేకుండా పోతాడు." వా.
అదురూ బెదురూ లేక
- జంకూ కొంకూ లేక. జం.
- "వాడు అదురూ బెదురూ లేక అర్ధ రాత్రిలో ఆ అడివిలో నడచి పోతాడు." వా.
అదురుమనిషి
- భయస్థుడు.
అదేం గగనం?
- అ దేమి గొప్ప. అదేమి ఘన కార్యం?
- "ఆ పుస్తకం ఒకరోజులో చదవడం అదేం గగనమా?"
- "అదేం గగనం లెద్దూ." వా.
అదేం బంగారమా?
- అంత విలువ కానిది అనుట.
- "వాడు ఆ పుస్తకం చూచి యిస్తానంటే యియ్య లేదు. అదేం బంగారమా?" వా.
అదే పదివేలు
- అంతమాత్రం చాలు. అదే గొప్ప.
- "చేరిక నిచ్చి పాదముల జేర్పు డదే పదివేలు." పాణి. 6. 107.
- "మీరు జాబు రాస్తే చాలు. అదే పదివేలు. రా నక్కఱ లేదు." వా.
అదే పనిగా
- తదేక దీక్షతో.
- "తిరిగితి మెల్ల దేశము లదే పనిగా." నానా. 83.
అద్దంతరపు సిరి
- నడమంత్రపు సిరి.
- కొత్త. 14.
అద్దపునీడ
- అశాశ్వతము.
- తాళ్ల. సం. 5. 311.
అద్దము చూచు
- ముకురవీక్ష చేయు.
- వేశ్యలకు కన్నెరికం పెట్టే ముందు అద్దం చూపించడం అనేది ఒక ఆచారం.
- "పుష్యనక్షత్రమునందు నీయనుగు గాదిలికూతురు చూచు నద్దమున్."
- క్రీడా. పు. 62.
అద్దములాగ
- పరిశుభ్రంగా, మినమినలాడు నట్లుగా.
- "వాళ్ల యిల్లు అద్దంలాగ ఉంటుంది. పాలు పోసి పాలు ఎత్తుకో వచ్చు." వా.
అద్దములోని ముడుపు
- వట్టి దనుట.
- అద్దములో ప్రతిఫలించినడబ్బు తీసుకొనుటకు రాదు కదా. తె. జా.
అద్దములో నీడ కాసపడు
- అలభ్యమునకై వేకారు.
- "బుద్దులు తప్పె నేమిటికి బోయిన నీళ్లకు గట్టవెట్ట నీ, యుద్దములోని నీడ కెటు లాసపడం బొసంగుం దలోదరీ." ఉ. హరి. 5. 157. అద్దు_____అధా 61 అధి______అధీ
అద్దు పద్దు.
- అదుపు ఆజ్ఞ. జం.
- "అద్దూ పద్దూ లేక వా డీమధ్య మితిమీఱి పోతున్నాడు." వా.
అద్దు ముద్దు
- ముద్దు ముచ్చట. జం.
- "అద్దుముద్దు మీఱి యాడది మగ డంచు, గుడిమాడి యాడ జూడ దలచి." రాధి. 3 ఆ.
అద్దెకు తిప్పు
- అద్దెకు ఇచ్చు.
- "వాడు ఉన్న నాలుగు ఇళ్లూ అద్దెకు తిప్పుతూ జీవిస్తున్నాడు." వా.
అద్భుత పడు
- ఆశ్చర్యపడు.
- "అశ్వము గొం చుడువీధి నేగ నద్భుతపడి." జైమి. 2. 29.
అద్వైతము
- చాదస్తము.
- "వాడి దంతా ఒట్టి అద్వైతం." వా
అధవా.
- ఒక వేళ.
- "వసుమతిపై నధవా నన్ను బుట్టింప నూహ కల్గెనేని." వరాహ. 2. 156.
- "నీవు వస్తే మంచిది. అధవా ఏకారణం వల్ల యినా నువ్వు రాలేక పోతే మీ వా ణ్ణయినా తప్పకుండా పంపించు." వా.
అధాయకుడా విధాయకుడా ?
- వాడికి చెప్పి ఏమి ప్రయోజనం? వా డిందులో చేయ గలది యేమి కలదు అనుపట్ల ఉపయోగించే పలుకుబడి.
- "వా డేమి అధాయకుడా ? విధాయకుడా ? వా డేమంటే నేమి? వా.
అధిక ప్రసంగము చేయు
- అనవసరముగా జోక్యము కలిగించుకొని మాట్లాడు.
అధిక ప్రసంగి
- వాచాలుడు.
- చూ. అదనప్రసంగి.
అధిక మాసము.
- సూర్యుడు ఒకే రాశిలో ఉండగా రెండు చాంద్రమాన మాసము లారంభ మైతే తొలిది అధికమాసం. రెంటికీ ఒకేపేరు ఉంటుంది.
- అధికచైత్రము, నిజచైత్రము ఇత్యాదులు.
అధికాచమానం
- బహిర్దేశమునకు వెళ్లుట వైదికుల పరిభాష.
- చూ. అల్పాచమానం.
అధివాసరము
- తద్దినానికి ముందునాటిరాత్రి ఉపవసించుట. దీనినే అతివాస మనీ వాడుకలో అంటారు.
- (రూపం) అతివాసము.
అధీతి బోధాచరణ ప్రచారణములు
- చదుట, ఇతరులకు చెప్పుట, ఆ ప్రకారం ఆచరించుట, వానిని అనుసరించ మని యిత