ఇమాం ఖనామ్య్ ఓషధిం వీరుధమ్ బలవత్తమామ్ |
యయా సపత్నీమ్ బాధతే యయా సంవిన్దతే పతిమ్ || 10-145-01
ఉత్తానపర్ణే సుభగే దేవజూతే సహస్వతి |
సపత్నీమ్ మే పరా ధమ పతిమ్ మే కేవలం కురు || 10-145-02
ఉత్తరాహమ్ ఉత్తర ఉత్తరేద్ ఉత్తరాభ్యః |
అథా సపత్నీ యా మమాధరా సాధరాభ్యః || 10-145-03
నహ్య్ అస్యా నామ గృభ్ణామి నో అస్మిన్ రమతే జనే |
పరామ్ ఏవ పరావతం సపత్నీం గమయామసి || 10-145-04
అహమ్ అస్మి సహమానాథ త్వమ్ అసి సాసహిః |
ఉభే సహస్వతీ భూత్వీ సపత్నీమ్ మే సహావహై || 10-145-05
ఉప తే ऽధాం సహమానామ్ అభి త్వాధాం సహీయసా |
మామ్ అను ప్ర తే మనో వత్సం గౌర్ ఇవ ధావతు పథా వార్ ఇవ ధావతు || 10-145-06
