అరణ్యాన్య్ అరణ్యాన్య్ అసౌ యా ప్రేవ నశ్యసి |
కథా గ్రామం న పృచ్ఛసి న త్వా భీర్ ఇవ విన్దతీ3|| 10-146-01
వృషారవాయ వదతే యద్ ఉపావతి చిచ్చికః |
ఆఘాటిభిర్ ఇవ ధావయన్న్ అరణ్యానిర్ మహీయతే || 10-146-02
ఉత గావ ఇవాదన్త్య్ ఉత వేశ్మేవ దృశ్యతే |
ఉతో అరణ్యానిః సాయం శకటీర్ ఇవ సర్జతి || 10-146-03
గామ్ అఙ్గైష ఆ హ్వయతి దార్వ్ అఙ్గైషో అపావధీత్ |
వసన్న్ అరణ్యాన్యాం సాయమ్ అక్రుక్షద్ ఇతి మన్యతే || 10-146-04
న వా అరణ్యానిర్ హన్త్య్ అన్యశ్ చేన్ నాభిగచ్ఛతి |
స్వాదోః ఫలస్య జగ్ధ్వాయ యథాకామం ని పద్యతే || 10-146-05
ఆఞ్జనగన్ధిం సురభిమ్ బహ్వన్నామ్ అకృషీవలామ్ |
ప్రాహమ్ మృగాణామ్ మాతరమ్ అరణ్యానిమ్ అశంసిషమ్ || 10-146-06
