అయం హి తే అమర్త్య ఇన్దుర్ అత్యో న పత్యతే |
దక్షో విశ్వాయుర్ వేధసే || 10-144-01
అయమ్ అస్మాసు కావ్య ఋభుర్ వజ్రో దాస్వతే |
అయమ్ బిభర్త్య్ ఊర్ధ్వకృశనమ్ మదమ్ ఋభుర్ న కృత్వ్యమ్ మదమ్ || 10-144-02
ఘృషుః శ్యేనాయ కృత్వన ఆసు స్వాసు వంసగః |
అవ దీధేద్ అహీశువః || 10-144-03
యం సుపర్ణః పరావతః శ్యేనస్య పుత్ర ఆభరత్ |
శతచక్రం యో ऽహ్యో వర్తనిః || 10-144-04
యం తే శ్యేనశ్ చారుమ్ అవృకమ్ పదాభరద్ అరుణమ్ మానమ్ అన్ధసః |
ఏనా వయో వి తార్య్ ఆయుర్ జీవస ఏనా జాగార బన్ధుతా || 10-144-05
ఏవా తద్ ఇన్ద్ర ఇన్దునా దేవేషు చిద్ ధారయాతే మహి త్యజః |
క్రత్వా వయో వి తార్య్ ఆయుః సుక్రతో క్రత్వాయమ్ అస్మద్ ఆ సుతః || 10-144-06
