అధర్వణవేదము - కాండము 13 - సూక్తము 2
| ←ముందరి అధ్యాయము | అధర్వణవేదము (అధర్వణవేదము - కాండము 13 - సూక్తము 2) | తరువాతి అధ్యాయము→ |
ఉదస్య కేతవో దివి శుక్రా భ్రాజన్త ఈరతే |
ఆదిత్యస్య నృచక్షసో మహివ్రతస్య మీఢుషః ||1||
దిశాం ప్రజ్ఞానాం స్వరయన్తమర్చిషా సుపక్షమాశుం పతయన్తమర్ణవే |
స్తవామ సూర్యం భువనస్య గోపాం యో రశ్మిభిర్దిశ ఆభాతి సర్వాః ||2||
యత్ప్రాఙ్ప్రత్యఙ్స్వధయా యాసి శీభం నానారూపే అహనీ కర్షి మాయయా |
తదాదిత్య మహి తత్తే మహి శ్రవో యదేకో విశ్వం పరి భూమ జాయసే ||3||
విపశ్చితం తరణిం భ్రాజమానం వహన్తి యం హరితః సప్త బహ్వీః |
స్రుతాద్యమత్త్రిర్దివమున్నినాయ తం త్వా పశ్యన్తి పరియాన్తమాజిమ్ ||4||
మా త్వా దభన్పరియాన్తమాజిం స్వస్తి దుర్గాఁ అతి యాహి శీభమ్ |
దివం చ సూర్య పృథివీం చ దేవీమహోరాత్రే విమిమానో యదేషి ||5||
స్వస్తి తే సూర్య చరసే రథాయ యేనోభావన్తౌ పరియాసి సద్యః |
యం తే వహన్తి హరితో వహిష్ఠాః శతమశ్వా యది వా సప్త బహ్వీః ||6||
సుఖం సూర్య రథమంశుమన్తం స్యోనం సువహ్నిమధి తిష్ఠ వాజినమ్ |
యం తే వహన్తి హరితో వహిష్ఠాః శతమశ్వా యది వా సప్త బహ్వీః ||7||
సప్త సూర్యో హరితో యాతవే రథే హిరణ్యత్వచసో బృహతీరయుక్త |
అమోచి శుక్రో రజసః పరస్తాద్విధూయ దేవస్తమో దివమారుహత్ ||8||
ఉత్కేతునా బృహతా దేవ ఆగన్నపావృక్తమో ऽభి జ్యోతిరశ్రైత్ |
దివ్యః సుపర్ణః స వీరో వ్యఖ్యదదితేః పుత్రో భువనాని విశ్వా ||9||
ఉద్యన్రశ్మీనా తనుషే విశ్వా రుపాణి పుష్యసి |
ఉభా సముద్రౌ క్రతునా వి భాసి సర్వాంల్లోకాన్పరిభూర్భ్రాజమానః ||10||
పూర్వాపరం చరతో మాయయైతౌ శిశూ క్రీడన్తౌ పరి యాతో ऽర్ణవమ్ |
విశ్వాన్యో భువనా విచష్టే హైరణ్యైరన్యం హరితో వహన్తి ||11||
దివి త్వాత్త్రిరధారయత్సూర్యా మాసాయ కర్తవే |
స ఏషి సుధృతస్తపన్విశ్వా భూతావచాకశత్ ||12||
ఉభావన్తౌ సమర్షసి వత్సః సంమాతరావివ |
నన్వే3తదితః పురా బ్రహ్మ దేవా అమీ విదుః ||13||
యత్సముద్రమను శ్రితం తత్సిషాసతి సూర్యః |
అధ్వాస్య వితతో మహాన్పూర్వశ్చాపరశ్చ యః ||14||
తం సమాప్నోతి జూతిభిస్తతో నాప చికిత్సతి |
తేనామృతస్య భక్షం దేవానాం నావ రున్ధతే ||15||
ఉదు త్యం జాతవేదసం దేవం వహన్తి కేతవః |
దృశే విశ్వాయ సూర్యమ్ ||16||
అప త్యే తాయవో యథా నక్షత్రా యన్త్యక్తుభిః |
సూరాయ విశ్వచక్షసే ||17||
అదృశ్రన్నస్య కేతవో వి రశ్మయో జనాఁ అను |
భ్రాజన్తో అగ్నయో యథా ||18||
తరణిర్విశ్వదర్శతో జ్యోతిష్కృదసి సూర్య |
విశ్వమా భాసి రోచన ||19||
ప్రత్యఙ్దేవానాం విశః ప్రత్యఙ్ఙుదేషి మానుషీః |
ప్రత్యఙ్విశ్వం స్వర్దృశే ||20||
యేనా పావక చక్షసా భురణ్యన్తం జనాఁ అను |
త్వం వరుణ పశ్యసి ||21||
వి ద్యామేషి రజస్పృథ్వహర్మిమానో అక్తుభిః |
పశ్యన్జన్మాని సూర్య ||22||
సప్త త్వా హరితో రథే వహన్తి దేవ సూర్య |
శోచిష్కేశం విచక్షణమ్ ||23||
అయుక్త సప్త శున్ధ్యువః సూరో రథస్య నప్త్యః |
తాభిర్యాతి స్వయుక్తిభిః ||24||
రోహితో దివమారుహత్తపసా తపస్వీ |
స యోనిమైతి స ఉ జాయతే పునః స దేవానామధిపతిర్బభూవ ||25||
యో విశ్వచర్షణిరుత విశ్వతోముఖో యో విశ్వతస్పాణిరుత విశ్వతస్పృథః |
సం బాహుభ్యాం భరతి సం పతత్రైర్ద్యావాపృథివీ జనయన్దేవ ఏకః ||26||
ఏకపాద్ద్విపదో భూయో వి చక్రమే ద్విపాత్త్రిపాదమభ్యేతి పశ్చాత్ |
ద్విపాద్ధ షట్పదో భూయో వి చక్రమే త ఏకపదస్తన్వ1ం సమాసతే ||27||
అతన్ద్రో యాస్యన్హరితో యదాస్థాద్ద్వే రూపే కృణుతే రోచమానః |
కేతుమానుద్యన్త్సహమానో రజాంసి విశ్వా ఆదిత్య ప్రవతో వి భాసి ||28||
బణ్మహాఁ అసి సూర్య బడాదిత్య మహాఁ అసి |
మహాంస్తే మహతో మహిమా త్వమాదిత్య మహాఁ అసి ||29||
రోచసే దివి రోచసే అన్తరిక్షే పతఙ్గ పృథివ్యాం రోచసే రోచసే అప్స్వ1న్తః |
ఉభా సముద్రౌ రుచ్యా వ్యాపిథ దేవో దేవాసి మహిషః స్వర్జిత్ ||30||
అర్వాఙ్పరస్తాత్ప్రయతో వ్యధ్వ ఆశుర్విపశ్చిత్పతయన్పతఙ్గః |
విష్ణుర్విచిత్తః శవసాధితిష్ఠన్ప్ర కేతునా సహతే విశ్వమేజత్ ||31||
చిత్రాశ్చికిత్వాన్మహిషః సుపర్ణ ఆరోచయన్రోదసీ అన్తరిక్షమ్ |
అహోరాత్రే పరి సూర్యం వసానే ప్రాస్య విశ్వా తిరతో వీర్యాణి ||32||
తిగ్మో విభ్రాజన్తన్వ1ం శిశానో ऽరంగమాసః ప్రవతో రరాణః |
జ్యోతిష్మాన్పక్షీ మహిషో వయోధా విశ్వా ఆస్థాత్ప్రదిశః కల్పమానః ||33||
చిత్రం దేవానామ్కేతురనీకం జ్యోతిష్మాన్ప్రదిశః సూర్య ఉద్యన్ |
దివాకరో ऽతి ద్యుమ్నైస్తమాంసి విశ్వాతారీద్దురితాని శుక్రః ||34||
చిత్రం దేవానాముదగాదనీకం చక్షుర్మిత్రస్య వరుణస్యాగ్నేః |
ఆప్రాద్ద్యావాపృథివీ అన్తరిక్షం సూర్య ఆత్మా జగతస్తస్థుషశ్చ ||35||
ఉచ్చా పతన్తమరుణం సుపర్ణం మధ్యే దివస్తరణిం భ్రాజమానమ్ |
పశ్యమ త్వా సవితారం యమాహురజస్రం జ్యోతిర్యదవిన్దదత్త్రిః ||36||
దివస్పృష్ఠే ధావమానం సుపర్ణమదిత్యాః పుత్రం నాథకామ ఉప యామి భీతః |
స నః సూర్య ప్ర తిర దీర్ఘమాయుర్మా రిషామ సుమతౌ తే స్యామ ||37||
సహస్రాహ్ణ్యం వియతావస్య పక్షౌ హరేర్హంసస్య పతతః స్వర్గమ్ |
స దేవాన్త్సర్వానురస్యుపదద్య సంపశ్యన్యాతి భువనాని విశ్వా ||38||
రోహితః కాలో అభవద్రోహితో ऽగ్రే ప్రజాపతిః |
రోహితో యజ్ఞానాం ముఖం రోహితః స్వరాభరత్ ||39||
రోహితో లోకో అభవద్రోహితో ऽత్యతపద్దివమ్ |
రోహితో రశ్మిభిర్భూమిం సముద్రమను సం చరత్ ||40||
సర్వా దిశః సమచరద్రోహితో ऽధిపతిర్దివః |
దివం సముద్రమాద్భూమిం సర్వం భూతం వి రక్షతి ||41||
ఆరోహన్ఛుక్రో బృహతీరతన్ద్రో ద్వే రూపే కృణుతే రోచమానః |
చిత్రశ్చికిత్వాన్మహిషో వాతమాయా యావతో లోకానభి యద్విభాతి ||42||
అభ్య1న్యదేతి పర్యన్యదస్యతే ऽహోరాత్రాభ్యాం మహిషః కల్పమానః |
సూర్యం వయం రజసి క్షియన్తం గాతువిదం హవామహే నాధమానాః ||43||
పృథివీప్రో మహిషో నాధమానస్య గాతురదబ్ధచక్షుః పరి విశ్వం బభూవ |
విశ్వం సంపశ్యన్త్సువిదత్రో యజత్ర ఇదం శృణోతు యదహం బ్రవీమి ||44||
పర్యస్య మహిమా పృథివీం సముద్రం జ్యోతిషా విభ్రాజన్పరి ద్యామన్తరిక్షమ్ |
సర్వం సంపశ్యన్త్సువిదత్రో యజత్ర ఇదం శృణోతు యదహం బ్రవీమి ||45||
అబోధ్యగ్నిః సమిధా జనానాం ప్రతి ధేనుమివాయతీముషసమ్ |
యహ్వా ఇవ ప్ర వయాముజ్జిహానాః ప్ర భానవః సిస్రతే నాకమఛ ||46||
| ←ముందరి అధ్యాయము | అధర్వణవేదము | తరువాతి అధ్యాయము→ |