అధర్వణవేదము - కాండము 13 - సూక్తము 3
| ←ముందరి అధ్యాయము | అధర్వణవేదము (అధర్వణవేదము - కాండము 13 - సూక్తము 3) | తరువాతి అధ్యాయము→ |
య ఇమే ద్యావాపృథివీ జజాన యో ద్రాపిమ్కృత్వా భువనాని వస్తే |
యస్మిన్క్షియన్తి ప్రదిశః షడుర్వీర్యాః పతఙ్గో అను విచాకశీతి |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||1||
యస్మాద్వాతా ఋతుథా పవన్తే యస్మాత్సముద్రా అధి విక్షరన్తి |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||2||
యో మారయతి ప్రాణయతి యస్మాత్ప్రాణన్తి భువనాని విశ్వా |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||3||
యః ప్రాణేన ద్యావాపృథివీ తర్పయత్యపానేన సముద్రస్య జఠరం యః పిపర్తి |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||4||
యస్మిన్విరాట్పరమేష్ఠీ ప్రజాపతిరగ్నిర్వైశ్వానరః సహ పఙ్క్త్యా శ్రితః |
యః పరస్య ప్రాణం పరమస్య తేజ ఆదదే |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||5||
యస్మిన్షడుర్వీః పఞ్చ దిశో అధిశ్రితాశ్చతస్ర ఆపో యజ్ఞస్య త్రయో ऽక్షరాః |
యో అన్తరా రోదసీ క్రుద్ధశ్చక్షుషైక్షత |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణమ్జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||6||
యో అన్నాదో అన్నపతిర్బభూవ బ్రహ్మణస్పతిరుత యః |
భూతో భవిష్యత్భువనస్య యస్పతిః |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||7||
అహోరాత్రైర్విమితం త్రింశదఙ్గం త్రయోదశం మాసం యో నిర్మిమీతే |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||8||
కృస్ణం నియానం హరయః సుపర్ణా అపో వసానా దివముత్పతన్తి |
త ఆవవృత్రన్త్సదనాదృతస్య |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||9||
యత్తే చన్ద్రం కశ్యప రోచనావద్యత్సంహితం పుష్కలం చిత్రభాను యస్మిన్త్సూర్యా ఆర్పితాః సప్త సాకమ్ |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||10||
బృహదేనమను వస్తే పురస్తాద్రథంతరం ప్రతి గృహ్ణాతి పశ్చాత్ |
జ్యోతిర్వసానే సదమప్రమాదమ్ |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||11||
బృహదన్యతః పక్ష ఆసీద్రథంతరమన్యతః సబలే సధ్రీచీ |
యద్రోహితమజనయన్త దేవాః |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||12||
స వరుణః సాయమగ్నిర్భవతి స మిత్రో భవతి ప్రాతరుద్యన్ |
స సవితా భూత్వాన్తరిక్షేణ యాతి స ఇన్ద్రో భూత్వా తపతి మధ్యతో దివమ్ |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||13||
సహస్రాహ్ణ్యం వియతావస్య పక్షౌ హరేర్హంసస్య పతతః స్వర్గమ్ |
స దేవాన్త్సర్వానురస్యుపదద్య సంపశ్యన్యాతి భువనాని విశ్వా |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||14||
అయం స దేవో అప్స్వన్తః సహస్రమూలః పరుశాకో అత్త్రిః |
య ఇదం విశ్వం భువనం జజాన |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||15||
శుక్రం వహన్తి హరయో రఘుష్యదో దేవం దివి వర్చసా భ్రాజమానమ్ |
యస్యోర్ధ్వా దివం తన్వ1స్తపన్త్యర్వాఙ్సువర్ణైః పటరైర్వి భాతి |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||16||
యేనాదిత్యాన్హరితః సమ్వహన్తి యేన యజ్ఞేన బహవో యన్తి ప్రజానన్తః |
యదేకం జ్యోతిర్బహుధా విభాతి |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||17||
సప్త యుఞ్జన్తి రథమేకచక్రమేకో అశ్వో వహతి సప్తనామా |
త్రినాభి చక్రమజరమనర్వం యత్రేమా విశ్వా భువనాధి తస్థుః |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||18||
అష్టధా యుక్తో వహతి వహ్నిరుగ్రః పితా దేవానాం జనితా మతీనామ్ |
ఋతస్య తన్తుం మనసా మిమానః సర్వా దిశః పవతే మాతరిశ్వా |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||19||
సంయఞ్చం తన్తుం ప్రదిశో ऽను సర్వా అన్తర్గాయత్ర్యామమృతస్య గర్భే |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||20||
నిమ్రుచస్తిస్రో వ్యుషో హ తిస్రస్త్రీణి రజాంసి దివో అఙ్గ తిస్రహ్ |
విద్మా తే అగ్నే త్రేధా జనిత్రం త్రేధా దేవానాం జనిమాని విద్మ |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||21||
వి య ఔర్ణోత్పృథివీం జాయమాన ఆ సముద్రమదధాతన్తరిక్షే |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||22||
త్వమగ్నే క్రతుభిః కేతుభిర్హితో3 ऽర్కః సమిద్ధ ఉదరోచథా దివి |
కిమభ్యార్చన్మరుతః పృశ్నిమాతరో యద్రోహితమజనయన్త దేవాః |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||23||
య ఆత్మదా బలదా యస్య విశ్వ ఉపాసతే ప్రశిషం యస్య దేవాః |
యో3 ऽస్యేశే ద్విపదో యశ్చతుష్పదః |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||24||
ఏకపాద్ద్విపదో భూయో వి చక్రమే ద్విపాత్త్రిపాదమభ్యేతి పశ్చాత్ |
చతుష్పాచ్చక్రే ద్విపదామభిస్వరే సంపశ్యన్పఙ్క్తిముపతిష్ఠమానః |
తస్య దేవస్య క్రుద్ధస్యైతదాగో య ఏవం విద్వాంసం బ్రాహ్మణం జినాతి |
ఉద్వేపయ రోహిత ప్ర క్షిణీహి బ్రహ్మజ్యస్య ప్రతి ముఞ్చ పాశాన్ ||25||
కృష్ణాయః పుత్రో అర్జునో రాత్ర్యా వత్సో ऽజాయత |
స హ ద్యామధి రోహతి రుహో రురోహ రోహితః ||26||
| ←ముందరి అధ్యాయము | అధర్వణవేదము | తరువాతి అధ్యాయము→ |