సీతారామస్వామి
సావేరి రాగం ఆది తాళం
ప: సీతారామస్వామి నే జేసిన నేరంబేమి || సీతా ||
అ.ప: ఖ్యాతిగ నీపద పంకజములు నే
ప్రీతిగ తలుపక భేద మెంచితినా || సీతా ||
చ 1: తంగుగ నా పదివేళ్ళకు - రత్నపు టుంగరములు నిన్నడిగితినా
సంగతి బంగరు శాలువ పాగా - లంగీల్ నడికట్లడిగితినా
చెంగటి భూసుర పుంగవు లెన్నగ - చెవులకు చౌకట్ల డిగితినా
పొంగుచు మువ్వలు ముత్యపుసరములు - బాగుగ నిమ్మని యడిగితినా || సీతా ||
చ 2: ప్రేమతో నవరత్నంబులు దాపిన - హేమ కిరీటంబడిగితినా
కోమలమగు నీ మెడలో పుష్పపు - ధామంబులు నే నడిగితినా
మోమాటము పడకుండగ నీవగు - మురుగులు గొలుసులు అడిగితినా
కమలేక్షణ మిము సేవించుటకై - ఘనముగ రమ్మని పిలిచితిగాని || సీతా ||
చ 3: తరచుగ నీ పాదంబుల నమరిన - సరిగజ్జెలను అడిగితినా
కరుణారస ముప్పొంగ మీ గజ - తురగము లిమ్మని యడిగితినా
పరమాత్మ నీ బంగరు శాలువ - పై గప్పగ నే నడిగితినా
స్మర సుందర సురవర సంరక్షక - వరమిమ్మని నిన్నడిగితినా || సీతా ||
చ 4: ప్రశస్త భద్రాద్రీశుడవని నిను - ప్రభుత్వ మిమ్మని యడిగితినా
దశరధ సుత నీచేత ధరించిన - దాన కంకణ మ్మడిగితినా
విశదముగను నీ మేలిమి మొల నూల్ - వేడుకతో నే నడిగితినా
యేదుము భూమిని కుచ్చల నేలకు - నెక్కువగా నిన్నడిగితినా || సీతా ||
This work was published before January 1, 1929, and is in the public domain worldwide because the author died at least 100 years ago.