సామవేదము - పూర్వార్చికః - ప్రథమ ప్రపాఠకః - ద్వితీయోऽర్ధః

←ముందరి అధ్యాయము

సామవేదము (సామవేదము - పూర్వార్చికః - ప్రథమ ప్రపాఠకః - ద్వితీయోऽర్ధః)

తరువాతి అధ్యాయము→

పూర్వార్చికః - ప్రథమ ప్రపాఠకః - ద్వితీయోऽర్ధః - సూక్తము 1

దేవో వో ద్రవిణోదాః పూర్ణాం వివష్ట్వాసిచమ్|

ఉద్వా సిఞ్జధ్వముప వా పృణధ్వమాదిద్వో దేవ ఓహతే|| 1-1-2-01-01

ప్రైతు బ్రహ్మణస్పతిః ప్ర దేవ్యేతు సూనృతా|

అచ్ఛా వీరం నర్యం పఙ్క్తిరాధసం దేవా యజ్ఞం నయన్తు నః|| 1-1-2-01-02

ఊర్ధ్వ ఊ షు ణ ఊతయే తిష్ఠా దేవో న సవితా|

ఊర్ధ్వో వాజస్య సనితా యదఞ్జిభిర్వాఘద్భిర్విహ్వయామహే|| 1-1-2-01-03

ప్ర యో రాయే నినీషతి మర్తో యస్తే వసో దాశత్|

స వీరం ధత్తే అగ్న ఉక్థశఁసినం త్మనా సహస్రపోషిణమ్|| 1-1-2-01-04

ప్ర వో యహ్వం పురూణాం విశాం దేవయతీనామ్|

అగ్నిఁ సూక్తేభిర్వచోభిర్వృణీమహే యఁసమిదన్య ఇన్ధతే|| 1-1-2-01-05

అయమగ్నిః సువీర్యస్యేశే హి సౌభగస్య|

రాయ ఈశే స్వపత్యస్య గోమత ఈశే వృత్రహథానామ్|| 1-1-2-01-06

త్వమగ్నే గృహపతిస్త్వఁ హోతా నో అధ్వరే|

త్వం పోతా విశ్వవార ప్రచేతా తాక్షి యాసి చ వార్యమ్|| 1-1-2-01-07

సఖాయస్త్వా వవృమహే దేవం మర్తాస ఊతయే|

అపాం నపాతఁ సుభగఁ సుదఁససఁ సుప్రతూర్తిమనేహసమ్|| 1-1-2-01-08

పూర్వార్చికః - ప్రథమ ప్రపాఠకః - ద్వితీయోऽర్ధః - సూక్తము 2

ఆ జుహోతా హవిషా మర్జయధ్వం ని హోతారం గృహపతిం దధిధ్వమ్|

ఇడస్పదే నమసా రాతహవ్యఁ సపర్యతా యజతం పస్త్యానామ్|| 1-1-2-02-01

చిత్ర ఇచ్ఛిశోస్తరుణస్య వక్షథో న యో మాతరావన్వేతి ధాతవే|

అనూధా యదజీజనదధా చిదా వవక్షత్సద్యో మహి దూత్యాం చరన్|| 1-1-2-02-02

ఇదం త ఏకం పర ఊ త ఏకం తృతీయేన జ్యోతిషా సం విశస్వ|

సంవేశనస్తన్వే3 చారురేధి ప్రియో దేవానాం పరమే జనిత్రే|| 1-1-2-02-03

ఇమఁ స్తోమమర్హతే జాతవేదసే రథమివ సం మహేమా మనీషయా|

భద్రా హి నః ప్రమతిరస్య సఁసద్యగ్నే సఖ్యే మా రిషామా వయం తవ|| 1-1-2-02-04

మూర్ధానం దివో అరతిం పృథివ్యా వైశ్వానరమృత ఆ జాతమగ్నిమ్|

కవిఁ సమ్రాజమతిథిం జనానామాసన్నాః పాత్రం జనయన్త దేవాః|| 1-1-2-02-05

వి త్వదాపో న పర్వతస్య పృష్ఠాదుక్థేభిరగ్నే జనయన్త దేవాః|

తం త్వా గిరః సుష్టుతయో వాజయన్త్యాజిం న గిర్వవాహో జిగ్యురశ్వాః|| 1-1-2-02-06

ఆ వో రాజానమధ్వరస్య రుద్రఁ హోతారఁ సత్యయజఁ రోదస్యోః|

అగ్నిం పురా తనయిత్నోరచిత్తాద్ధిరణ్యరూపమవసే కృణుధ్వమ్|| 1-1-2-02-07

ఇన్ధే రాజా సమర్యో నమోభిర్యస్య ప్రతీకమాహుతం ఘృతేన|

నరో హవ్యేభిరీడతే సబాధ ఆగ్నిరగ్రముషసామశోచి|| 1-1-2-02-08

ప్ర కేతునా బృహతా యాత్యగ్నిరా రోదసీ వృషభో రోరవీతి|

దివశ్చిదన్తాదుపమాముదానడపాముపస్థే మహిషో వవర్ధ|| 1-1-2-02-09

అగ్నిం నరో దీధితిభిరణ్యోర్హస్తచ్యుతం జనయత ప్రశస్తమ్|

దూరేదృశం గృహపతిమథవ్యుమ్|| 1-1-2-02-10

పూర్వార్చికః - ప్రథమ ప్రపాఠకః - ద్వితీయోऽర్ధః - సూక్తము 3

అబోధ్యగ్నిః సమిధా జనానాం ప్రతి ధేనుమివాయతీముషాసమ్|

యహ్వా ఇవ ప్ర వయాముజ్జిహానాః ప్ర భానవః సస్రతే నాకమచ్ఛ|| 1-1-2-03-01

ప్ర భూర్జయన్తం మహాం విపోధాం మూరైరమూరం పురాం దర్మాణమ్|

నయన్తం గీర్భిర్వనా ధియం ధా హరిశ్మశ్రుం న వార్మణా ధనర్చిమ్|| 1-1-2-03-02

శుక్రం తే అన్యద్యజతం తే అన్యద్విషురూపే అహనీ ద్యౌరివాసి|

విశ్వా హి మాయా అవసి స్వధావన్భద్రా తే పూషన్నిహ రాతిరస్తు|| 1-1-2-03-03

ఇడామగ్నే పురుదఁసఁ సనిం గోః శశ్వత్తమఁ హవమానాయ సాధ|

స్యాన్నః సూనుస్తనయో విజావాగ్నే సా తే సుమతిర్భూత్వస్మే|| 1-1-2-03-04

ప్ర హోతా జాతో మహాన్నభోవిన్నృషద్మా సీదదపాం వివర్తే|

దధద్యో ధాయీ సుతే వయాఁసి యన్తా వసూని విధతే తనూపాః|| 1-1-2-03-05

ప్ర సమ్రాజమసురస్య ప్రశ్స్తం పుఁసః కృష్టీనామనుమాద్యస్య|

ఇన్ద్రస్యేవ ప్ర తవసస్కృతాని వన్దద్వారా వన్దమానా వివష్టు|| 1-1-2-03-06

అరణ్యోర్నిహితో జాతవేదా గర్భ ఇవేత్సుభృతో గర్భిణీభిః|

దివేదివ ఈడ్యో జాగృవద్భిర్హవిష్మద్భిర్మనుష్యేభిరగ్నిః|| 1-1-2-03-07

సనాదగ్నే మృణసి యాతుధానాన్న త్వా రక్షాఁసి పృతనాసు జిగ్యుః|

అను దహ సహమూరాన్కయాదో మా తే హేత్యా ముక్షత దైవ్యాయాః|| 1-1-2-03-08

పూర్వార్చికః - ప్రథమ ప్రపాఠకః - ద్వితీయోऽర్ధః - సూక్తము 4

అగ్న ఓజిష్ఠమా భర ద్యుమ్నమస్మభ్యమధ్రిగో|

ప్ర నో రాయే పనీయసే రత్సి వాజాయ పన్థామ్|| 1-1-2-04-01

యది వీరో అను ష్యాదగ్నిమిన్ధీత మర్త్యః|

ఆజుహ్వద్ధవ్యమానుషక్శర్మ భక్షీత దైవ్యమ్|| 1-1-2-04-02

త్వేషస్తే ధూమ ఋణ్వతి దివి సం చ్ఛుక్ర ఆతతః|

సూరో న హి ద్యుతా త్వం కృపా పావక రోచసే|| 1-1-2-04-03

త్వఁ హి క్షైతవద్యశోऽగ్నే మిత్రో న పత్యసే|

త్వం విచర్షణే శ్రవో వసో పుష్టిం న పుష్యసి|| 1-1-2-04-04

ప్రాతరగ్నిః పురుప్రియో విష స్తవేతాతిథిః|

విశ్వే యస్మిన్నమర్త్యే హవ్యం మర్తాస ఇన్ధతే|| 1-1-2-04-05

యద్వాహిష్ఠం తదగ్నయే బృహదర్చ విభావసో|

మహిషీవ త్వద్రయిస్త్వద్వాజా ఉదీరతే|| 1-1-2-04-06

విశోవిశో వో అతిథిం వాజయన్తః పురుప్రియమ్|

అగ్నిం వో దుర్యం వచః స్తుషే శూషస్య మన్మభిః|| 1-1-2-04-07

బృహద్వయో హి భానవేऽర్చా దేవాయాగ్నయే|

యం మిత్రం న ప్రశస్తయే మర్తాసో దధిరే పురః|| 1-1-2-04-08

అగన్మ వృత్రహన్తమం జ్యేష్ఠమగ్నిమానవమ్|

య స్మ శ్రుతర్వన్నార్క్షే బృహదనీక ఇధ్యతే|| 1-1-2-04-09

జాతః పరేణ ధర్మణా యత్సవృద్భిః సహాభువః|

పితా యత్కశ్యపస్యాగ్నిః శ్రద్ధా మాతా మనుః కవిః|| 1-1-2-04-010

పూర్వార్చికః - ప్రథమ ప్రపాఠకః - ద్వితీయోऽర్ధః - సూక్తము 5

సోమఁ రాజానం వరుణమగ్నిమన్వారభామహే|

ఆదిత్యం విష్ణుఁ సూర్యం బ్రహ్మానం చ బృహస్పతిమ్|| 1-1-2-05-01

ఇత ఏత ఉదారుహన్దివః పృష్ఠాన్యా రుహన్|

ప్ర భూర్జయో యథా పథోద్యామఙ్గిరసో యయుః|| 1-1-2-05-02

రాయే అగ్నే మహే త్వా దానాయ సమిధీమహి|

ఈడిష్వా హి మహే వృషం ద్యావా హోత్రాయ పృథివీ|| 1-1-2-05-03

దధన్వే వా యదీమను వోచద్బ్రహ్మేతి వేరు తత్|

పరి విశ్వాని కావ్యా నేమిశ్చక్రమివాభువత్|| 1-1-2-05-04

ప్రత్యగ్నే హరసా హరః శృణాహి విశ్వతస్పరి|

యాతుధానస్య రక్షసో బలం న్యుబ్జవీర్యమ్|| 1-1-2-05-05

త్వమగ్నే వసూఁరిహ రుద్రాఁ ఆదిత్యాఁ ఉత|

యజా స్వధ్వరం జనం మనుజాతం ఘృతప్రుషమ్|| 1-1-2-05-06