సామవేదము - పూర్వార్చికః - ప్రథమః ప్రపాఠకః - ప్రథమోऽర్ధః
| సామవేదము (సామవేదము - పూర్వార్చికః - ప్రథమః ప్రపాఠకః - ప్రథమోऽర్ధః) | తరువాతి అధ్యాయము→ |
పూర్వార్చికః - ప్రథమః ప్రపాఠకః - ప్రథమోऽర్ధః - సూక్తము 1
మార్చుఅగ్న ఆ యాహి వీతయే గృణానో హవ్యదాతయే|
ని హోతా సత్సి బర్హిషి|| 1-1-1-01-01
త్వమగ్నే యజ్ఞానాఁ హోతా విశ్వేషాఁ హితః|
దేవేభిర్మానుషే జనే|| 1-1-1-01-02
అగ్నిం దూతం వృణీమహే హోతారం విశ్వవేదసమ్|
అస్య యజ్ఞస్య సుక్రతుమ్|| 1-1-1-01-03
అగ్నిర్వృత్రాణి జఙ్ఘనద్ద్రవిణస్యుర్విపన్యయా|
సమిద్ధః శుక్ర ఆహుతః|| 1-1-1-01-04
ప్రేష్ఠం వో అతిథిఁ స్తుషే మిత్రమివ ప్రియమ్|
అగ్నే రథం న వేద్యమ్|| 1-1-1-01-05
త్వం నో అగ్నే మహోభిః పాహి విశ్వస్యా అరాతేః|
ఉత ద్విషో మర్త్యస్య|| 1-1-1-01-06
ఏహ్యూ షు బ్రవాణి తేऽగ్న ఇత్థేతరా గిరః|
ఏభిర్వర్ధాస ఇన్దుభిః|| 1-1-1-01-07
ఆ తే వత్సో మనో యమత్పరమాచ్చిత్సధస్థాత్|
అగ్నే త్వాం కామయే గిరా|| 1-1-1-01-08
త్వామగ్నే పుష్కరాదధ్యథర్వా నిరమన్థత|
మూర్ధ్నో విశ్వస్య వాఘతః|| 1-1-1-01-09
అగ్నే వివస్వదా భరాస్మభ్యమూతయే మహే|
దేవో హ్యసి నో దృశే|| 1-1-1-01-01-0
పూర్వార్చికః - ప్రథమః ప్రపాఠకః - ప్రథమోऽర్ధః - సూక్తము 2
మార్చునమస్తే అగ్న ఓజసే గృణన్తి దేవ కృష్టయః|
అమైరమిత్రమర్దయ|| 1-1-1-02-01
దూతం వో విశ్వవేదసఁ హవ్యవాహమమర్త్యమ్|
యజిష్ఠమృఞ్జసే గిరా|| 1-1-1-02-02
ఉప త్వా జామయో గిరో దేదిశతీర్హవిష్కృతః|
వాయోరనీకే అస్థిరన్|| 1-1-1-02-03
ఉప త్వాగ్నే దివేదివే దోషావస్తర్ధియా వయమ్|
నమో భరన్త ఏమసి|| 1-1-1-02-04
జరాబోధ తద్వివిడ్ఢి విశేవిశే యజ్ఞియాయ|
స్తోమఁ రుద్రాయ దృశీకమ్|| 1-1-1-02-05
ప్రతి త్యం చారుమధ్వరం గోపీథాయ ప్ర హూయసే|
మరుద్భిరగ్న ఆ గహి|| 1-1-1-02-06
అశ్వం న త్వా వారవన్తం వన్దధ్యా అగ్నిం నమోభిః|
సమ్రాజన్తమధ్వరాణామ్|| 1-1-1-02-07
ఔర్వభృగువచ్ఛుచిమప్నవానవదా హువే|
అగ్నిఁ సముద్రవాససమ్|| 1-1-1-02-08
అగ్నిమిన్ధానో మనసా ధియఁ సచేత మర్త్యః|
అగ్నిమిన్ధే వివస్వభిః|| 1-1-1-02-09
ఆదిత్ప్రత్నస్య రేతసో జ్యోతిః పశ్యన్తి వాసరమ్|
పరో యదిధ్యతే దివి|| 1-1-1-02-10
పూర్వార్చికః - ప్రథమః ప్రపాఠకః - ప్రథమోऽర్ధః - సూక్తము 3
మార్చుఅగ్నిం వో వృధన్తమధ్వరాణాం పురూతమమ్|
అచ్ఛా నప్త్రే సహస్వతే|| 1-1-1-03-01
అగ్నిస్తిగ్మేన శోచిషా యఁసద్విశ్వం న్యా3త్రిణమ్|
అగ్నిర్నో వఁసతే రయిమ్|| 1-1-1-03-02
అగ్నే మృడ మహాఁ అస్యయ ఆ దేవయుం జనమ్|
ఇయేథ బర్హిరాసదమ్|| 1-1-1-03-03
అగ్నే రక్షా ణో అఁహసః ప్రతి స్మ దేవ రీషతః|
తపిష్ఠైరజరో దహ|| 1-1-1-03-04
అగ్నే యుఙ్క్ష్వా హి యే తవాశ్వాసో దేవ సాధవః|
అరం వహన్త్యాశవః|| 1-1-1-03-05
ని త్వా నక్ష్య విశ్పతే ద్యుమన్తం ధీమహే వయమ్|
సువీరమగ్న ఆహుత|| 1-1-1-03-06
అగ్నిర్మూర్ధా దివః కకుత్పతిః పృథివ్యా అయమ్|
అపాఁ రేతాఁసి జిన్వతి|| 1-1-1-03-07
ఇమమూ షు త్వమస్మాకఁ సనిం గాయత్రం నవ్యాఁసమ్|
అగ్నే దేవేషు ప్ర వోచః|| 1-1-1-03-08
తం త్వా గోపవనో గిరా జనిష్ఠదగ్నే అఙ్గరః|
స పావక శ్రుధీ హవమ్|| 1-1-1-03-09
పరి వాజపతిః కవిరగ్నిర్హవ్యాన్యక్రమీత్|
దధద్రత్నాని దాశుషే|| 1-1-1-03-10
ఉదు త్యం జాతవేదసం దేవం వహన్తి కేతవః|
దృశే విశ్వాయ సూర్యమ్|| 1-1-1-03-11
కవిమగ్నిముప స్తుహి సత్యధర్మాణమధ్వరే|
దేవమమీవచాతనమ్|| 1-1-1-03-12
శం నో దేవీరభిష్టయే శం నో భవన్తు పీతయే|
శం యోరభి స్రవన్తు నః|| 1-1-1-03-13
కస్య నూనం పరీణసి ధియో జిన్వసి సత్పతే|
జోషాతా యస్య తే గిరః|| 1-1-1-03-14
పూర్వార్చికః - ప్రథమః ప్రపాఠకః - ప్రథమోऽర్ధః - సూక్తము 4
మార్చుయజ్ఞాయజ్ఞా వో అగ్నయే గిరాగిరా చ దక్షసే|
ప్రప్ర వయమమృతం జాతవేదసం ప్రియం మిత్రం న శఁసిషమ్|| 1-1-1-04-01
పాహి నో అగ్న ఏకయా పాహ్యూ3త ద్వితీయయా|
పాహి గీర్భిస్తిసృభిరూర్జాం పతే పాహి చతసృభిర్వసో|| 1-1-1-04-02
బృహద్భిరగ్నే అర్చిభిః శుక్రేణ దేవ శోచిషా|
భరద్వాజే సమిధానో యవిష్ఠ్య రేవత్పావక దీదిహి|| 1-1-1-04-03
త్వే అగ్నే స్వాహుత ప్రియాసః సన్తు సూరయః|
యన్తారో యే మఘవానో జనానామూర్వం దయన్త గోనామ్|| 1-1-1-04-04
అగ్నే జరితర్విశ్పతిస్తపానో దేవ రక్షసః|
అప్రోషివాన్గృహపతే మహాఁ అసి దివస్పాయుర్దురోణయుః|| 1-1-1-04-05
అగ్నే వివస్వదుషసశ్చిత్రఁ రాధో అమర్త్య|
ఆ దాశుషే జాతవేదో వహా త్వమద్యా దేవాఁ ఉషర్బుధః|| 1-1-1-04-06
త్వం నశ్చిత్ర ఊత్యా వసో రాధాఁసి చోదయ|
అస్య రాయస్త్వమగ్నే రథీరసి విదా గాధం తుచే తు నః|| 1-1-1-04-07
త్వమిత్సప్రథా అస్యగ్నే త్రాతరృతః కవిః|
త్వాం విప్రాసః సమిధాన దీదివ ఆ వివాసన్తి వేధసః|| 1-1-1-04-08
ఆ నో అగ్నే వయోవృధఁ రయిం పావక శఁస్యమ్|
రాస్వా చ న ఉపమాతే పురుస్పృహఁ సునీతీ సుయశస్తరమ్|| 1-1-1-04-09
యో విశ్వా దయతే వసు హోతా మన్ద్రో జనానామ్|
మధోర్న పాత్రా ప్రథమాన్యస్మై ప్ర స్తోమా యన్త్వగ్నయే|| 1-1-1-04-10
పూర్వార్చికః - ప్రథమః ప్రపాఠకః - ప్రథమోऽర్ధః - సూక్తము 5
మార్చుఏనా వో అగ్నిం నమసోర్జో నపాతమా హువే|
ప్రియం చేతిష్ఠమరతిఁ స్వాధ్వరం విశ్వస్య దూతమమృతమ్|| 1-1-1-05-01
ఈ వాక్యములు శాస్త్రబద్దము కావు . దెవుని జ్నానాని కి వ్యతిరెకము. కావున ఇది అవసరము లెదు.
శేషే వనేషు మాతృషు సం త్వా మర్తాస ఇన్ధతే|
అతన్ద్రో హవ్యం వహసి హవిష్కృత ఆదిద్దేవేషు రాజసి|| 1-1-1-05-02
అదర్శి గాతువిత్తమో యస్మిన్వ్రతాన్యాదధుః|
ఉపో షు జాతమార్యస్య వర్ధనమగ్నిం నక్షన్తు నో గిరః|| 1-1-1-05-03
అగ్నిరుక్థే పురోహితో గ్రావాణో బర్హిరధ్వరే|
ఋచా యామి మరుతో బ్రహ్మణస్పతే దేవా అవో వరేణ్యమ్|| 1-1-1-05-04
అగ్నిమీడిష్వావసే గాథాభిః శీరశోచిషమ్|
అగ్నిఁ రాయే పురుమీఢ శ్రుతం నరోऽగ్నిః సుదీతయే ఛర్దిః|| 1-1-1-05-05
శ్రుధి శ్రుత్కర్ణ వహ్నిభిర్దేవైరగ్నే సయావభిః|
ఆ సీదతు బర్హిషి మిత్రో అర్యమా ప్రాతర్యావభిరధ్వరే|| 1-1-1-05-06
ప్ర దైవోదాసో అగ్నిర్దేవ ఇన్ద్రో న మజ్మనా|
అను మాతరం పృథివీం వి వావృతే తస్థౌ నాకస్య శర్మణి|| 1-1-1-05-07
అధ జ్మో అధ వా దివో బృహతో రోచనాదధి|
అయా వర్ధస్వ తన్వా గిరా మమా జాతా సుక్రతో పృణ|| 1-1-1-05-08
కాయమానో వనా త్వం యన్మాతౄరజగన్నపః|
న తత్తే అగ్నే ప్రమృషే నివర్తనం యద్దూరే సన్నిహాభువః|| 1-1-1-05-09
ని త్వామగ్నే మనుర్దధే జ్యోతిర్జనాయ శశ్వతే|
దీదేథ కణ్వ ఋతజాత ఉక్షితో యం నమస్యన్తి కృష్టయః|| 1-1-1-05-10