సామవేదము - ఉత్తర ఆర్చికః - సప్తమ ప్రపాఠకః - ద్వితీయోऽర్ధః

←ముందరి అధ్యాయము

సామవేదము (సామవేదము - ఉత్తర ఆర్చికః - సప్తమ ప్రపాఠకః - ద్వితీయోऽర్ధః)

తరువాతి అధ్యాయము→

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 1

కస్తే జామిర్జనానామగ్నే కో దాశ్వధ్వరః|
కో హ కస్మిన్నసి శ్రితః||

త్వం జామిర్జనానామగ్నే మిత్రో అసి ప్రియః|
సఖా సఖిభ్య ఈడ్యః||

యజా నో మిత్రావరుణా యజా దేవాఁ ఋతం బృహత్|
అగ్నే యక్షి స్వం దమమ్||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 2

ఈడేన్యో నమస్యస్తిరస్తమాఁసి దర్శతః|
సమగ్నిరిధ్యతే వృషా||

వృషో అగ్నిః సమిధ్యతేऽశ్వో న దేవవాహనః|
తఁ హవిష్మన్త ఈడతే||

వృషణం త్వా వయం వృషన్వృషణః సమిధీమహి|
అగ్నే దీద్యతం బృహత్||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 3

ఉత్తే బృహన్తో అర్చయః సమిధానస్య దీదివః|
అగ్నే శుక్రాస ఈరతే||

ఉప త్వా జుహ్వో మమ ఘృతాచీర్యన్తు హర్యత|
అగ్నే హవ్యా జుషస్వ నః||

మన్ద్రఁ హోతారమృత్విజం చిత్రభానుం విభావసుమ్|
అగ్నిమీడే స ఉ శ్రవత్||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 4

పాహి నో అగ్న ఏకయా పాహ్యూత ద్వితీయయా|
పాహి గీర్భిస్తిసృభిరూర్జాం పతే పాహి చతసృభిర్వసో||

పాహి విశ్వస్మాద్రక్షసో అరావ్ణః ప్ర స్మ వాజేషు నోऽవ|
త్వామిద్ధి నేదిష్ఠం దేవతాతయ ఆపిం నక్షామహే వృధే||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 5

ఇనో రాజన్నరతిః సమిద్ధో రౌద్రో దక్షాయ సుషుమాఁ అదర్శి|
చికిద్వి భాతి భాసా బృహతాసిక్నీమేతి రుశతీమపాజన్||

కృష్ణాం యదేనీమభి వర్పసాభూజ్జనయన్యోషాం బృహతః పితుర్జామ్|
ఊర్ధ్వం భానుఁ సూర్యస్య స్తభాయన్దివో వసుభిరరతిర్వి భాతి||

భద్రో భద్రయా సచమాన ఆగాత్స్వసారం జారో అభ్యేతి పశ్చాత్|
సుప్రకేతైర్ద్యుభిరగ్నిర్వితిష్ఠన్రుశద్భిర్వర్ణైరభి రామమస్థాత్||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 6

కయా తే అగ్నే అఙ్గిర ఊర్జో నపాదుపస్తుతిమ్|
వరాయ దేవ మన్యవే||

దాశేమ కస్య మనసా యజ్ఞస్య సహసో యహో|
కదు వోచ ఇదం నమః||

అధా త్వఁ హి నస్కరో విశ్వా అస్మభ్యఁ సుక్షితీః|
వాజద్రవిణసో గిరః||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 7

అగ్న ఆ యాహ్యగ్నిభిర్హోతారం త్వా వృణీమహే|
ఆ త్వామనక్తు ప్రయతా హవిష్మతీ యజిష్ఠం బర్హిరాసదే||

అచ్ఛా హి త్వా సహసః సూనో అఙ్గిరః స్రుచశ్చరన్త్యధ్వరే|
ఊర్జో నపాతం ఘృతకేశమీమహేऽగ్నిం యజ్ఞేషు పూర్వ్యమ్||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 8

అచ్ఛా నః శీరశోచిషం గిరో యన్తు దర్శతమ్|
అచ్ఛా యజ్ఞాసో నమసా పురూవసుం పురుప్రశస్తమూతయే||

అగ్నిఁ సూనుఁ సహసో జాతవేదసం దానాయ వార్యాణామ్|
ద్వితా యో భూదమృతో మర్త్యేష్వా హోతా మన్ద్రతమో విశి||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 9

అదాభ్యః పురతా విశామగ్నిర్మానుషీణామ్|
తూర్ణీ రథః సదా నవః||

అభి ప్రయాఁసి వాహసా దాశ్వాఁ అశ్నోతి మర్త్యః|
క్షయం పావకశోచిషః||

సాహ్వాన్విశ్వా అభియుజః క్రతుర్దేవానామమృక్తః|
అగ్నిస్తువిశ్రవస్తమః||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 10

భద్రో నో అగ్నిరాహుతో భద్రా రాతిః సుభగ భద్రో అధ్వరః|
భద్రా ఉత ప్రశస్తయః||

భద్రం మనః కృణుష్వ వృత్రతూర్యే యేనా సమత్సు సాసహిః|
అవ స్థిరా తనుహి భూరి శర్ధతాం వనేమా తే అభిష్టయే||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 11

అగ్నే వాజస్య గోమత ఈశానః సహసో యహో|
అస్మే దేహి జాతవేదో మహి శ్రవః||

స ఇధానో వసుష్కవిరగ్నిరీడేన్యో గిరా|
రేవదస్మభ్యం పుర్వణీక దీదిహి||

క్షపో రాజన్నుత త్మనాగ్నే వస్తోరుతోషసః|
స తిగ్మజమ్భ రక్షసో దహ ప్రతి||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 12

విశోవిశో వో అతిథిం వాజయన్తః పురుప్రియమ్|
అగ్నిం వో దుర్యం వచ స్తుషే శూషస్య మన్మభిః||

యం జనాసో హవిష్మన్తో మిత్రం న సర్పిరాసుతిమ్|
ప్రశఁసన్తి ప్రశస్తిభిః||

పన్యాఁసం జాతవేదసం యో దేవతాత్యుద్యతా|
హవ్యాన్యైరయద్దివి||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 13

సమిద్ధమగ్నిఁ సమిధా గిరా గృణే శుచిం పావకం పురో అధ్వరే ధ్రువమ్|
విప్రఁ హోతారం పురువారమద్రుహం కవిఁ సుమ్నైరీమహే జాతవేదసమ్||

త్వాం దూతమగ్నే అమృతం యుగేయుగే హవ్యవాహం దధిరే పాయుమీడ్యమ్|
దేవాసశ్చ మర్త్తాసశ్చ జాగృవిం విభుం విశ్పతిం నమసా ని షేదిరే||

విభూషన్నగ్న ఉభయాఁ అను వ్రతా దూతో దేవానాఁ రజసీ సమీయసే|
యత్తే ధీతిఁ సుమతిమావృణీమహేऽధ స్మా నస్త్రివరూథః శివో భవ||

ఉత్తర ఆర్చికః - సప్తమ ప్రపాఠకః - ద్వితీయోऽర్ధః - సూక్తము 14

ఉప త్వా జామయో గిరో దేదిశతీర్హవిష్కృతః|
వాయోరనీకే అస్థిరన్||

యస్య త్రిధాత్వవృతం బర్హిస్తస్థావసన్దినమ్|
ఆపశ్చిన్ని దధా పదమ్||

పదం దేవస్య మీఢుషోऽనాధృష్టాభిరూతిభిః|
భద్రా సూర్య ఇవోపదృక్||