సామవేదము - ఉత్తర ఆర్చికః - సప్తమ ప్రపాఠకః - తృతీయోऽర్ధః

←ముందరి అధ్యాయము

సామవేదము (సామవేదము - ఉత్తర ఆర్చికః - సప్తమ ప్రపాఠకః - తృతీయోऽర్ధః)

తరువాతి అధ్యాయము→

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 1

అభి త్వా పూర్వపీతయ ఇన్ద్ర స్తోమేభిరాయవః|
సమీచీనాస ఋభవః సమస్వరన్రుద్రా గృణన్త పూర్వ్యమ్||

అస్యేదిన్ద్రో వావృధే వృష్ణ్యఁ శవో మదే సుతస్య విష్ణవి|
అద్యా తమస్య మహిమానమాయవోऽను ష్టువన్తి పూర్వథా||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 2

ప్ర వామర్చన్త్యుక్థినో నీథావిదో జరితారః|
ఇన్ద్రాగ్నీ ఇష ఆ వృణే||

ఇన్ద్రాగ్నీ నవతిం పురో దాసపత్నీరధూనుతమ్|
సాకమేకేన కర్మణా||

ఇన్ద్రాగ్నీ అపసస్పర్యుప ప్ర యన్తి ధీతయః|
ఋతస్య పథ్యాऽऽ అను||

ఇన్ద్రాగ్నీ తవిషాణీ వాఁ సధస్థాని ప్రయాఁసి చ|
యువోరప్తూర్యఁ హితమ్||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 3

శగ్ధ్యూ షు శచీపత ఇన్ద్ర విశ్వాభిరూతిభిః|
భగం న హి త్వా యశసం వసువిదమను శూర చరామసి||

పౌరో అశ్వస్య పురుకృద్గవామస్యుత్సో దేవ హిరణ్యయః|
న కిర్హి దానం పరి మర్ధిషత్వే యద్యద్యామి తదా భర||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 4

త్వఁ హ్యేహి చేరవే విదా భగం వసుత్తయే|
ఉద్వావృషస్వ మధవన్గవిష్టయ ఉదిన్ద్రాశ్వమిష్టయే||

త్వం పురూ సహస్రాణి శతాని చ యూథా దానాయ మఁహసే|
ఆ పురన్దరం చకృమ విప్రవచస ఇన్ద్రం గాయన్తోऽవసే||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 5

యో విశ్వా దయతే వసు హోతా మన్ద్రో జనానామ్|
మధోర్న పాత్రా ప్రథమాన్యస్మై ప్ర స్తోమా యన్త్వగ్నయే||

అశ్వ న గీర్భీ రథ్యఁ సుదానవో మర్మృజ్యన్తే దేవయవః|
ఉభే తోకే తనయే దస్మ విస్పతే పర్షి రాధో మఘోనామ్||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 6

ఇమం మే వరుణ శ్రుధీ హవమద్యా చ మృడయ|
త్వామవస్యురా చకే||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 7

కయా త్వం న ఊత్యాభి ప్ర మన్దసే వృషన్|
కయా స్తోతృభ్య ఆ భర||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 8

ఇన్ద్రమిద్దేవతాతయ ఇన్ద్రం ప్రయత్యధ్వరే|
ఇన్ద్రఁ సమీకే వనినో హవామహ ఇన్ద్రం ధనస్య సాతయే||

ఇన్ద్రో మహ్నా రోదసీ పప్రథచ్ఛవ ఇన్ద్రః సూర్యమరోచయత్|
ఇన్ద్రే హ విశ్వా భువనాని యేమిర ఇన్ద్రే సువానాస ఇన్దవః||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 9

విశ్వకర్మన్హవిషా వావృధానః స్వయం యజస్వ తన్వాఁ స్వా హి తే|
ముహ్యన్త్వన్యే అభితో జనాస ఇహాస్మాకం మఘవా సూరిరస్తు||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 10

అయా రుచా హరిణ్యా పునానో విశ్వా ద్వేషాఁసి తరతి సయుగ్వభిః సూరో న సయుగ్వభిః|
ధారా పృష్ఠస్య రోచతే పునానో అరుషో హరిః|
 ----ఏ విశ్వా యద్రూపా పరియాస్యృక్వభిః సప్తాస్యేభిరృక్వభిః||

ప్రాచీమను ప్రదిశం పాతి చేకితత్సఁ రశ్మిభిర్యతతే దర్శతో రథో దైవ్యో దర్శతో రథః|
అగ్మన్నుక్థాని పౌఁస్యేన్ద్రం జైత్రాయ హర్షయత|
 ----ఏ వజ్రశ్చ యద్భవథో అనపచ్యుతా సమత్స్వనపచ్యుతా||

త్వం హ త్యత్పణీనాం విదో వసు సం మాతృభిర్మర్జయసి స్వ ఆ దమ ఋతస్య ధీతిభిర్దమే|
పరావతో న సామ తద్యత్రా రణన్తి ధీతయః|
 ----ఏ త్రిధాతుభిరరుషీభిర్వయో దధే రోచమానో వయో దధే||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 11

ఉత నో గోషణిం ధియమశ్వసాం వాజసాముత|
నృవత్కృణుహ్యూతయే||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 12

శశమానస్య వా నరః స్వేదస్య సత్యశవసః|
విదా కామస్య వేనతః||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 13

ఉప నః సూనవో గిరః శృణ్వన్త్వమృతస్య యే|
సుమృడీకా భవన్తు నః||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 14

ప్ర వాం మహి ద్యవీ అభ్యుపస్తుతిం భరామహే|
శుచీ ఉప ప్రశస్తయే||

పునానే తన్వా మిథః స్వేన దక్షేణ రాజథః|
ఊహ్యాథే సనాదృతమ్||

మహీ మిత్రస్య సాధథస్తరన్తీ పిప్రతీ ఋతమ్|
పరి యజ్ఞం ని షేదథుః||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 15

అయము తే సమతసి కపోత ఇవ గర్భధిమ్|
వచస్తచ్చిన్న ఓహసే||

స్తోత్రఁ రాధానాం పతే గిర్వాహో వీర యస్య తే|
విభూతిరస్తు సూనృతా||

ఊర్ధ్వస్తిష్ఠా న ఊతయేऽస్మిన్వాజే శతక్రతో|
సమన్యేషు బ్రవావహై||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 16

గావ ఉప వదావటే మహి యజ్ఞస్య రప్సుదా|
ఉభా కర్ణా హిరణ్యయా||

అభ్యారమిదద్రయో నిషిక్తం పుష్కరే మధు|
అవటస్య విసర్జనే||

సిఞ్చన్తి నమసావటముచ్చాచక్రం పరిజ్మానమ్|
నీచీనబారమక్షితమ్||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 17

మా భేమ మా శ్రమిష్మోగ్రస్య సఖ్యే తవ|
మహత్తే వృష్ణో అభిచక్ష్యం కృతం పశ్యేమ తుర్వశం యదుమ్||

సవ్యామను స్ఫిగ్యం వావసే వృష్నా న దానో అస్య రోషతి|
మధ్వా సంపృక్తాః సారఘేణ ధేనవస్తూయమేహి ద్రవా పిబ||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 18

ఇమా ఉ త్వా పురూవసో గిరో వర్ధన్తు యా మమ|
పావకవర్ణాః శుచయో విపశ్చితోऽభి స్తోమైరనూషత||

అయఁ సహస్రమృషిభిః సహస్కృతః సముద్ర ఇవ పప్రథే|
సత్యః సో అస్య మహిమా గృణే శవో యజ్ఞేషు విప్రరాజ్యే||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 19

యస్యాయం విశ్వ ఆర్యో దాసః శేవధిపా అరిః|
తిరశ్చిదర్యే రుశమే పవీరవి తుభ్యేత్సో అజ్యతే రయిః||

తురణ్యవో మధుమన్తం ఘృతశ్చతం విప్రాసో అర్కమానృచుః|
అస్మే రయిః పప్రథే వృష్ణ్యం శవోऽస్మే స్వానాస ఇన్దవః||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 20

గోమన్న ఇన్దో అశ్వవత్సుతః సుదక్ష ధనివ|
శుచిం చ వర్ణమధి గోషు ధార్య||

స నో హరీణాం పత ఇన్దో దేవప్సరస్తమః|
సఖేవ సఖ్యే నర్యో రుచే భవ||

సనేమి త్వమస్మదా అదేవం కం చిదత్రిణమ్|
సాహ్వాఁ ఇన్దో పరి బాధో అప ద్వయుమ్||

ఉత్తర ఆర్చికః - సప్తమ ప్రపాఠకః - తృతీయోऽర్ధః - సూక్తము 21

అఞ్జతే వ్యఞ్జతే సమఞ్జతే క్రతుఁ రిహన్తి మధ్వాభ్యఞ్జతే|
సిన్ధోరుऽచ్ఛ్వాసే పతయన్తముక్షణఁ హిరణ్యపావాః పశుమప్సు గృభ్ణతే||

విపశ్చితే పవమానాయ గాయత మహీ న ధారాత్యన్ధో అర్షతి|
అహిర్న జూర్ణామతి సర్పతి త్వచమత్యో న క్రీడన్నసరద్వృషా హరిః||

అగ్రేగో రాజాప్యస్తవిష్యతే విమానో అహ్నాం భువనేష్వర్పితః|
హరిర్ఘృతస్నుః సుదృశీకో అర్ణవో జ్యోతీరథః పవతే రాయ ఓక్యః||