శుక్ల యజుర్వేదము - అధ్యాయము 7
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 7) | తరువాతి అధ్యాయము→ |
వాచస్పతయే పవవ వృష్ణో అఁశుభ్యాం గభస్తిపూతః |
దేవో దేవేభ్యః పవస్వ యేషాం భాగో సి ||
మధుమతీర్న ఇషస్కృధి |
యత్తే సోమాదాభ్యం నామ జాగృవి తస్మై తే సోమ సోమాయ స్వాహా |
స్వాహా |
ఉర్వన్తరిక్షమన్వేమి ||
స్వాంకృతో సి విశ్వేభ్య ఇన్ద్రియేభ్యో దివ్యేభ్యః
పార్థివేభ్యో మనస్త్వాష్టు స్వాహా త్వా సుభవ సూర్యాయ |
దేవేభ్యస్త్వా మరీచిపేభ్యః |
దేవాఁశో యస్మై త్వేడే తత్సత్యముపరిప్రుతా భఙ్గేన హతో సౌ
పట్ |
ప్రాణాయ త్వా |
వ్యానాయ త్వా ||
ఉపయామగృహీతో స్యన్తర్యచ్ఛ మఘవన్పాహి సోమమ్ |
ఉరుష్య రాయ ఏషో యజస్వ ||
అన్తస్తే ద్యావాపృథివీ దధామ్యన్తర్దధామ్యుర్వన్తరిక్షమ్ |
సజూర్దేవేభిరవరైః పరైశ్చాన్తర్యామే మఘవన్మాదయస్వ ||
స్వాంకృతో సి విశ్వేభ్య ఇన్ద్రియేభ్యో దివ్యేభ్యః
పార్థివేభ్యో మనస్త్వాష్టు స్వాహా త్వా సుభవ సూర్యాయ |
దేవేభ్యస్త్వా మరీచిపేభ్యః |
ఉదానాయ త్వా ||
ఆ యాయో భూష శుచిపా ఉప నః సహస్రం తే నియుతో విశ్వవార |
ఉపో తే అన్ధో మద్యమయామి యస్య దేవ దధిషే పూర్వపేయమ్ |
వాయవే త్వా ||
ఇన్ద్రవాయూ ఇమే సుతా ఉప ప్రయోభిరాగతమ్ |
ఇన్దవో వాముశన్తి హి |
ఉపయామగృహీతో సి వాయవ ఇన్ద్రవాయుభ్యాం త్వా |
ఏష తే యోనిః |
సజోషేభ్యాం త్వా ||
అయం వాం మిత్రావరుణా సుతః సోమ ఋతావృధా |
మమేదిహ శ్రుతఁ హవమ్ |
ఉపయామగృహీతో సి మిత్రావరుణాభ్యాం త్వా ||
రాయా వయఁ ససవాఁసో మదేమ హవ్యేన దేవా యవసేన గావః |
తాం ధేనుం మిత్రావరుణా యువం నో విశ్వాహా ధత్తమనపస్పురన్తీమ్ |
ఏష తే యోనిరృతాయుభ్యాం త్వా ||
యా వాం కశా మధుమత్యాశ్వినా సూనృతావతీ |
తయా యజ్ఞం మిమిక్షతమ్ |
ఉపయామగృహీతో స్యశ్విభ్యాం త్వా |
ఏష తే యోనిర్మాధ్వీభ్యాం త్వా ||
తం ప్రత్నథా పూర్వథా విశ్వథేమథా జ్యేష్ఠతాతిం బర్హిషదఁ
స్వర్విదమ్ |
ప్రతీచీనం వృజనం దోహసే ధునిమాశుం జయన్తమను యాసు వర్ధసే |
ఉపయామగృహీతో సి శణ్డాయ త్వా |
ఏష తే యోనిర్వీరతాం పాహి |
అపమృష్టః శణ్డః |
దేవాస్త్వా శుక్రపాః పణయన్తు |
అనాధృష్టాసి ||
సువీరో వీరాన్ప్రజనయన్పరీహ్యభి రాయస్పోషేణ యజమానమ్ |
సంజగ్మానో దివా పృథివ్యా శుక్రః శుక్రశోచిషా |
నిరస్తః శణ్డః |
శుక్రస్యాధిష్ఠానమసి ||
అచ్ఛిన్నస్య తే దేవ సోమ సువీర్యస్య రాయస్పోషస్య దదితారః స్యామ |
సా ప్రథమా సఁస్కృతిర్విశ్వవారా స ప్రథమో వరుణో మిత్రో అగ్నిః ||
స ప్రథమో బృహస్పతిశ్చికిత్వాఁస్తస్మా ఇన్ద్రాయ సుతమా జుహోత
స్వాహా |
తృమ్పన్తు హోత్రా మధ్వో యాః స్విష్టా యాః సుప్రీతాః సుహుతా
యత్స్వాహా |
అయాడగ్నీత్ ||
అయం వేనశ్చోదయత్పృశ్నిగర్భా జ్యోతిర్జరాయూ రజసో విమానే |
ఇమమపాఁ సంగమే సూర్యస్య సిశుం న విప్రా మతిభీ రిహన్తి |
ఉపయామగృహీతో సి మర్కాయ త్వా ||
మనో న యేషు హవనేషు తిగ్మం విపః శచ్యా వనుథో ద్రవన్తా |
ఆ యః శర్యాబిస్తువినృమ్ణో అస్యాశ్రీణీతాదిశం గభస్తౌ |
ఏష తే యోనిః ప్రజాః పాహి |
అపమృష్టో మర్కః |
దేవాస్త్వా మన్థిపాః ప్రణయన్తు |
అనాధృష్తాసి ||
సుప్రజాః ప్రజాః ప్రజనయన్పరీహ్యభి రాయస్పోషేణ యజమానమ్ |
సంజగ్మానో దివా పృథివ్యా మన్థీ మథిశోచిషా |
నిరస్తో మర్కః |
మన్థినో ధిష్ఠానమసి ||
యే దేవాసో దివ్యేకాదశ స్థ పృథివ్యామధ్యేకాదశ స్థ |
అప్సుక్షితో మహినైకాదశ స్థ తే దేవాసో యజ్ఞమిమం జుషధ్వమ్ ||
ఉపయామగృహీతో స్యాగ్రయణో సి స్వాగ్రయణః పాహి యజ్ఞం పాహి
యజ్ఞపతిం విష్ణుస్త్వామిన్ద్రియేణ పాతు విష్ణుం త్వం పాహ్యభి సవనాని పాహి ||
సోమః పవతే సోమః పవతే స్మై బ్రహ్మణే స్మై క్షత్రాయాస్మై సున్వతే
యజమానాయ పవత ఇష ఊర్జే పవతే ద్భ్య ఓషధీభ్యః పవతే ద్యావాపృథివీభ్యాం పవతే
సుభూతాయ పవతే విశ్వేభ్యస్త్వా దేవేభ్యః |
ఏష తే యోనిర్విశ్వేభ్యస్త్వా దేవేభ్యః ||
ఉపయామగృహీతో సీన్ద్రాయ త్వా బృహద్వతే వయస్వత ఉక్థావ్యం
గృహ్ణామి |
యత్త ఇన్ద్ర బృహద్వయస్తస్మై త్వా విష్ణవే త్వా |
ఏష తే యోనిరుక్థేభ్యస్త్వా |
దేవేభ్యస్త్వా దేవావ్యం గృహ్ణామి యజ్ఞస్యాయుషే గృహ్ణామి ||
మిత్రావరుణాభ్యాం త్వా దేవావ్యం యజ్ఞస్యాయుషే గృహ్ణామి |
ఇన్ద్రాయ త్వా దేవావ్యం యజ్ఞస్యాయుషే గృహ్ణామి |
ఇన్ద్రాగ్నిభ్యాం త్వా దేవావ్యం యజ్ఞస్యాయుషే గృహ్ణామి |
ఇన్ద్రావరుణాభ్యాం త్వా దేవావ్యం యజ్ఞస్యాయుషే గృహ్ణామి |
ఇన్ద్రాబృహస్పతిభ్యాం త్వా దేవావ్యం యజ్ఞస్యాయుషే గృహ్ణామి |
ఇన్ద్రావిష్ణుభ్యాం త్వా దేవావ్యం యజ్ఞస్యాయుషే గృహ్ణామి ||
మూర్ధానం దివో అరతిం పృథివ్యా వైశ్వానరమృత ఆ జాతమగ్నిమ్ |
కవిఁ సమ్రాజమతిథిం జనానామాసన్నా పాత్రం జనయన్త దేవాః ||
ఉపయామగృహీతో సి ధ్రువో సి ధ్రువక్షితిర్ధ్రువాణాం ధ్రువతమో
చ్యుతానామచ్యుతక్షిత్తమః |
ఏష తే యోనిర్వైశ్వానరాయ త్వా |
ధ్రువం ధ్రువేణ మనసా వాచా సోమమవ నయామి |
అథా న ఇన్ద్ర ఇద్విశో సపత్నాః సమనసస్కరత్ ||
యస్తే ద్రప్స స్కన్దతి యస్తే అఁశుర్గ్రావచ్యుతో
ధిషణయోరుపస్థాత్ |
అధ్వర్యోర్వా పరి వా యః పవిత్రాత్తం జుహోమి మనసా వషట్కృతఁ
స్వాహా |
దేవానాముత్క్రమణమసి ||
ప్రాణాయ మే వర్చోదా వర్చసే పవస్వ |
వ్యానాయ మే వర్చోదా వర్చసే పవస్వ |
ఉదానాయ మే వర్చోదా వర్చసే పవస్వ |
వాచే మే వర్చోదా వర్చసే పవస్వ |
క్రతూదక్షాభ్యాం మే వర్చోదా వర్చసే పవస్వ |
శ్రోత్రాయ మే వర్చోదా వర్చసే పవస్వ |
చక్షుర్భ్యాం మే వర్చోదసౌ వర్చసే పవేథామ్ ||
ఆత్మనే మే మే వర్చోదా వర్చసే పవస్వ |
ఓజసే మే వర్చోదా వర్చసే పవస్వ |
ఆయుషే మే వర్చోదా వర్చసే పవస్వ |
విశ్వాభ్యో మే ప్రజాభ్యో వర్చోదసౌ వర్చసే పవేథామ్ ||
కో సి కతమో సి కస్యాసి కో నామాసి |
యస్య తే నామామన్మహి యం త్వా సోమేనాతీతృపామ |
భూర్భువః స్వః సుప్రజాః ప్రజాభిః స్యాఁ సువీరో వీరైః సుపోషః
పోషైః ||
ఉపయామగృహీతో సి మధవే త్వా |
ఉపయామగృహీతో సి మాధవాయ త్వా |
ఉపయామగృహీతో సి శుక్రాయ త్వా |
ఉపయామగృహీతో సి శుచయే త్వా |
ఉపయామగృహీతో సి నభసే త్వా |
ఉపయామగృహీతో సి నభస్యాయ త్వా |
ఉపయామగృహీతో సీషే త్వా |
ఉపయామగృహీతో స్యూర్జే త్వా |
ఉపయామగృహీతో సి సహసే త్వా |
ఉపయామగృహీతో సి సహస్యాయ త్వా |
ఉపయామగృహీతో సి తపసే త్వా |
ఉపయామగృహీతో సి తపస్యాయ త్వా |
ఉపయామగృహీతో స్యఁహసస్పతయే త్వా ||
ఇన్ద్రాగ్నీ ఆ గతఁ సుతం గీర్భిర్నభో వరేణ్యమ్ |
అస్య పాతం ధియేషితా |
ఉపయామగృహీతో సీన్ద్రాగ్నిభ్యాం త్వా |
ఏష తే యోనిరిన్ద్రాగ్నిభ్యాం త్వా ||
ఆ ఘా యే అగ్నిమిన్ధతే స్తృణన్తి బర్హిరానుషక్ |
యేషామిన్ద్రో యువా సఖా |
ఉపయామగృహీతో స్యగ్నీన్ద్రాభ్యాం త్వా |
ఏష తే యోనిరగ్నీన్ద్రాభ్యాం త్వా ||
ఓమాసశ్చర్షణీధృతో విశ్వే దేవాస ఆ గత |
దాశ్వాఁసో దాశుషః సుతమ్ |
ఉపయామగృహీతో సి విశ్వేభ్యస్త్వా దేవేభ్యః |
ఏష తే యోనిర్విశ్వేభ్యస్త్వా దేవేభ్యః ||
విశ్వే దేవాస ఆ గత శృణుతా మ ఇమఁ హవమ్ |
ఏదం బర్హిర్ని షీదత |
ఉపయామగృహీతో సి విశ్వేభ్యస్త్వా దేవేభ్యః |
ఏష తే యోనిర్విశ్వేభ్యస్త్వా దేవేభ్యః ||
ఇన్ద్ర మరుత్వ ఇహ పాహి సోమం యథా శార్యాతే అపిబః సుతస్య |
తవ ప్రణీతీ తవ శూర శర్మన్నా వివాసన్తి కవయః సుయజ్ఞాః |
ఉపయామగృహీతో సీన్ద్రాయ త్వా మరుత్వతే |
ఏష తే యోనిరిన్ద్రాయ త్వా మరుత్వతే ||
మరుత్వన్తం వృషభం వావృధానమకవారిం దివ్యఁ శాసమిన్ద్రమ్ |
విశ్వాసాహమవసే నూతనాయోగ్రఁ సహోదామిహ తఁ హువేమ |
ఉపయామగృహీతో సీన్ద్రాయ త్వా మరుత్వతే |
ఏష తే యోనిరిన్ద్రాయ త్వా మరుత్వతే |
ఉపయామగృహీతో సి మరుతాం త్వౌజసే ||
సజోషా ఇన్ద్ర సగణో మరుద్భిః సోమం పిబ వృత్రహా శూర విద్వాన్ |
జహి శత్రూఁరప మృధో నుదస్వాథాభయం కృణుహి విశ్వతో నః |
ఉపయామగృహీతో సీన్ద్రాయ త్వా మరుత్వతే |
ఏష తే యోనిరిన్ద్రాయ త్వా మరుత్వతే ||
మరుత్వాఁ ఇన్ద్ర వృషభో రణాయ పిబా సోమమనుష్వధం మదాయ |
ఆసిఞ్చస్వ జఠరే మధ్వ ఊర్మిం త్వఁ రాజాసి ప్రతిపత్సుతానామ్ |
ఉపయామగృహీతో సీన్ద్రాయ త్వా మరుత్వతే |
ఏష తే యోనిరిన్ద్రాయ త్వా మరుత్వతే ||
మహాఁ ఇన్ద్రో నృవదా చర్షణిప్రా ఉత ద్విబర్హా అమినః సహోభిః |
అస్మద్ర్యగ్వావృధే వీర్యాయోరుః పృథుః సుకృతః కర్తృభిర్భూత్ |
ఉపయామగృహీతో సి మహేన్ద్రాయ త్వా |
ఏష తే యోనిర్మహేన్ద్రాయ త్వా ||
మహాఁ ఇన్ద్రో య ఓజసా పర్జన్యో వృష్టిమాఁ ఇవ |
స్తోమైర్వత్సస్య వావృధే |
ఉపయామగృహీతో సి మహేన్ద్రాయ త్వా |
ఏష తే యోనిర్మహేన్ద్రాయ త్వా ||
ఉదు త్యం జాతవేదసం దేవం వహన్తి కేతవః |
దృశే విశ్వాయ సూర్యఁ స్వాహా ||
చిత్రం దేవానాముదగాదనీకం చక్షుర్మిత్రస్య వరుణస్యాగ్నేః |
ఆప్రా ద్యావాపృథివీ అన్తరిక్షఁ సూర్య ఆత్మా జగతస్తస్థుషశ్చ
స్వాహా ||
అగ్నే నయ సుపథా రాయే అస్మాన్విశ్వాని దేవ వయునాని విద్వాన్ |
యుయోధ్యస్మజ్జుహురాణమేనో భూయిష్ఠాం తే నమఉక్తిం విధేమ
స్వాహా ||
అయం నో అగ్నిర్వరివస్కృణోత్వయం మృధః పుర ఏతు ప్రభిన్దన్ |
అయం వాజాన్జయతు వాజసాతావయఁ శత్రూన్జయతు జర్హృషాణః స్వాహా ||
రూపేణ వో రూపమభ్యాగాం తుథో వో విశ్వవేదా వి భజతు |
ఋతస్య పథా ప్రేత చన్ద్రదక్షిణాః |
వి స్వః పశ్య వ్యన్తరిక్షమ్ |
యతస్వ సదస్యైః ||
బ్రాహ్మణమద్య విదేయం పితృమన్తం పైతృమత్యమృషిమార్షేయఁ
సుధాతుదక్షిణమ్ |
అస్మద్రాతా దేవత్రా గచ్ఛత ప్రదాతారమా విశత ||
అగ్నయే త్వా మహ్యం వరుణో దదాతు సో మృతత్వమశీయాయుర్దాత్ర ఏధి
మయో మహ్యం ప్రతిగ్రహీత్రే |
రుద్రాయ త్వా మహ్యం వరుణో దదాతు సో మృతత్వమశీయ ప్రాణో దాత్ర
ఏధి వయో మహ్యం ప్రతిగ్రహీత్రే |
బృహస్పతయే త్వా మహ్యం వరుణో దదాతు సో మృతత్వమశీయ త్వగ్దాత్ర
ఏధి మయో మహ్యం ప్రతిగ్రహీత్రే |
యమాయ త్వా మహ్యం వరుణో దదాతు సో మృతత్వమశీయ హయో దాత్ర ఏధి
వయో మహ్యం ప్రతిగ్రహీత్రే ||
కో దాత్కస్మా అదాత్కామో దాత్కామాయాదాత్ |
కామో దాతా కామః ప్రతిగ్రహీతా కామైతత్తే ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |