శుక్ల యజుర్వేదము - అధ్యాయము 6
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 6) | తరువాతి అధ్యాయము→ |
దేవస్య త్వా సవితుః ప్రసవే శ్వినోర్బాహుభ్యాం పూష్ణో
హస్తాభ్యామ్ |
ఆ దదే నార్యసి |
ఇదమహఁ రక్షసాం గ్రీవా అపి కృన్తామి |
యవో సి యవయాస్మద్ద్వేషో యవయారాతీః |
దివే త్వాన్తరిక్షాయ త్వా పృథివ్యై త్వా |
శున్ధన్తాం లోకాః పితృషదనాః |
పితృషదనమసి ||
అగ్రేణీరసి స్వావేశ ఉన్నేతౄణామేతస్య విత్తాదధి త్వా స్థాస్యతి |
దేవస్త్వా సవితా మధ్వనక్తు |
సుపిప్పలాభ్యస్త్వౌషధీభ్యః |
ద్యామగ్రేణాస్పృక్ష ఆన్తరిక్షం మధ్యేనాప్రాః
పృథివీముపరేణాదృఁహీః ||
యా తే ధామాన్యుశ్మసి గమధ్యై యత్ర గావో భూరిశృఙ్గా అయాసః |
అత్రాహ తదురుగాయస్య విష్ణోః పరమం పదమవ భారి భూరి |
బ్రహ్మవని త్వా క్షత్రవని రాయస్పోషవని పర్యూహామి |
బ్రహ్మ దృఁహ క్షత్రం దృఁహాయుర్దృఁహ ప్రజాం దృఁహ ||
విష్ణోః కర్మాణి పశ్యత యతో వ్రతాని పస్పశే |
ఇన్ద్రస్య యుజ్యః సఖా ||
తద్విష్ణోః పరమం పదఁ సదా పశ్యన్తి సూరయో దివీవ చక్షురాతతమ్ ||
పరివీరసి పరి త్వా దైవీర్విశో వ్యయన్తాం పరీమం యజమానఁ రాయో
మనుష్యాణామ్ |
దివః సూనురసి |
ఏష తే పృథివ్యాం లోక ఆరణ్యస్తే పశుః ||
ఉపావీరసి |
ఉప దేవాన్దైవీర్విశః ప్రాగురుశిజో వహ్నితమాన్ |
దేవ త్వష్టర్వసు రమ హవ్యా తే స్వదన్తామ్ ||
రేవతీ రమధ్వం బృహస్పతే ధారయా వసూని |
ఋతస్య త్వా దేవహవిః పాశేన ప్రతి ముఞ్చామి ధర్షా మానుషః ||
దేవస్య త్వా సవితుః ప్రసవే శ్వినోర్బాహుభ్యాం పూష్ణో
హస్తాభ్యామ్ |
అగ్నీషోమాభ్యాం జుష్టం ని యునజ్మి |
అద్భ్యస్త్వౌషధీభ్యో ను త్వా మాతా మన్యతామను పితాను భ్రాతా
సగర్భ్యో ను సఖా సయూథ్యః |
అగ్నీషోమాభ్యాం త్వా జుష్టం ప్రోక్షామి ||
అపాం పేరురసి |
ఆపో దేవీః స్వదన్తు స్వాత్తం చిత్సద్దేవహవిః |
సం తే ప్రాణో వాతేన గచ్ఛతాఁ సమఙ్గాని యజత్రైః సం
యజ్ఞపతిరాశిషా ||
ఘృతేనాక్తౌ పశూఁస్త్రాయేథామ్ |
రేవతి యజమానే ప్రియం ధా ఆ విశ |
ఉరోరన్తరిక్షాత్సజూర్దేవేన వాతేనాస్య హవిషస్త్మనా యజ
సమస్య తన్వా భవ |
వర్షో వర్షీయసి యజ్ఞే యజ్ఞప్తిం ధాః |
స్వాహా దేవేభ్యః |
దేవేభ్యః స్వాహా ||
మాహిర్భూర్మా పృదాకుః |
నమస్త ఆతానానర్వా ప్రేహి |
ఘృతస్య కుల్యా ఉప ఋతస్య పథ్యా అను ||
దేవీరాపః శుద్ధా వోఢ్వఁ సుపరివిష్టా దేవేషు |
సుపరివిష్టా వయం పరివేష్టారో భూయాస్మ ||
వాచం తే శున్ధామి |
ప్రాణం తే శున్ధామి |
చక్షుస్తే శున్ధామి |
శ్రోత్రం తే శున్ధామి |
నాభిం తే శున్ధామి |
మేఢ్రం తే శున్ధామి |
పాయుం తే శున్ధామి |
చరిత్రాఁస్తే శున్ధామి ||
మనస్త ఆ ప్యాయతామ్ |
వాక్త ఆ ప్యాయతామ్ |
ప్రాణస్త ఆ ప్యాయతామ్ |
చక్షుస్త ఆ ప్యాయతామ్ |
శ్రోత్రం త ఆ ప్యాయతామ్ |
యత్తే క్రూరం యదాస్థితం తత్త ఆ ప్యాయతాం నిష్ప్యాయతాం తత్తే
శుధ్యతు |
శమహోభ్యః |
ఓషధే త్రాయస్వ |
స్వధితే మైనఁ హిఁసీః ||
రక్షసాం భాగో సి |
నిరస్తఁ రక్షః |
ఇదమహఁ రక్షో భి తిష్ఠామీదమహఁ రక్షో వ బాధ ఇదమహఁ రక్షో ధమం
తమో నయామి |
ఘృతేన ద్యావాపృథివీ ప్రోర్ణువాథామ్ |
వాయో వే స్తోకానామ్ |
అగ్నిరాజ్యస్య వేతు స్వాహా |
స్వాహాకృతే ఊర్ధ్వనభసం మారుతం గచ్ఛతమ్ ||
ఇదమాపః ప్రవహతావద్యం చ మలం చ యత్ |
యచ్చాభిదుద్రోహానృతం యచ్చ శేపే అభీరుణమ్ |
ఆపో మా తస్మాదేనసః పవమానశ్చ ముఞ్చతు ||
సం తే మనో మనసా సం ప్రాణః ప్రాణేన గచ్ఛతామ్ |
రేడస్యగ్నిష్ట్వా శ్రీణాత్వాపస్త్వా సమరిణన్వాతస్య త్వా
ధ్రాజ్యై పూష్ణో రఁహ్యా ఊష్మణో వ్యథిషత్ |
ప్రయుతం ద్వేషః ||
ఘృతం ఘృతపావానః పిబత వసాం వసాపావానః పిబతాన్తరిక్షస్య హవిరసి
స్వాహా |
దిశః |
ప్రదిశః |
ఆదిశః |
విదిశః |
ఉద్దిశః |
దిగ్భ్యః స్వాహా ||
అैన్ద్రః ప్రాణో అఙ్గే-అఙ్గే ని దీధ్యఐన్ద్ర ఉదానో అఙ్గే-అఙ్గే
నిధీతః |
దేవ త్వష్టర్భూరి తే సఁ-సమేతు సలక్ష్మా యద్విషురూపం భవాతి |
దేవత్రా యన్తమవసే సఖాయో ను త్వా మాతా పితరో మదన్తు ||
సముద్రం గచ్ఛ స్వాహా |
అన్తరిక్షం గచ్ఛ స్వాహా |
దేవఁ సవితారం గచ్ఛ స్వాహా |
మిత్రావరుణౌ గచ్ఛ స్వాహా |
అహోరాత్రే గచ్ఛ స్వాహా |
ఛన్దాఁసి గచ్ఛ స్వాహా |
ద్యావాపృథివీ గచ్ఛ స్వాహా |
యజ్ఞం గచ్ఛ స్వాహా |
సోమం గచ్ఛ స్వాహా |
దివ్యం నభో గచ్ఛ స్వాహా |
అగ్నిం వైశ్వానరం గచ్ఛ స్వాహా |
మనో మే హార్ది యచ్ఛ |
దివం తే ధూమో గచ్ఛతు స్వర్జ్యోతిః పృథివీం భస్మనా పృణ స్వాహా ||
మాపో మౌషధీర్హిఁసీః |
ధామ్నో-ధామ్నో రాజఁస్తతో వరుణ నో ముఞ్చ |
యదాహురఘ్న్యా ఇతి వరుణేతి శపామహే తతో వరుణ నో ముఞ్చ |
సుమిత్రియా న ఆప ఓషధయః సన్తు దుర్మిత్రియాస్తస్మై సన్తు యో
స్మాన్ద్వేష్టి యం చ వయం ద్విష్మః ||
హవిషీమతీరిమా ఆపో హవిష్మాఁ ఆ వివాసతి |
హవిష్మాన్దేవో అధ్వరో హవిష్మాఁ అస్తు సూర్యః ||
అగ్నేర్వో పన్నగృహస్య సదసి సాదయామి |
ఇన్ద్రాగ్న్యోర్భాగధేయీ స్థ |
మిత్రావరుణ్యోర్భాగధేయీ స్థ |
విశ్వేషాం దేవానాం భాగధేయీ స్థ |
అమూర్యా ఉప సూర్యే యాభిర్వా సూర్యః సహ |
తా నో హిన్వన్త్వధ్వరమ్ ||
హృదే త్వా మనసే త్వా దివే త్వా సూర్యాయ త్వా |
ఊర్ధ్వమిమమధ్వరం దివి దేవేషు హోత్రా యచ్ఛ ||
సోమ రాజన్విశ్వాస్త్వం ప్రజా ఉపావ రోహ |
విశ్వాస్త్వాం ప్రజా ఉపావ రోహన్తు |
శృణోత్వగ్నిః సమిధా హవం మే శృణ్వన్త్వాపో ధిషణాశ్చ దేవీః |
శ్రోతా గ్రావాణో విదుషో న యజ్ఞఁ శృణోతు దేవః సవితా హవం మే
స్వాహా ||
దేవీరాపో అపాం నపాద్యో వ ఊర్మిర్విష్య ఇన్ద్రియావాన్మదిన్తమః |
తం దేవేభ్యో దేవత్రా దత్త శుక్రపేభ్యో యేషాం భాగ స్థ స్వాహా ||
కార్షిరసి |
సముద్రస్య త్వాక్షిత్యా ఉన్నయామి |
సమాపో అద్భిరగ్మత సమోషధీభిరోషధీః ||
యమగ్నే పృత్సు మర్త్యమవా వాజేషు యం జునాః |
స యన్తా శశ్వతీరిషః స్వాహా ||
దేవస్య త్వా సవితుః ప్రసవే శ్వినోర్బాహుభ్యాం పూష్ణో
హస్తాభ్యామ్ |
ఆ దదే రావాసి గభీరమిమమధ్వరం కృధీన్ద్రాయ సుషూతమమ్ |
ఉత్తమేన పవినోర్జస్వన్తం మధుమన్తం పయస్వన్తమ్ |
నిగ్రాభ్యా స్థ దేవశ్రుతస్తర్పయత మా ||
మనో మే తర్పయత వాచం మే తర్పయత ప్రాణం మే తర్పయత చక్షుర్మే
తర్పయత శ్రోత్రం మే తర్పయతాత్మానం మే తర్పయత ప్రజాం మే తర్పయత పశూన్మే తర్పయత
గణాన్మే తర్పయత గణా మే మా వితృషన్ ||
ఇన్ద్రాయ త్వా వసుమతే రుద్రవతే |
ఇన్ద్రాయ త్వాదిత్యవతే |
ఇన్ద్రాయ త్వాభిమాతిఘ్నే |
శ్యేనాయ త్వా మోమభృతే |
అగ్నయే త్వా రాయస్పోషదే ||
యత్తే సోమ దివి జ్యోతిర్యత్పృథివ్యాం యదురావన్తరిక్షే |
తేనాస్మై యజమానాయోరు రాయే కృధ్యధి దాత్రే వోచః ||
శ్వాత్రా స్థ వృత్రతురో రాధోగూర్తా అమృతస్య పత్నీః |
తా దేవీర్దేవత్రేమం యజ్ఞం నయతోపహూతాః సోమస్య పిబత ||
మా భేర్మా సం విక్థా ఊర్జం ధత్స్వ ధిషణే వీడ్వీ సతీ
వీడయేథామూర్జం దధాథామ్ |
పాప్మా హతో న సోమః ||
ప్రాగపాగుదగధరాక్సర్వతస్త్వా దిశ ఆ ధావన్తు |
అమ్బ ని ష్పర సమరీర్విదామ్ ||
త్వమఙ్గ ప్ర శఁసిషో దేవః శవిష్ఠ మర్త్యమ్ |
న త్వదన్యో మఘవన్నస్తి మర్డితేన్ద్ర బ్రవీమి తే వచః ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |