శుక్ల యజుర్వేదము - అధ్యాయము 33
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 33) | తరువాతి అధ్యాయము→ |
అస్యాజరాసో దమామరిత్రా అర్చద్ధూమాసో అగ్నయః పావకాః |
శ్వితీచయః శ్వాత్రాసో భురణ్యవో వనర్షదో వాయవో న సోమాః ||
హరయో ధుమకేతవో వాతజూతా ఉప ద్యవి |
యతన్తే వృథగగ్నయః ||
యజా నో మిత్రావరుణా యజా దేవాఁ ఋతం బృహత్ |
అగ్నే యక్షి స్వం దమమ్ ||
యుక్ష్వా హి దేవహూతమాఁ అశ్వాఁ అగ్నే రథీరివ |
ని హోతా పూర్వ్యః సదః ||
ద్వే విరూపే చరతః స్వర్థే అన్యాన్యా వత్సముప ధాపయేతే |
హరిరన్యస్యాం భవతి స్వధావాఞ్ఛుక్రో అన్యస్యాం దదృశే సువర్చాః ||
అయమిహ ప్రథమో ధాయి ధాతృభిర్హోతా యజిష్ఠో అధ్వరేష్వీడ్యః |
యమప్నవానో భృగవో విరురుచుర్వనేషు చిత్రం విభ్వం విశే-విశే ||
త్రీణి శతా త్రీ సహస్రాణ్యగ్నిం త్రిఁశచ్చ దేవా నవ చాసపర్యన్ |
ఔక్షన్ఘృతైరస్తృణన్బర్హిరస్మా ఆదిద్ధోతారం న్యసాదయన్త ||
మూర్ధానం దివో అరతిం పృథివ్యా వైశ్వానరమృత ఆ జాతమగ్నిమ్ |
కవిఁ సమ్రాజమతిథిం జనానామాసన్నా పాత్రం జనయన్త దేవాః ||
అగ్నిర్వృత్రాణి జఙ్ఘనద్ద్రవిణస్యుర్విపన్యయా |
సమిద్ధః శుక్ర ఆహుతః ||
విశ్వేభిః సోమ్యం మధ్వగ్న ఇన్ద్రేణ వాయునా |
పిబా మిత్రస్య ధామభిః ||
ఆ యదిషే నృపతిం తేజ ఆనట్శుచి రేతో నిషిక్తం ద్యౌరభీకే |
అగ్నిః శర్ధమనవద్యం యువానఁ స్వాధ్యం జనయత్సూదయచ్చ ||
అగ్నే శర్ధ మహతే సౌభగాయ తవ ద్యుమ్నాన్యుత్తమాని సన్తు |
సం జాస్పత్యఁ సుయమమా కృణుష్వ శత్రూయతామభి తిష్ఠా మహాఁసి ||
త్వాఁ హి మన్ద్రతమమర్కశోకైర్వవృమహే మహి నః శ్రోష్యగ్నే |
ఇన్ద్రం న త్వా శవసా దేవతా వాయుం పృణన్తి రాధసా నృతమాః ||
త్వే అగ్నే స్వాహుత ప్రియాసః సన్తు సూరయః |
యన్తారో యే మఘవానో జనానామూర్వాన్దయన్త గోనామ్ ||
శ్రుధి శ్రుత్కర్ణ వహ్నిభిర్దేవైరగ్నే సయావభిః |
ఆ సీదన్తు బర్హిషి మిత్రో అర్యమా ప్రాతర్యావాణో అధ్వరమ్ ||
విశ్వేషామదితిర్యజ్ఞియానాం విశ్వేషామతిథిర్మానుషాణామ్ |
అగ్నిర్దేవానామవ ఆవృణానః సుమృడీకో భవతు జాతవేదాః ||
మహో అగ్నేః సమిధానస్య శర్మణ్యనాగా మిత్రే వరుణే స్వస్తయే |
శ్రేష్ఠే స్యామ సవితుః సవీమని తద్దేవానామవో అద్యా వృణీమహే ||
ఆపశ్చిత్పిప్యు స్తర్యో న గావో నక్షన్నృతం జరితారస్త ఇన్ద్ర |
యాహి వాయుర్న నియుతో నో అచ్ఛా త్వఁ హి ధీభిర్దయసే వి వాజాన్ ||
గావ ఉపావతావతం మహీ యజ్ఞస్య రప్సుదా |
ఉభా కర్ణా హిరణ్యయా ||
యదద్య సూర ఉదితే నాగా మిత్రో అర్యమా |
సువాతి సవితా భగః ||
ఆ సుతే సిఞ్చత శ్రియఁ రోదస్యోరభిశ్రియమ్ |
రసా దధీత వృషభమ్ ||
ఆతిష్ఠన్తం పరి విశ్వే అభూషఞ్ఛ్రియో వసానశ్చరతి స్వరోచిః |
మహత్తద్వృష్ణో అసురస్య నామా విశ్వరూపో అమృతాని తస్థౌ ||
ప్ర వో మహే మన్దమానాయాన్ధసో ర్చా విశ్వానరాయ విశ్వాభువే |
ఇన్ద్రస్య యస్య సుమఖఁ సహో మహి శ్రవో నృమ్ణం చ రోదసీ
సపర్యతః ||
బృహన్నిదిధ్మ ఏషాం భూరి శస్తం పృథుః స్వరుః |
యేషామిన్ద్రో యువా సఖా ||
ఇన్ద్రేహి మత్స్యన్ధసో విశ్వేభిః సోమపర్వభిః |
మహాఁ అభిష్టిరోజసా ||
ఇన్ద్రో వృత్రమవృణోచ్ఛర్ధనీతిః ప్ర మాయినామమినాద్వర్పణీతిః |
అహన్వ్యఁసముశధగ్వనేష్వావిర్ధేనా అకృణోద్రామ్యాణామ్ ||
కుతస్త్వమిన్ద్ర మాహినః సన్నేకో యాసి సత్పతే కిం త ఇత్థా |
సం పృచ్ఛసే సమరాణః శుభానైర్వోచేస్తన్నో హరివో యత్తే అస్మే |
మహాఁ ఇన్ద్రో య ఓజసా |
కదా చన స్తరీరసి |
కదా చన ప్ర యుచ్ఛసి ||
ఆ తత్త ఇన్ద్రాయవః పనన్తాభి య ఊర్వం గోమన్తం తితృత్సాన్ |
సకృత్స్వం యే పురుపుత్రాం మహీఁ సహస్రధారాం బృహతీం దుదుక్షన్ ||
ఇమాం తే ధియం ప్ర భరే మహో మహీమస్య స్తోత్రే ధిషణా యత్త ఆనజే |
తముత్సవే చ ప్రసవే చ సాసహిమిన్ద్రం దేవాసః శవసామదన్నను ||
విభ్రాడ్బృహత్పిబతు సోమ్యం మధ్వాయుర్దధద్యజ్ఞపతావవిహ్రుతమ్ |
వాతజూతో యో అభిరక్షతి త్మనా ప్రజాః పుపోష పురుధా వి రాజతి ||
ఉదు త్యం జాతవేదసం దేవం వహన్తి కేతవః |
దృశే విశ్వాయ సూర్యఁ స్వాహా ||
యేనా పావక చక్షసా భురణ్యన్తం జనాఁ అను |
త్వం వరుణ పశ్యసి ||
దైవ్యావధ్వర్యూ ఆ గతఁ రథేన సూర్యత్వచా |
మధ్వా యజ్ఞఁ సమఞ్జాథే |
తం ప్రత్నథా |
అయం వేనః |
చిత్రమ్దేవానామ్ ||
ఆ న ఇడాభిర్విదథే సుశస్తి విశ్వానరః సవితా దేవ ఏతు |
అపి యథా యువానో మత్సథా నో విశ్వం జగదభిపిత్వే మనీషా ||
యదద్య కచ్చ వృత్రహన్నుదగా అభి సూర్య |
సర్వం తదిన్ద్ర తే వశే ||
తరణిర్విశ్వదర్శతో జ్యోతిష్కృదసి సూర్య |
విశ్వమా భాసి రోచనమ్ ||
తత్సూర్యస్య దేవత్వం తన్మహిత్వం మధ్యా కర్తోర్వితతఁ సం జభార |
యదేదయుక్త హరితః సధస్థాదాద్రాత్రీ వాసస్తనుతే సిమస్మై ||
తన్మిత్రస్య వరుణస్యాభిచక్షే సూర్యో రూపం కృణుతే
ద్యోరుపస్థే |
అనన్తమన్యద్రుశదస్య పాజః కృష్ణమన్యద్ధరితః సం భరన్తి ||
బణ్మహాఁ అసి సూర్య బడాదిత్య మహాఁ అసి |
మహస్తే సతో మహిమా పనస్యతే ద్ధా దేవ మహాఁ అసి ||
బట్సూర్య శ్రవసా మహాఁ అసి సత్రా దేవ మహాఁ అసి |
మహ్నా దేవానామసుర్యః పురోహితో విభు జ్యోతిరదాభ్యమ్ ||
శ్రాయన్త ఇవ సూర్యం విశ్వేదిన్ద్రస్య భక్షత |
వసూని జాతే జనమాన ఓజసా ప్రతి భాగం న దీధిమ ||
అద్యా దేవా ఉదితా సూర్యస్య నిరఁహసః పిపృతా నిరవద్యాత్ |
తన్నో మిత్రో వరుణో మామహన్తామదితిః సిన్ధుః పృథివీ ఉత ద్యౌః ||
ఆ కృష్ణేన రజసా వర్తమానో నివేశయన్నమృతం మర్త్యం చ |
హిరణ్యయేన సవితా రథేనా దేవో యాతి భువనాని పశ్యన్ ||
ప్ర వావృజే సుప్రయా బర్హిరేషామా విశ్పతీవ బీరిట ఇయాతే |
విశామక్తోరుషసః పూర్వహూతౌ వాయుః పూషా స్వస్తయే నియుత్వాన్ ||
ఇన్ద్రవాయూ బృహస్పతిం మిత్రాగ్నిం పూషణం భగమ్ |
ఆదిత్యాన్మారుతం గణమ్ ||
వరుణః ప్రావితా భువన్మిత్రో విశ్వాభిరూతిభిః |
కరతాం నః సురాధసః ||
అధి న ఇన్ద్రేషాం విష్ణో సజాత్యానామ్ |
ఇతా మరుతో అశ్వినా |
తం ప్రత్నథా |
అయం వేనః |
యే దేవాసః |
ఆ న ఇడాభిః |
విశ్వేభిః సోమ్యం మధు |
ఓమాసశ్చర్షణీధృతః ||
అగ్న ఇన్ద్ర వరుణ మిత్ర దేవాః శర్ధః ప్ర యన్త మారుతోత విష్ణో |
ఉభా నాసత్యా రుద్రో అధ గ్నాః పూషా భగః సరస్వతీ జుషన్త ||
ఇన్ద్రాగ్నీ మిత్రావరుణాదితిఁ స్వః పృథివీం ద్యాం మరుతః
పర్వతాఁ అపః |
హువే విష్ణుం పూషణం బ్రహ్మణస్పతిం భగం ను శఁసఁ
సవితారమూతయే ||
అస్మే రుద్రా మేహనా పర్వతాసో వృత్రహత్యే భరహూతౌ సజోషాః |
యః శఁసతే స్తువతే ధాయి పజ్ర ఇన్ద్రజ్యేష్ఠా అస్మాఁ అవన్తు దేవాః ||
అర్వాఞ్చో అద్యా భవతా యజత్రా ఆ వో హార్ది భయమానో వ్యయేయమ్ |
త్రాధ్వం నో దేవా నిజురో వృకస్య త్రాధ్వం కర్తాదవపదో
యజత్రాః ||
విశ్వే అద్య మరుతో విశ్వ ఊతీ విశ్వే భవన్త్వగ్నయః సమిద్ధాః |
విశ్వే నో దేవా అవసా గమన్తు విశ్వమస్తు ద్రవిణం వాజో అస్మే ||
విశ్వే దేవాః శృణుతేమఁ హవం మే యే అన్తరిక్షే య ఉప ద్యవి ష్ఠ |
యే అగ్నిజిహ్వా ఉత వా యజత్రా ఆసద్యాస్మిన్బర్హిషి మాదయధ్వమ్ ||
దేవేభ్యో హి ప్రథమం యజ్ఞియేభ్యో మృతత్వఁ సువసి భాగముత్తంఅమ్ |
ఆదిద్దామానఁ సవితర్వ్యూర్ణుషే నూచీనా జీవితా మానుషేభ్యః ||
ప్ర వాయుమచ్ఛా బృహతీ మనీషా బృహద్రయిం విశ్వవారఁ రథప్రామ్ |
ద్యుతద్యామా నియుతః పత్యమానః కవిః కవిమియక్షసి ప్రయజ్యో ||
ఇన్ద్రవాయూ ఇమే సుతా ఉప ప్రయోభిరాగతమ్ |
ఇన్దవో వాముశన్తి హి ||
మిత్రఁ హువే పూతదక్షం వరుణం చ రిశాదసమ్ |
ధియం ఘృతాచీఁ సాధన్తా ||
దస్రా యువాకవః సుతా నాసత్యా వృక్తబర్హిషః |
ఆ యాతఁ రుద్రవర్తనీ |
తం ప్రత్నథా |
అయం వేనః ||
విదద్యదీ సరమా రుగ్ణమద్రేర్మహి పాథః పూర్వ్యఁ సధ్ర్యక్కః |
అగ్రం నయత్సుపద్యక్షరాణామచ్ఛా రవం ప్రథమా జానతీ గాత్ ||
నహి స్పశమవిదన్నన్యమస్మాద్వైశ్వానరాత్పురఏతారమగ్నేః |
ఏమేనమవృధన్నమృతా అమర్త్యం వైశ్వానరం క్షైత్రజిత్యాయ దేవాః ||
ఉగ్రా విఘనినా మృధ ఇన్ద్రాగ్నీ హవామహే |
తా నో మృడాత ఈదృశే ||
ఉపాస్మై గాయతా నరః పవమానాయేన్దవే |
అభి దేవాఁ ఇయక్షతే ||
యే త్వాహిహత్యే మఘవన్నవర్ధన్యే శామ్బరే హరివో యే గవిష్టౌ |
యే త్వా నూనమనుమదన్తి విప్రాః పిబేన్ద్ర సోమఁ సగణో
మరుద్భిః ||
జనిష్ఠా ఉగ్రః సహసే తురాయ మన్ద్ర ఓజిష్ఠో బహులాభిమానః |
అవర్ధన్నిన్ద్రం మరుతశ్చిదత్ర మాతా యద్వీరం దధనద్ధనిష్ఠా ||
ఆ తూ న ఇన్ద్ర వృత్రహన్నస్మాకమర్ధమా గహి |
మహాన్మహీభిరూతిభిః ||
త్వమిన్ద్ర ప్రతూర్తిష్వభి విశ్వా అసి స్పృధః |
అశస్తిహా జనితా విశ్వతూరసి త్వం తూర్య తరుష్యతః ||
అను తే శుష్మం తురయన్తమీయతుః క్షోణీ శిశుం న మాతరా |
విశ్వాస్తే స్పృధః శ్నథయన్త మన్యవే వృత్రం యదిన్ద్ర తూర్వసి ||
యజ్ఞో దేవానాం ప్రత్యేతి సుమ్నమాదిత్యాసో భవతా మృడయన్తః |
ఆ వో ర్వాచీ సుమతిర్వవృత్యాదఁహోశ్చిద్యా వరివోవిత్తరాసత్ ||
అదబ్ధేభిః సవితః పాయుభిష్ట్వఁ శివేభిరద్య పరి పాహి నో గయమ్ |
హిరణ్యజిహ్వః సువితాయ నవ్యసే రక్షా మాకిర్నో అఘశఁస ఈశత ||
ప్ర వీరయా శుచయో దద్రిరే వామధ్వర్యుభిర్మధుమన్తః సుతాసః |
వహ వాయో నియుతో యాహ్యచ్ఛా పిబా సుతస్యాన్ధసో మదాయ ||
గావ ఉపావతావతం మహీ యజ్ఞస్య రప్సుదా |
ఉభా కర్ణా హిరణ్యయా ||
కావ్యయోరాజానేషు క్రత్వా దక్షస్య దురోణే |
రిశాదసా సధస్థ ఆ ||
దైవ్యావధ్వర్యూ ఆ గతఁ రథేన సూర్యత్వచా |
మధ్వా యజ్ఞఁ సమఞ్జాథే |
తం ప్రత్నథా |
అయం వేనః ||
తిరశ్చీనో వితతో రశ్మిరేషామధః స్విదాసీ౩దుపరి స్విదాసీ౩త్ |
రేతోధా ఆసన్మహిమాన ఆసన్త్స్వధా అవస్తాత్ప్రయతిః పరస్తాత్ ||
ఆ రోదసీ అపృణదా స్వర్మహజ్జాతం యదేనమపసో అధారయన్ |
సో అధ్వరాయ పరి ణీయతే కవిరత్యో న వాజసాతయే చనోహితః ||
ఉక్థేభిర్వృత్రహన్తమా యా మన్దానా చిదా గిరా |
ఆఙ్గూషైరావివాసతః ||
ఉప నః సూనవో గిరః శృణ్వన్త్వమృతస్య యే |
సుమృడీకా భవన్తు నః ||
బ్రహ్మాణి మే మతయః శఁ సుతాసః శుష్మ ఇయర్తి ప్రభృతో మే అద్రిః |
ఆ శాసతే ప్రతి హర్యన్త్యుక్థేమా హరీ వహతస్తా నో అచ్ఛ ||
అనుత్తమా తే మఘవన్నకిర్ను న త్వావాఁ అస్తి దేవతా విదానః |
న జాయమానో నశతే న జాతో యాని కరిష్యా కృణుహి ప్రవృద్ధ ||
తదిదాస భువనేషు జ్యేష్ఠం యతో జజ్ఞ ఉగ్రస్త్వేషనృమ్ణః |
సద్యో జజ్ఞానో ని రిణాతి శత్రూనను యం విశ్వే మదన్త్యూమాః ||
ఇమా ఉ త్వా పురూవసో గిరో వర్ధన్తు యా మమ |
పావకవర్ణాః శుచయో విపశ్చితో భి స్తోమైరనూషత ||
యస్యాయం విశ్వ ఆర్యో దాసః శేవధిపా అరిః |
తిరశ్చిదర్యే రుశమే పరీరవి తుభ్యేత్సో అజ్యతే రయిః ||
అయఁ సహస్రమృషిభిః సహస్కృతః సముద్ర ఇవ పప్రథే |
సత్యః సో అస్య మహిమా గృణే శవో యజ్ఞేషు విప్రరాజ్యే ||
అదబ్ధేభిః సవితః పాయుభిష్ట్వఁ శివేభిరద్య పరి పాహి నో గయమ్ |
హిరణ్యజిహ్వః సువితాయ నవ్యసే రక్షా మాకిర్నో అఘశఁస ఈశత ||
ఆ నో యజ్ఞం దివిస్పృశం వాయో యాహి సుమన్మభిః |
అన్తః పవిత్ర ఉపరి శ్రీణానో యఁ శుక్రో అయామి తే ||
ఇన్ద్రవాయూ సుసందృశా సుహవేహ హవామహే |
యథా నః సర్వ ఇజ్జనో నమీవః సంగమే సుమనా అసత్ ||
ఋధగిత్థా స మర్త్యః శశమే దేవతాతయే |
యో నూనం మిత్రావరుణావభిష్టయ ఆచక్రే హవ్యదాతయే ||
ఆ యాతముప భూషతం మధ్వః పిబతమశ్వినా |
దుగ్ధం పయో వృషణా జేన్యావసూ మా నో మర్ధిష్టమా గతమ్ ||
ప్రైతు బ్రహ్మణస్పతిః ప్ర దేవ్యేతు సూనృతా |
అచ్ఛా వీరం నర్యం పఙ్క్తిరాధసం దేవా యజ్ఞం నయన్తు నః ||
చన్ద్రమా అప్స్వన్తరా సుపర్ణో ధావతే దివి |
రయిం పిశంగం బహులం పురుస్పృహఁ హరిరేతి కనిక్రదత్ ||
దేవం-దేవం వో వసే దేవం-దేవమభిష్టయే |
దేవం-దేవఁ హువేమ వాజసాతయే గృణన్తో దేవ్యా ధియా ||
దివి పృష్టో అరోచతాగ్నిర్వైశ్వానరో బృహన్ |
క్ష్మయా వృధాన ఓజసా చనోహితో జ్యోతిషా బాధతే తమః ||
ఇన్ద్రాగ్నీ అపాదియం పూర్వాగాత్పద్వతీభ్యః |
హిత్వీ శిరో జిహ్వయా వావదచ్చరత్త్రిఁశత్పదా న్యక్రమీత్ ||
దేవాసో హి ష్మా మనవే సమన్యవో విశ్వే సాకఁ సరాతయః |
తే నో అద్య తే అపరం తుచే తు నో భవన్తు వరివోవిదః ||
అపాధమదభిశస్తీరశస్తిహాథేన్ద్రో ద్యుమ్న్యాభవత్ |
దేవాస్త ఇన్ద్ర సఖ్యాయ యేమిరే బృహద్భానో మరుద్గణ ||
ప్ర వ ఇన్ద్రాయ బృహతే మరుతో బ్రహ్మార్చత |
వృత్రఁ హనతి వృత్రహా శతక్రతుర్వజ్రేణ శతపర్వణా ||
అస్యేదిన్ద్రో వావృధే వృష్ణ్యఁ శవో మదే సుతస్య విష్ణవి |
అద్యా తమస్య మహిమానమాయవో ను ష్టువన్తి పూర్వథా |
ఇమా ఉ త్వా |
యస్యాయమ్ |
అయఁ సహస్రమ్ |
ఊర్ధ్వ ఊ షు ణః ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |