శుక్ల యజుర్వేదము - అధ్యాయము 32
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 32) | తరువాతి అధ్యాయము→ |
తదేవాగ్నిస్తదాదిత్యస్తద్వాయుస్తదు చన్ద్రమాః |
తదేవ శుక్రం తద్బ్రహ్మ తా ఆపః స ప్రజాపతిః ||
సర్వే నిమేషా జజ్ఞిరే విద్యుతః పురుషాదధి |
నైనమూర్ధ్వం న తిర్యఞ్చం న మధ్యే పరి జగ్రభత్ ||
న తస్య ప్రతిమా అస్తి యస్య నామ మహద్యశః |
హిరణ్యగర్భ ఇత్యేషః |
మా మా హిఁసీదిత్యేషా |
యస్మాన్న జాత ఇత్యేష ||
ఏషో హ దేవః ప్రదిశో ను సర్వాః పూర్వో హ జాతః స ఉ గర్భే అన్తః |
స ఏవ జాతః స జనిష్యమాణః ప్రత్యఙ్జనాస్తిష్థతి సర్వతోముఖః ||
యస్మాజ్జాతం న పురా కిం చనైవ య ఆబభూవ భువనాని విశ్వా |
ప్రజాపతిః ప్రజయా సఁరరాణస్త్రీణి జ్యోతీఁషి సచతే స ఐడశీ ||
యేన ద్యౌరుగ్రా పృథివీ చ దృఢా యేన స్వ స్తభితం యేన నాకః |
యో అన్తరిక్షే రజసో విమానః కస్మై దేవాయ హవిషా విధేమ ||
యం క్రన్దసీ అవసా తస్తభానే అభ్‌ఐక్షేతాం మనసా రేజమానే |
యత్రాధి సూర ఉదితో విభాతి కస్మై దేవాయ హవిషా విధేమ |
ఆపో హ యద్బృహతీః |
యశ్చిదాపః ||
వేనస్తత్పశ్యన్నిహితం గుహా సద్యత్ర విశ్వం భవత్యేకనీడమ్ |
తస్మిన్నిదఁ సం చ వి చైతి సర్వఁ స ఓతః ప్రోతశ్చ విభూః ప్రజాసు ||
ప్ర తద్వోచేదమృతం ను విద్వాన్గన్ధర్వో ధామ విభృతం గుహా సత్ |
త్రీణి పదాని నిహితా గుహాస్య యస్తాని వేద స పితుః పితాసత్ ||
స నో బన్ధుర్జనితా స విధాతా ధామాని వేద భువనాని విశ్వా |
యత్ర దేవా అమృతమానశానాస్తృతీయే ధామన్నధ్‌ఐరయన్త ||
పరీత్య భూతాని పరీత్య లోకాన్పరీత్య సర్వాః ప్రదిశో
దిశశ్చ |
ఉపస్థాయ ప్రథమజామృతస్యాత్మనాత్మానమభి సం వివేశ ||
పరి ద్యావాపృథివీ సద్య ఇత్వా పరి లోకాన్పరి దిశః పరి స్వః |
ఋతస్య తన్తుం వితతం విచృత్య తదపశ్యత్తదభవత్తదాసీత్ ||
సదసస్పతిమద్భుతం ప్రియమిన్ద్రస్య కామ్యమ్ |
సనిం మేధామయాసిషఁమ్స్వాహా ||
యాం మేధాం దేవగణాః పితరశ్చోపాసతే |
తయా మామద్య మేధయాగ్నే మేధావినం కురు స్వాహా ||
మేధాం మే వరుణో దదాతు మేధామగ్నిః ప్రజాపతిః |
మేధామిన్ద్రస్చ వాయుశ్చ మేధాం ధాతా దదాతు మే స్వాహా ||
ఇదం మే బ్రహ్మ చ క్షత్రం చోభే శ్రియమశ్నుతామ్ |
మయి దేవా దధతు శ్రియముత్తమాం తస్యై తే స్వాహా ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |