శుక్ల యజుర్వేదము - అధ్యాయము 12
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 12) | తరువాతి అధ్యాయము→ |
దృశానో రుక్మ ఉర్వ్యా వ్యద్యౌద్దుర్మర్షమాయుః శ్రియే రుచానః |
అగ్నిరమృతో అభవద్వయోభిర్యదేనం ద్యౌర్జనయత్సురేతాః ||
నక్తోషాసా సమనసా విరూపే ధాపయేతే శిశుమేకఁ సమీచీ |
ద్యావాక్షామా రుక్మో అన్తర్వి భాతి దేవా అగ్నిం
ధారయన్ద్రవిణోదాః ||
విశ్వా రూపాణి ప్రతి ముఞ్చతే కవిః ప్రాసావీద్భద్రం ద్విపదే
చతుష్పదే |
వి నాకమఖ్యత్సవితా వరేణ్యో ను ప్రయాణముషసో వి రాజతి ||
సుపర్ణో సి గరుత్మాఁస్త్రివృత్తే శిరో గాయత్రం
చక్షుర్బృహద్రథన్తరే పక్షౌ |
స్తోమ ఆత్మా ఛన్దాఁస్యఙ్గాని యజూఁషి నామ |
సామ తే తనూర్వామదేవ్యం యజ్ఞాయజ్ఞియం పుచ్ఛం ధిష్ణ్యాః శపాః |
సుపర్ణో సి గరుత్మాన్దివం గచ్ఛ స్వః పత ||
విష్ణోః క్రమో సి సపత్నహా గాయత్రం ఛన్ద ఆ రోహ పృథివీమను వి
క్రమస్వ |
విష్ణోః క్రమో స్యభిమాతిహా త్రైష్టుభం ఛన్ద ఆ రోహాన్తరిక్షమను
వి క్రమస్వ |
విష్ణోః క్రమో స్యరాతీయతో హన్తా జాగతం ఛన్ద ఆ రోహ దివమను వి
క్రమస్వ |
విష్ణోః క్రమో సి శత్రూయతో హన్తానుష్టుభం ఛన్ద ఆ రోహ దిశో ను
వి క్రమస్వ ||
అక్రన్దదగ్ని స్తనయన్నివ ద్యౌః క్షామా రేరిహద్వీరుధః
సమఞ్జన్ |
సద్యో జజ్ఞానో వి హీమిద్ధో అఖ్యదా రోదసీ భానునా భాత్యన్తః ||
అగ్నే భ్యావర్తిన్నభి మా ని వర్తస్వాయుషా వర్చసా ప్రజయా ధనేన |
సన్యా మేధయా రయ్యా పోషేణ ||
అగ్నే అఙ్గిరః శతం తే సన్త్వావృతః సహస్రం త ఉపావృతః |
అధా పోషస్య పోషేణ పునర్నో నష్టమా కృధి పునర్నో రయిమా కృధి ||
పునరూర్జా ని వర్తస్వ పునరగ్న ఇషాయుషా |
పునర్నః పాహ్యఁహసః ||
సహ రయ్యా ని వర్తస్వాగ్నే పిన్వస్వ ధారయా |
విశ్వప్స్న్యా విశ్వతస్పరి ||
ఆ త్వాహార్షమన్తరభూర్ధ్రువస్తిష్ఠావిచాచలిః |
విశస్త్వా సర్వా వాఞ్ఛన్తు మా త్వద్రాష్ట్రమధి భ్రశత్ ||
ఉదుత్తమం వరుణ పాశమస్మదవాధమం వి మధ్యమఁ శ్రథాయ |
అథా వయమాదిత్య వ్రతే తవానాగసో అదితయే స్యామ ||
అగ్రే బృహన్నుషసామూర్ధ్వో అస్థాన్నిర్జగన్వాన్తమసో
జ్యోతిషాగాత్ |
అగ్నిర్భానునా రుశతా స్వఙ్గ ఆ జాతో విశ్వా సద్మాన్యప్రాః ||
హఁసః శుచిషద్వసురన్తరిక్షసద్ధోతా వేదిషదతిథిర్దూరోణసత్ |
నృషద్వరసదృతసద్వ్యోమసదబ్జా గోజా ఋతజా అద్రిజా ఋతమ్ |
బృహత్ ||
సీద త్వం మాతురస్యా ఉపస్థే విశ్వాన్యగ్నే వయునాని విద్వాన్ |
మైనాం తపసా మార్చిషాభిశోచీరన్తరస్యాఁ శుక్రజ్యోతిర్వి భాహి ||
అన్తరగ్నే రుచా త్వముఖాయాః సదనే స్వే |
తస్యాస్త్వఁ హరసా తపన్జాతవేదః శివో భవ ||
శివో భూత్వా మహ్యమగ్నే అథో సీద శివస్త్వమ్ |
శివః కృత్వా దిశః సర్వాః స్వం యోనిమిహాసదః ||
దివస్పరి ప్రథమం జజ్ఞే అగ్నిరస్మాద్ద్వితీయం పరి జాతవేదాః |
తృతీయమప్సు నృమణా అజస్రమిన్ధాన ఏనం జరతే స్వాధీః ||
విద్మా తే అగ్నే త్రేధా త్రయాణి విద్మా తే ధామ విభృతా పురుత్రా |
విద్మా తే నామ పరమం గుహా యద్విద్మా తముత్సం యత ఆజగన్థ ||
సముద్రే త్వా నృమణా అప్స్వన్తర్నృచక్షా ఈధే దివో అగ్న ఊధన్ |
తృతీయే త్వా రజసి తస్థివాఁసమపాముపస్థే మహిషా అవర్ధన్ ||
అక్రన్దదగ్ని స్తనయన్నివ ద్యౌః క్షామా రేరిహద్వీరుధః
సమఞ్జన్ |
సద్యో జజ్ఞానో వి హీమిద్ధో అఖ్యదా రోదసీ భానునా భాత్యన్తః ||
శ్రీణాముదారో ధరుణో రయీణాం మనీషాణాం ప్రార్పణః సోమగోపాః |
వసుః సూనుః సహసో అప్సు రాజా వి భాత్యగ్ర ఉషసామిధానః ||
విశ్వస్య కేతుర్భువనస్య గర్భ ఆ రోదసీ అపృణాజ్జాయమానః |
వీడుం చిదద్రిమభినత్పరాయఞ్జనా యదగ్నిమయజన్త పఞ్చ ||
ఉశిక్పావకో అరతిః సుమేధా మర్త్యేష్వగ్నిరమృతో ని ధాయి |
ఇయర్తి ధూమమరుషం భరిభ్రదుచ్ఛుక్రేణ శోచిషా ద్యామినక్షన్ ||
దృశానో రుక్మ ఉర్వ్యా వ్యద్యౌద్దుర్మర్షమాయుః శ్రియే రుచానః |
అగ్నిరమృతో అభవద్వయోభిర్యదేనం ద్యౌర్జనయత్సురేతాః ||
యస్తే అద్య కృణవద్భద్రశోచే పూపం దేవ ఘృతవన్తమగ్నే |
ప్ర తం నయ ప్రతరం వస్యో అచ్ఛాభి సుమ్నం దేవభక్తం యవిష్ఠ ||
ఆ తం భజ సౌశ్రవసేష్వగ్న ఉక్థ-ఉక్థ ఆ భజ శస్యమానే |
ప్రియః సూర్యే ప్రియో అగ్నా భవాత్యుజ్జాతేన భినదదుజ్జనిత్వైః ||
త్వామగ్నే యజమానా అను ద్యూన్విశ్వా వసు దధిరే వార్యాణి |
త్వయా సహ ద్రవిణమిచ్ఛమానా వ్రజం గోమన్తముశిజో వి వవ్రుః ||
అస్తావ్యగ్నిర్నరాఁ సుశేవో వైశ్వానర ఋషిభిః సోమగోపాః |
అద్వేషే ద్యావాపృథివీ హువేమ దేవా ధత్త రయిమస్మే సువీరమ్ ||
సమిధాగ్నిం దువస్యత ఘృతైర్బోధయతాతిథిమ్ |
ఆస్మిన్హవ్యా జుహోతన ||
ఉదు త్వా విశ్వే దేవా అగ్నే భరన్తు చిత్తిభిః |
స నో భవ శివస్త్వఁ సుప్రతీకో విభావసుః ||
ప్రేదగ్నే జ్యోతిష్మాన్యాహి శివేభిరర్చిభిష్ట్వమ్ |
బృహద్భిర్భానుభిర్భాసన్మా హిఁసీస్తన్వా ప్రజాః ||
అక్రన్దదగ్ని స్తనయన్నివ ద్యౌః క్షామా రేరిహద్వీరుధః
సమఞ్జన్ |
సద్యో జజ్ఞానో వి హీమిద్ధో అఖ్యదా రోదసీ భానునా భాత్యన్తః ||
ప్ర-ప్రాయమగ్నిర్భరతస్య శృణ్వే వి యత్సూర్యో న రోచతే బృహద్భాః |
అభి యః పూరుం పృతనాసు తస్థౌ దీదాయ దైవ్యో అతిథిః శివో నః ||
ఆపో దేవీః ప్రతి గృభ్ణీత భస్మైతత్స్యోనే కృణుధ్వఁ సురభా లోకే |
తస్మై నమన్తాం జనయః సుపత్నీర్మాతేవ పుత్రం బిభృతాప్స్వేనత్ ||
అప్స్వగ్నే సధిష్టవ సౌషధీరను రుధ్యసే |
గర్భే సన్జాయసే పునః ||
గర్భో అస్యోషధీనాం గర్భో వనస్పతీనామ్ |
గర్భో విశ్వస్య భూతస్యాగ్నే గర్భో అపామసి ||
ప్రసద్య భస్మనా యోనిమపశ్చ పృథివీమగ్నే |
సఁసృజ్య మాతృభిష్ట్వం జ్యోతిష్మాన్పునరాసదః ||
పునరాసద్య సదనమపశ్చ పృథివీమగ్నే |
శేషే మాతుర్యథోపస్థే న్తరస్యాఁ శివతమః ||
పునరూర్జా నివర్తస్వ పునరగ్న ఇషాయుషా |
పునర్నః పాహ్యఁహసః ||
సహ రయ్యా ని వర్తస్వాగ్నే పిన్వస్వ ధారయా |
విశ్వప్స్న్యా విశ్వతస్పరి ||
బోధా మే అస్య వచసో యవిష్ఠ మఁహిష్ఠస్య ప్రభృతస్య స్వధావః |
పీయతి త్వో అను త్వో గృణాతి వన్దారుష్టే తన్వం వన్దే అగ్నే ||
స బోధి సూరిర్మఘవా వసుపతే వసుదావన్ |
యుయోధ్యస్మద్ద్వేషాఁసి |
విశ్వకర్మణే స్వాహా ||
పునస్త్వాదిత్యా రుద్రా వసవః సమిన్ధతాం పునర్బ్రహ్మాణో వసునీథ
యజ్ఞైః |
ఘృతేన త్వం తన్వం వర్ధయస్వ సత్యాః సన్తు యజమానస్య కామాః ||
అపేత వీత వి చ సర్పతాతో యే త్ర స్థ పురాణా యే చ నూతనాః |
అదాద్యమో వసానం పృథివ్యా అక్రన్నిమం పితరో లోకమస్మై ||
సంజ్ఞానమసి |
కామధరణమ్ |
మయి తే కామధరణం భూయాత్ |
అగ్నేర్భస్మాస్యగ్నేః పురీషమసి |
చిత స్థ పరిచిత ఊర్ధ్వచితః శ్నయధ్వమ్ ||
అయఁ సో అగ్నిర్యస్మిన్త్సోమమిన్ద్రః సుతం దధే జఠరే వావశానః |
సహస్రిణం వాజమత్యం న సప్తిఁ ససవాన్త్సన్త్స్తూయసే జాతవేదః ||
అగ్నే యత్తే దివి వర్చః పృథివ్యాం యదోషధీష్వప్స్వా యజత్ర |
యేనాన్తరిక్షముర్వాతతన్థ త్వేషః స భానురర్ణవో నృచక్షాః ||
అగ్నే దివో అర్ణమచ్ఛా జిగాస్యచ్ఛా దేవాఁ ఊచిషే ధిష్ణ్యా యే |
యా రోచనే పరస్తాత్సూర్యస్య యాశ్చావస్తాదుపతిష్ఠన్త ఆపః ||
పురీష్యాసో అగ్నయః ప్రావణేభిః సజోషసః |
జుషన్తాం యజ్ఞమద్రుహో నమీవా ఇషో మహీః ||
ఇడామగ్నే పురుదఁసఁ సనిం గోః శశ్వత్తమఁ హవమానాయ సాధ |
స్యాన్నః సూనుస్తనయో విజావాగ్నే సా తే సుమతిర్భూత్వస్మే ||
అయం తే యోనిరృత్వియో యతో జాతో అరోచథాః |
తం జానన్నగ్న ఆ రోహాథా నో వర్ధయా రయిమ్ ||
చిదసి తయా దేవతయాఙ్గిరస్వద్ధ్రువా సీద |
పరిచిదసి తయా దేవతయాఙ్గిరస్వద్ధ్రువా సీద ||
లోకం పృణ ఛిద్రం పృణాథో సీద ధ్రువా త్వమ్ |
ఇన్ద్రాగ్నీ త్వా బృహస్పతిరస్మిన్యోనావసీషదన్ ||
తా అస్య సూదదోహసః సోమఁ శ్రీణన్తి పృశ్నయః |
జన్మన్దేవానాం విశస్త్రిష్వా రోచనే దివః ||
ఇన్ద్రం విశ్వా అవీవృధన్త్సముద్రవ్యచసం గిరః |
రథీతమఁ రథీనాం వాజానాఁ సత్పతిం పతిమ్ ||
సమితఁ సం కల్పేథాఁ సమ్ప్రియౌ రోచిష్ణూ సుమనస్యమానౌ |
ఇషమూర్జమభి సంవసానౌ ||
సం వాం మనాఁసి సం వ్రతా సము చిత్తాన్యాకరమ్ |
అగ్నే పురీష్యాధిపా భవ త్వం న ఇషమూర్జం యజమానాయ ధేహి ||
అగ్నే త్వం పురీష్యో రయిమాన్పుష్టిమాఁ అసి |
శివాః కృత్వా దిశః సర్వాః యోనిమిహాసదః ||
భవతం నః సమనసౌ సచేతసావరేపసౌ |
మా యజ్ఞఁ హిఁసిష్టం మా యజ్ఞపతిం జాతవేదసౌ శివౌ భవతమద్య నః ||
మాతేవ పుత్రం పృథివీ పురీష్యమగ్నిఁ స్వే యోనావభారుఖా |
తాం విశ్వైర్దేవైరృతుభిః సంవిదానః ప్రజాపతిర్విశ్వకర్మా వి
ముఞ్చతు ||
అసున్వన్తమయజమానమిచ్ఛ స్తేనస్యేత్యామన్విహి తస్కరస్య |
అన్యమస్మదిచ్ఛ సా త ఇత్యా నమో దేవి నిరృతే తుభ్యమస్తు ||
నమః సు తే నిరృతే తిగ్మతేజో యస్మయం వి చృతా బన్ధమేతమ్ |
యమేన త్వం యమ్యా సంవిదానోత్తమే నాకే అధి రోహయైనమ్ ||
యస్యాస్తే ఘోర ఆసన్జుహోమ్యేషాం బన్ధానామవసర్జనాయ |
యాం త్వా జనో భూమిరితి ప్రమన్దతే నిరృతిం త్వాహం పరి వేద
విశ్వతః ||
యం తే దేవీ నిరృతిరాబబన్ధ పాశం గ్రీవాస్వవిచృత్యమ్ |
తం తే వి ష్యామ్యాయుషో న మధ్యాదథైతం పితుమద్ధి ప్రసూతః |
నమో భూత్యై యేదం చకార ||
నివేశనః సంగమనో వసునాం విశ్వా రూపాభి చష్టే శచీభిః |
దేవ ఇవ సవితా సత్యధర్మేన్ద్రో న తస్థౌ సమరే పథీనామ్ ||
సీరా యుఞ్జన్తి కవయో యుగా వి తన్వతే పృథక్ |
ధీరా దేవేషు సూమ్నయా ||
యునక్త సీరా వి యుగా తనుధ్వం కృతే యోనౌ వపతేహ బీజమ్ |
గిరా చ శ్రుష్టిః సభరా అసన్నో నేదీయ ఇత్సృణ్యః పక్వమేయాత్ ||
శునఁ సు పాలా వి కృషన్తు భూమిఁ శునం కీనాశా అభి యన్తు వాహైః |
శునాసీరా హవిషా తోశమానా సుపిప్పలా ఓషధీః కర్తనాస్మే ||
ఘృతేన సీతా మధునా సమజ్యతాం విశ్వైర్దేవైరనుమతా మరుద్భిః |
ఊర్జస్వతీ పయసా పిన్వమానాస్మాన్త్సీతే పయసాభ్యా వవృత్స్వ ||
లాఙ్గలం పవీరవత్సుశేవఁ సోమపిత్సరు |
తదుద్వపతి గామవిం ప్రపర్వ్యం చ పీవరీం ప్రస్థావద్రథవాహనమ్ ||
కామం కామదుఘే ధుక్ష్వ మిత్రాయ వరుణాయ చ |
ఇన్ద్రాయాశ్విభ్యాం పూష్ణే ప్రజాభ్య ఓషధీభ్యః ||
వి ముచ్యధ్వమఘ్న్యా దేవయానా అగన్మ తమసస్పారమస్య జ్యోతిరాపామ ||
సజూరబ్దో అయవోభిః సజూరుషా అరుణీభిః సజోషసావశ్వినా దఁసోభిః
సజూః సూర ఏతశేన సజూర్వైశ్వానర ఇడయా ఘృతేన స్వాహా ||
యా ఓషధీః పూర్వా జాతా దేవేభ్యస్త్రియుగం పురా |
మనై ను బభ్రూణామహఁ శతం ధామాని సప్త చ ||
శతం వో అమ్బ ధామాని సహస్రముత వో రుహః |
అధా శతక్రత్వో యూయమిమం మే అగదం కృత ||
ఓషధీః ప్రతి మోదధ్వం పుష్పవతీః ప్రసూవరీః |
అశ్వా ఇవ సజిత్వరీర్వీరుధః పారయిష్ణ్వః ||
ఓషధీరితి మాతరస్తద్వో దేవీరుప బ్రువే |
సనేయమశ్వం గాం వాస ఆత్మానం తవ పూరుష ||
అశ్వత్థే వో నిషదనం పర్ణే వో వసతిష్కృతా |
గోభాజ ఇత్కిలాసథ యత్సనవథ పూరుషమ్ ||
యత్రౌషధీః సమగ్మత రాజానః సమితావివ |
విప్రః స ఉచ్యతే భిషగ్రక్షోహామీవచాతనః ||
అశ్వావతీఁ సోమావతీమూర్జయన్తీముదోజసమ్ |
ఆవిత్సి సర్వా ఓషధీరస్మా అరిష్టతాతయే ||
ఉచ్ఛుష్మా ఓషధీనాం గావో గోష్ఠాదివేరతే |
ధనఁ సనిష్యన్తీనామాత్మానం తవ పూరుష ||
ఇష్కృతిర్నామ వో మాతాథో యూయఁ స్థ నిష్కృతీః |
సీరాః పతత్రిణీ స్థన యదామయతి నిష్కృథ ||
అతి విశ్వాః పరిష్ఠా స్తేన ఇవ వ్రజమక్రముః |
ఓషధీః ప్రాచుచ్యవుర్యత్కిం చ తన్వో రపః ||
యదిమా వాజయన్నహమోషధీర్హస్త ఆదధే |
ఆత్మా యక్ష్మస్య నశ్యతి పురా జీవగృభో యథా ||
యస్యౌషధీః ప్రసర్పథాఙ్గమ్-అఙ్గం పరుష్-పరుః |
తతో యక్ష్మం వి బాధధ్వ ఉగ్రో మధ్యమశీరివ ||
సాకం యక్ష్మ ప్రపత చాషేణ కికిదీవినా |
సాకం వాతస్య ధ్రాజ్యా సాకం నశ్య నిహాకయా ||
అన్యా వో అన్యామవత్వన్యాన్యస్యా ఉపావత |
తాః సర్వాః సంవిదానా ఇదం మే ప్రావతా వచః ||
యాః పలినీర్యా అపలా అపుష్పా యాశ్చ పుష్పిణీః |
బృహస్పతిప్రసూతాస్తా నో ముఞ్చన్త్వఁహసః ||
ముఞ్చన్తు మా శపథ్యాదథో వరుణ్యాదుత |
అథో యమస్య పడ్వీశాత్సర్వస్మాద్దేవకిల్విషాత్ ||
అవపతన్తీరవదన్దివ ఓషధయస్పరి |
యం జీవమశ్నవామహై న స రిష్యాతి పూరుషః ||
యా ఓషధీః సోమరాజ్ఞీర్బహ్వీః శతవిచక్షణాః |
తాసామసి త్వముత్తమారం కామాయ శఁ హృదే ||
యా ఓషధీః సోమరాజ్ఞీర్విష్ఠితాః పృథివీమను |
బృహస్పతిప్రసూతా అస్యై సం దత్త వీర్యమ్ ||
యాశ్చేదముపశృణ్వన్తి యాశ్చ దూరం పరాగతాః |
సర్వాః సంగత్య వీరుధో స్యై సం దత్త వీర్యమ్ ||
మా వో రిషత్ఖనితా యస్మై చాహం ఖనామి వః |
ద్విపాచ్చతుష్పాదస్మాకఁ సర్వమస్త్వనాతురమ్ ||
ఓషధయః సమవదన్త సోమేన సహ రాజ్ఞా |
యస్మై కృణోతి బ్రాహ్మణస్తఁ రాజన్పారయామసి ||
నాశయిత్రీ బలాసస్యార్శస ఉపచితామసి |
అథో శతస్య యక్ష్మాణాం పాకారోరసి నాశనీ ||
త్వాం గన్ధర్వా అఖనఁస్త్వామిన్ద్రస్త్వాం బృహస్పతిః |
త్వామోషధే సోమో రాజా విద్వాన్యక్ష్మాదముచ్యత ||
సహస్వ మే అరాతీః సహస్వ పృతనాయతః |
సహస్వ సర్వం పాప్మానఁ సహమానాస్యోషధే ||
దీర్ఘాయుస్త ఓషధే ఖనితా యస్మై చ త్వా ఖనామ్యహమ్ |
అథో త్వం దీర్ఘాయుర్భూత్వా శతవల్శా వి రోహతాత్ ||
త్వముత్తమాస్యోషధే తవ వృక్షా ఉపస్తయః |
ఉపస్తిరస్తు సో స్మాకం యో అస్మాఁ అభిదాసతి ||
మా మా హిఁసీజ్జనితా యః పృథివ్యా యో వా దివఁ సత్యధర్మా వ్యానట్ |
యశ్చాపశ్చన్ద్రాః ప్రథమో జజాన కస్మై దేవాయ హవిషా విధేమ ||
అభ్యా వర్తస్వ పృథివి యజ్ఞేన పయసా సహ |
వపాం తే అగ్నిరిషితో అరోహత్ ||
అగ్నే యత్తే శుక్రం యచ్చన్ద్రం యత్పూతం యచ్చ యజ్ఞియమ్ |
తద్దేవేభ్యో భరామసి ||
ఇషమూర్జమహమిత ఆదమృతస్య యోనిం మహిషస్య ధారామ్ |
ఆ మా గోషు విశత్వా తనూషు జహామి సేదిమనిరామమీవామ్ ||
అగ్నే తవ శ్రవో వయో మహి భ్రాజన్తే అర్చయో విభావసో |
బృహద్భానో శవసా వాజముక్థ్యం దధాసి దాశుషే కవే ||
పావకవర్చాః శుక్రవర్చా అనూనవర్చా ఉదియర్షి భానునా |
పుత్రో మాతరా విచరన్నుపావసి పృణక్షి రోదసీ ఉభే ||
ఊర్జో నపాజ్జాతవేదః సుశస్తిభిర్మన్దస్వ ధీతిభిర్హితః |
త్వే ఇషః సం దధుర్భూరివర్పసశ్చిత్రోతయో వామజాతాః ||
ఇరజ్యన్నగ్నే ప్రథయస్వ జన్తుభిరస్మే రాయో అమర్త్య |
స దర్శతస్య వపుషో వి రాజసి పృణక్షి సానసిం క్రతుమ్ ||
ఇష్కర్తారమధ్వరస్య ప్రచేతసం క్షయన్తఁ రాధసో మహః |
రాతిం వామస్య సుభగాం మహీమిషం దధాసి సానసిఁ రయిమ్ ||
ఋతావానం మహిషం విశ్వదర్శతమగ్నిఁ సుమ్నాయ దధిరే పురో జనాః |
శ్రుత్కర్ణఁ సప్రథస్తమం త్వా గిరా దైవ్యం మానుషా యుగా ||
ఆ ప్యాయస్వ సమేతు తే విశ్వతః సోమ వృష్ణ్యమ్ |
భవా వాజస్య సంగథే ||
సం తే పయాఁసి సము యన్తు వాజాః సం వృష్ణ్యాన్యభిమాతిషాహః |
ఆప్యాయమానో అమృతాయ సోమ దివి శ్రవాఁస్యుత్తమాని ధిష్వ ||
ఆ ప్యాయస్వ మదిన్తమ సోమ విశ్వేభిరఁశుభిః |
భవా నః సుశ్రవస్తమః సఖా వృధే ||
ఆ తే వత్సో మనో యమత్పరమాచ్చిత్సధస్థాత్ |
అగ్నే త్వాంకామయా గిరా ||
తుభ్యం తా అఙ్గిరస్తమ విశ్వాః సుక్షితయః పృథక్ |
అగ్నే కామాయ యేమిరే ||
అగ్నిః ప్రియేషు ధామసు కామో భూతస్య భవ్యస్య |
సమ్రాడేకో వి రాజతి ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |