నా తప్పులన్ని క్షమియించుమీ
అసావేరి రాగం ఆది తాళం
ప: నా తప్పులన్ని క్షమియించుమీ జగ
న్నాథా నీవాడ రక్షింపుమీ || నా తప్పులన్ని ||
అ.ప: పాతకుడని ఎంచక పోషించు
దాత వనుచు నీ పదములె నమ్మితి || నా తప్పులన్ని ||
చ 1: ఈయెడ నానేరము లెంచక హిత
వై తే ద్వేషము లెంచకు మ్రొక్కెద
చేయరాని పనులెన్నో చేసితి
కాయ తీగ కెక్కువ కాదు గదా || నా తప్పులన్ని ||
చ 2: కడుపున బుట్టిన తనయుడు ఎంతో
దుడుకుతనము చేసిన గాని
కొడుకా రమ్మని పిలుచును నూతిలో
పడత్రోయునా తండ్రి ఎవరైన || నా తప్పులన్ని ||
చ 3: దాసుని మనవిని వినుము చక్రధర
వాసవ నుత నన్నేలుకొంటివా
నా స్వామి నమ్మితిని భద్రాద్రి ని
వాసుడ రామదాసు నేలు తండ్రి || నా తప్పులన్ని ||
This work was published before January 1, 1929, and is in the public domain worldwide because the author died at least 100 years ago.