నను బ్రోవమని
కళ్యాణి రాగం త్రిపుట తాళం
ప: ననుబ్రోవమని చెప్పవే సీతమ్మతల్లి || ననుబ్రోవమని ||
చ 1: ననుబ్రోవమని చెప్పవే నారీ శిరోమణి
జనకుని కూతుర జనని జానకమ్మ || ననుబ్రోవమని ||
చ 2: ప్రక్కన చేరుక చెక్కిలి నొక్కుచు
చక్కగ మరుకేళి సొక్కు చుండెడివేళ || ననుబ్రోవమని ||
చ 3: ఏకాంతరంగుడు శ్రీకాంత నినుగూడి
ఏకాంతమున నేక శయ్య నున్నవేళ || ననుబ్రోవమని ||
చ 4: అద్రిజ వినుతుడు భద్రగిరీశుడు
నిద్రమేల్కొనువేళ నెలతరో బోధించి || ననుబ్రోవమని ||
This work was published before January 1, 1929, and is in the public domain worldwide because the author died at least 100 years ago.