రేకు:0322-01 నారాయణి సం: 04-124 శరణాగతి
| పల్లవి : |
అన్నిటి పై నున్నట్లు హరిపై నుండదు మతి
కన్నులఁ బ్రహ్మదువలె కనుఁగొను టరుదా
|
|
| చ. 1: |
పులుగు నర్చించొకఁడు పూఁచెనాగతమెరిగి
వెలసి ఘనుఁడనంటా విఱ్ఱవీఁగీని
జలజాక్షుపాదములు సారె నర్చించేటివారు
ఇలలోనఁ బరమార్థ మెరుఁగుటయరుదా
|
|
| చ. 2: |
మానివోడ నమ్మొకఁడు మహాజలధి దాఁటి
నానార్థములు గూర్చి నటియించీని
శ్రీనాథుపాదములు చేకోనినమ్మినవాఁడు
పూని భవవార్థి దాఁటి పుణ్యమందు టరుదా
|
|
| చ. 3: |
దీపమువట్టి యొకఁడు తెగనిచీఁకటిఁ బాసి
చూపులనిన్నిటిఁ గని సుఖమందీని
చేపట్టి పరంజ్యోతి శ్రీవేంకటేశుభక్తుఁ-
డోపి ముక్తి కడగని వున్నతుఁడౌ టరుదా
|
|
రేకు: 0322-02 గుండక్రియ సం: 04-125 విష్ణు కీర్తనం
| పల్లవి : |
హరి పరతత్వంబగుటకు గురి యిది
నరుల మితఁడే యని నమ్మితిమిదివో
|
|
| చ. 1: |
కవగూడిన భూకాంతుఁ దలఁచిపో
దివి వెలుఁగందిరి దేవతలు
జవమున రఘపతి శరణని మని రిదె
భువి విభీషణాది పుణ్యులు
|
|
| చ. 2: |
శ్రీతరుణీపతి సేవనే చెలఁగిరి
పాతాళాధిపబలిముఖలు
భాతిగా వైకుంఠభక్తినే బ్రదికిరి
ఘాతల ననంత గరుడాదులు
|
|
| చ. 3: |
శ్రీవేంకటపతి చింతనే పొదలిరి
సోవ ముక్తిగల శుకాదులు
వావిరి నీతని వరముల వెలసెను
తోవలఁ బరుష సందోహములు
|
|
రేకు: 0322-03 లలిత సం: 04-126 శరణాగతి
| పల్లవి : |
కావఁగ నీకే పోదు కరుణానిధివిగాన
దేవ నీ బంట్లము మా తెరువేఁటి తెరువు
|
|
| చ. 1: |
బండుబండై వూరఁగల పనులెల్లాఁ జేసేము
యెండాతా నీడౌతా నెఱఁగము
కొండలరాయఁడ మమ్ముఁ గోరి పుట్టించఁగా నీవు
బెండువంటి వారము మా బిగు వేఁటిబిగువు
|
|
| చ. 2: |
దీనుఁడనై యాసలనే దిక్కులెల్లాఁ దిరిగేము
కాని దెందో మంచి దెందో కానము
శ్రీనాథ నీవు మాకు జీవమయి వుండఁగాను
మానువంటి వారము మా మనసేటి మనసు
|
|
| చ. 3: |
బొందితోడఁ బుట్టితిమి భోగించేమేమైనా
యెందుకాతా నేడకౌతా నెఱఁగము
యిందును శ్రీవేంకటేశ యిహముఁ బరము నీవే
చెంది నీ దాసులము మా చేత్ర యేఁటిచేఁత
|
|
రేకు: 0322-04 పాడి సం: 04-127 మాయ
| పల్లవి : |
కామధేనువు దేవకల్పితము భువిలోన
నోముచును భోగించ యుక్తివలెఁ గాని
|
|
| చ. 1: |
తలఁచినట్లనౌ దైవము వ్రాసిన వ్రాఁత
పలికినట్లనౌ పలుమంత్ర జపములు
నిలిపినట్లనౌ నిర్మల చిత్తము కీలు
నెలవునఁ బనిగొన నేర్పువలెఁ గాని
|
|
| చ. 2: |
యిమ్మనినట్ల నిచ్చు నేచినకర్మఫలము
కమ్మన్నట్లనౌ ఘనతపముల శక్తి
తెమ్మనినయట్లఁ దెచ్చు ద్రిష్టము యక్షిణీవిద్య
చిమ్ములను దనకంత చింతవలెఁగాని
|
|
| చ. 3: |
వునిచినట్లనుండు నొక్కడే దేహగుణము
యెనలేని శ్రీవేంకటేశ్వరుమాయ లివి
పెనచిన యిహమేపో బీజము వుద్యోగులకు
తనివి నలమేల్మంగదయ వలెఁగాని
|
|
రేకు: 0322-08 శ్రీరాగం సం: 04-128 వైష్ణవ భక్తి
| పల్లవి : |
గోవింద నీవన్నిటిలోఁ గూడితేఁ జాలుఁగాని
యీవల సంసారమైన యిది ధ్రువపట్టమే
|
|
| చ. 1: |
తలఁపు లోపల నీవు దగ్గరితేనే చాలు
కలలోని కాపురముఁ గైవల్యమే
బెళకు నాలుకకు నీపేరు వచ్చితేఁజాలు
పలికిన వన్నియు పరమవేదములే
|
|
| చ. 2: |
తొడరి నీపూజ చేత దొరకితేనే చాలు
పడుచుల బొమ్మరిండ్లు బ్రహ్మలోకమే
కడలేని నీభక్తి గలిగితేనే చాలు
కడజన్మమయినా నిక్కపు విప్రకులమే
|
|
| చ. 3: |
కాయముపై నీముద్ర గానవచ్చితేనే చాలు
పాయపు రతిసుఖము పరతత్వమే
యేయెడ శ్రీవేంకటేశ యిటు నీకే శరణంటి
పోయిన నా పాపమెల్లాఁ బుణ్యకర్మమే
|
|
రేకు: 0322-06 సామంతం సం:04-129 వైరాగ్య చింత
| పల్లవి : |
దినమట రాతిరట తీరుచున్నదా
కవగూడఁ బాయఁ గాక కాణాచి వున్నదా
|
|
| చ. 1: |
మానుష జన్మమట మలమూత్రదేహమట
సోనల హేయమేకాక శుద్ధి వున్నదా
మానని కోరికలట మాయల సంసారమట
దీనవృత్తేకాక యిందుఁ దేజమున్నదా
|
|
| చ. 2: |
చంచలపుఁ జిత్తమట సకలేంద్రియములట
పొంచిన పాపమేకాక పుణ్యమున్నదా
సంచితపుఁ గర్మమట జనన లయములట
ముంచిన తీదీపేకాక మోదమున్నదా
|
|
| చ. 3: |
శ్రీవేంకటేశుఁడట జీవుఁడనేనట యిందు
దైవపుదాస్యమే కా కితరమున్నదా
యీవల నావలన ట యిహముఁ బరమునట
కైవశము లాయఁగాక కడమున్నదా
|
|
