రేకు: 0318-01 గుండక్రియ సం: 04-102 శరణాగతి
| పల్లవి : |
ఏపను లెవ్వరికిఁగల దెంత యంతేకాని
శ్రీపతియాణాజ్ఞలు మీఁఱగ చింతింపఁగఁ దరమా
|
|
| చ. 1: |
సులభంబున సుఖియించుటఁబోలదు సొంపుగ భిక్షాన్నముతోడ
పలు లంపటములఁబడి ఘడియించేటి బహుధన మిగదియేల
తొలుతే జంతువులను వ్రాసెను తొడఁగి నుదిట బ్రహ్మ
కలది దైవికములఁ గడచెదమని కడుబడలేదరేలో నరులు
|
|
| చ. 2: |
పాపము సేయక మానుటఁ బోలదుపరమశాంతితోను
కోపము మానక బహుపుణ్యంబులు కోట్లు చేసినను
దీపింపఁగ వేదశాస్త్రములు తెలిపెడి యర్థ మిదే
కైపుగ నిది దెలియక జీవులు కడుబడలెదరేలో నరులు
|
|
| చ. 3: |
సహజము జగమున యీపనులెల్లను జరగుచు నుండుట స్వభావము
గహనము ప్రాణులకే పనులను ననఁ గాదన కర్తన్య మింతేది
యిహమేల శ్రీవేంకటేశ్వరు నమ్మిన యీతనిశ రణాగతులు
మహిలోఁజూతురు నవ్వుదు రిటువలె మానరేటికో నరులు
|
|
రేకు:0318-02 భవుళి సం: 04-103 విష్ణు కీర్తనం
| పల్లవి : |
నీకంటే నితరము మరి లేదు నేనెవ్వరితో భాషింతు
యేకో నారాయణుఁడవు నీవని యెన్నచు నున్నవి వేదములు
|
|
| చ. 1: |
యెక్కడచూచిన నీరూపంబులే యెవ్వరిఁజూచినఁ దోఁచిని
వెక్కసముగ నీమహిమ యనంతము విశ్వాత్మకుఁడవుగాన
నిక్కి యెవ్వరిని బేర్కొని పిలిచిన నీనామములై తోఁచీని
వక్కణించఁగా సకలశబ్దములవాచ్యుఁడవటు గాన
|
|
| చ. 2: |
యేపనిచేసిన నీపనులే అవి యివ్వలనవ్వలఁ దోఁచీని
పాపపుణ్యమని తోఁచదు నీవే పరచైతన్యమవటు గాన
దాపుగ మతిలోనేమి దలఁచినా ధ్యానము నీదైతోఁచీని
లోపల వెలుపల నిండుక వుండెది లోకపూర్ణుఁడవు గాన
|
|
| చ. 3: |
యీ యర్థమునకు నేననువాఁడను యెక్కడ నున్నాఁడ నీలోనే
కాయధారినై యేర్పడి నీలోఁగాక చరించితి యిన్నాళ్లు
యీ యపరాధము యెంచకుమీ నను యిందునె పో నీశరణంటి
పాయక నిన్నిఁక శ్రీవేంకటపతి పరబ్రహమవుఅటు గాన
|
|
రేకు: 0318-03 సామంతం సం 04-104 శరణాగతి
| పల్లవి : |
అచ్చుతుడనియెడి నామముగలిగినయట్టి నీవేకాక
కుచ్చి నీకు నేశరణని కొలిచితి గురుతుగఁ గావఁగదే
|
|
| చ. 1: |
అణురూపగుమశకములోపల నణఁగిన నీకంటే
గుణించి యెంచి చూచినను కొంచె మింకనేది
ప్రణుతింపంగ బ్రహ్మండకోట్లు భరియించునీకంటే
గణనకు నెక్కుడు నీవేకాక ఘన మిఁకనేది
|
|
| చ. 2: |
దాకొని జగములు పుట్టించు బ్రహ్మకు తండ్రివి నీవే
కైకొని చదువులఁ దెలిసిచూడ రక్షకులిఁక మరి వేరి
యేకోదకముగ వటపత్రమున యీఁదేటినీకంటే
దీకొనిపలికిన కాలంబుల కొనదేవుఁడు మరివేఁడీ
|
|
| చ. 3: |
శ్రీవేంకటమున వరములొసఁగేటి శ్రీపతి నీకంటే
తావుఁన గన్నులఁ జూడఁగ బ్రత్యక్షదైవము మరివేఁడి
వేవేలకు వైకుంఠవిభుఁడవై వెలిసిన నీకంటే
భావించి చూచిన నంతరంగమునఁ బరోక్షదైవముమరివేఁడీ
|
|
రేకు: 0318-04 దేవగాంధారి సం: 04-105
| పల్లవి : |
హరి నే నిన్నిందులకుఁగా దర్చించి కోరెడిది
గరిమల నాయంతరంగమున నినుఁ గానఁగ నడిగెదను
|
|
| చ. 1: |
మునుపే యీజగమెల్లా నీవు మెలవఁగ బెట్టినది
వెనుకొని నేను నీవాఁడనే యని విన్నవించనేల
నినుపై యీజీవరాసులన్నియు నీరక్షణలోనివి
కనుఁగొని నన్నును రక్షించుమని మరి కమ్మరఁజెప్పఁగనేల
|
|
| చ. 2: |
యిహమునఁగర్మాధీనంబయి సిరులియ్యఁగ నినునింకా
మహిలో నివి యవి నాకు నిమ్మనుచు మరి యడుఁగనేల
సహజపుఁ దల్లియుఁదండ్రియు బంధులు సంతతి నీవై యుండఁగను
విహితముగా నిను నక్కడ నిక్కడ వెదకఁగ మరి యేల
|
|
| చ. 3: |
శ్రీవేంకటపతి వరము లొసంగుచు చేరువ నీవై యుండఁగను
ఆవల నీవల నితరదేవతల యాసలఁ బడనేల
దైవశిఖామణి వాదిమూరితివి తగిన స్వతంత్రుఁడవు
యేవిధులు నేనెఱఁగను నీవే యింతాఁ జుమ్మీదాఁచఁగనేల
|
|
