కొప్పరపు సోదర కవుల కవిత్వము/గుంటూరు సభలు

by కొప్పరపు సోదర కవులు

గుంటూరు సభలు

(ఎ) గుంటూరు సభలో బ్రహ్మశ్రీ బలిజేపల్లి లక్ష్మీకాంతముగారిచేఁ చదువఁ బడిన పద్యములు

సారవిస్తార కవితాప్రశస్తులార!
ప్రధిత దివ్యాశుకవి చక్రవర్తులార!
సోదర కవీంద్రులార! వాక్శూరులార!
భవ్య గుణులార! మీకిదే స్వాగతంబు

దురమున బల్లిదుండరులఁ దోలెడుచో వెనుకంగవేయ న
ట్లురవడిఁ బద్యముల్ పలుకుచుండి పిఱిందికిఁబోక పల్కులన్
బొరపడకుండ గ్రంథశతముల్ వచియించు తెఱంగుభూమిపైఁ
దిరుపతి వేంకటేశకవి ధీరులకున్ మఱి మీకె చెల్లెఁగా.

చెలఁగి కోకోయటంచుఁ గోయిలల జంట
కొసరుచున్ మావిపైనెక్కి కూయునట్లు
కోవిద చయంబు మెచ్చఁ గోకో యటంచుఁ
గవితఁజెప్పేదరౌ మేటి కవుల జంట

ఆరసి కొండవీటికవిహంసలటంచును మీకు మా పురీ
పౌరు లొసంగిరా బిరుద పంక్తికి బైన వతంస శబ్దమున్
గూరిచినన్ భవత్కవితకుం దగదే యేవరెట్టులన్న నే
నారసి కొండవీటికవిహంసవతంసులటంచుఁ బిల్చెదన్

వాదోడై యలవాణి పద్యశతమున్ బల్కింప శ్రీదేవియున్
జేదోడై కనకాభిషేక శుభమున్ జేకూర్ప నానావధా
నాది ప్రక్రియలంది దిగ్విజయ యాత్రారంభ శుంభద్యశః
ప్రాదుర్భావముచేత మించితి రనల్పంబిద్ది సామాన్యమే?

స్థిరతన్ సత్కవి సార్వభౌముఁడగు నా శ్రీనాథుఁడేసీమఁ గా
పురమున్ జేసెనొ యందె మీరు జననంబున్ బొందుటట్లే కవి
త్వ రసజ్ఞత్వముచేత మించు టరయన్ ద్వైరూప భావంబునన్
ధరపై నాతఁడే మీరలై జననమందంబోలు నంచెన్నెదన్

నాటికిన్నేఁడు మనకొండ వీటిసీమ
కడుపుచల్లఁగఁ గన్నదీ కవుల కాన్పు
నాదు కొడుకులె కవులంచు నవ్వు కోన
సీమ పెద్దఱికంబింకఁ జెల్లనీదు

అలరుం దేనియ సోన లుట్టిపడునట్లల్లారు ముద్దారఁగాఁ
బలుకన్నేరిచి బ్రౌఢనిర్భరవయః పాకంబునన్ జాతి వా
ర్తలచే నూత్నచమత్క్రియాకలనచే రాణించు మీకావ్యపుం
జెలికై యువ్విళులూరుచుంద్రు రసిక శ్రేష్ఠుల్ విమోహంబునన్

చేరువనుంటచే బెరటి చెట్టది మందునకేలవచ్చు నం
చూరక లోకమాడుకొనునుక్తియథార్ధము గానిమాటయం
చీరహిఁ జాటినట్లు, జనియించితి రెచ్చట నచ్చటే ప్రశ
స్తోరు యశంబుగాంచితి రహో యిదిదుర్లభ మెంతవారికిన్

సరసకళానిబంధన లసద్రసవాక్కృతిమత్ప్రబంధ బం
ధురసదలంక్రియా నిచయధూర్వహ గీర్వనితా విపంచికా
దర సువికస్వర స్వరవిధాన సుధారసమాధురీ ధురం
ధర బహుళప్రబంధ కవితావనితావినుతావదాత వి
స్ఫురిత భవద్యశఃపటలి పొల్పువహించుత నక్షరస్థితిన్

అరవిరి జాజిపూ సరుల నల్లినరీతిఁ
          దియ్యంపుఁబలుకుఁ బొందిక లమర్చి

గుంటూరు సభలు

(ఎ) గుంటూరు సభలో బ్రహ్మశ్రీ బలిజేపల్లి లక్ష్మీకాంతముగారిచే చదువఁ బడిన పద్యములు

సారవిస్తార కవితాప్రశస్తులార!
ప్రధిత దివ్యాశుకవి చక్రవర్తులార!
సోదర కవీంద్రులార! వాక్శూరులార!
భవ్య గుణులార! మీకిదే స్వాగతంబు

దురమున బల్లిదుండరులఁ దోలెడుచో వెనుకంగవేయన
ట్లురవడిఁ బద్యముల్ పలుకుచుండి పిఱిందికిఁబోక పల్కులన్
బొరపడకుండ గ్రంథశతముల్ వచియించు తెఱంగుభూమిపైఁ
దిరుపతి వేంకటేశకవి ధీరులకున్ మఱి మీకె చెల్లెఁగా.

చెలఁగి కోకోయటంచుఁ గోయిలల జంట
కొసరుచున్ మావిపైనెక్కి కూయునట్లు
కోవిద చయంబు మెచ్చఁ గోకో యటంచుఁ
గవితఁజెప్పెదరౌ మేటి కవుల జంట

ఆరసి కొండవీటికవిహంసలటంచును మీకు మా పురీ
పౌరు లొసంగిరా బిరుద పంక్తికి బైన వతంస శబ్దమున్
గూరిచినన్ భవత్కవితకుం దగదే యేవరెట్టులన్న నే
నారసి కొండవీటికవిహంసవతంసులటంచుఁ బిల్చెదన్

వాదోడై యలవాణి పద్యశతమున్ బల్కింప శ్రీదేవియున్
జేదోడై కనకాభిషేక శుభమున్ జేకూర్ప నానావధా
నాది ప్రక్రియలంది దిగ్విజయ యాత్రారంభ శుంభద్యశః
ప్రాదుర్భావముచేత మించితి రనల్పంబిద్ది సామాన్యమే?

మాయమ్మ సత్కటాక్షము
పాయక మీకందఁజేయుఁ బరమాత్ము దయన్

ఆరయ మీదుకంఠమున నక్కజమయ్యెడి పుష్పహారముల్
సూరిజనంబులీయ నవి సొచ్చెనామీగళమందుఁ జూడలే
వో రసవంతమై వెలయు నుత్పల చంపక మాలికావళుల్
సారముచే మనోజ్ఞగతిఁ జల్లుచు జారుసుగంధ మాసఁగాన్

ఆశుగములౌచు మీనుడు
లాశలఁ బ్రసరించి మించి యలరుట నిజమౌ
నాశక్తి మీకెయున్నదె
పో శంకలిఁకేల మీరు భూ గీర్వాణుల్

వెయ్యేడుల్ దలక్రిందులై తపములన్ బెంపొందం గావించినన్
జయ్యంబేరికి నాదువేగమని నీ స్వాంతంబునందెన్ను దే
మయ్యా మారుత! వీరియక్షర జయంబందంగ లేవింకఁ బో
వయ్యా పుష్పసుగంధచోర! నిను చేనందంగనున్నారు వీ
రయ్యో దేహమునెందొ దాచుకొనవయ్యా యండ్రు గాడ్పున్ జనుల్

ఆయక్షర వస్తువెటో
స్వాయత్తమునయ్యెఁ బరమ హంసలు మీకో
హోయంచు నరులుపొగడ న
మేయంబై మీదుశక్తి మేదిని వెలయున్

కవిరాజులై వీరు భువిని భాసిలిరని
          కవిహంసచిహ్నసంకలితులైరి
భువనంబులందెల్లఁ బొల్పందిరని వీరు
          కవిహంసచిహ్నసంకలితులైరి

వాణీసతినిభక్తి వహియింతురని వీరు
          కవిహంసచిహ్నసంకలితులైరి
సరసుల సన్నిధిఁ జరియింతురని వీరు
          కవిహంసచిహ్నసంకలితులైరి

యనుచు మీనూత్న నామంబు లనుదినంబు
సార్థకంబని తలపోసి సభ్యులకిటఁ
చెప్పి వేడుక పొడమినఁ జిన్నతనపు
సాహసంబొప్పఁ జెప్పితి శంకవీడి

చేతనైనట్లు సల్పితి గీతములను
సీసమిచ్చితి బంగారు చేతలేదు
వెండియునుగొద్ది మాయింట విబుధులార!
రత్నకవి యిచ్చువానిని రహిచెలంగ

మఱియు నుత్పలచంపక మాలికలను
శక్తికొలదిని సమకూర్చి భక్తిదోప
నిడితి బుధులార! గైకొనుండింపుమీర
నేను మీకిచ్చు బహుమతు లివియెసుండి.

సూనృత ప్రియులైన విశుద్ధమతుల కఖిలవిద్యాడ్యులైన మహాత్ములకును
నిష్కళంక చరిత్రులౌ నిపుణులకును
మోదమిడుఁగాత మీ చిన్న పొత్తమెపుడు

గుంటూరు

1911

ఇట్లు,

సి.యల్.నారాయణ ప్రసాద్, బి.ఏ.

(సంకలన కర్త)