ఆ హర్యతాయ ధృష్ణవే ధనుస్ తన్వన్తి పౌంస్యమ్ |
శుక్రాం వయన్త్య్ అసురాయ నిర్ణిజం విపామ్ అగ్రే మహీయువః || 9-099-01
అధ క్షపా పరిష్కృతో వాజాఅభి ప్ర గాహతే |
యదీ వివస్వతో ధియో హరిం హిన్వన్తి యాతవే || 9-099-02
తమ్ అస్య మర్జయామసి మదో య ఇన్ద్రపాతమః |
యం గావ ఆసభిర్ దధుః పురా నూనం చ సూరయః || 9-099-03
తం గాథయా పురాణ్యా పునానమ్ అభ్య్ అనూషత |
ఉతో కృపన్త ధీతయో దేవానాం నామ బిభ్రతీః || 9-099-04
తమ్ ఉక్షమాణమ్ అవ్యయే వారే పునన్తి ధర్ణసిమ్ |
దూతం న పూర్వచిత్తయ ఆ శాసతే మనీషిణః || 9-099-05
స పునానో మదిన్తమః సోమశ్ చమూషు సీదతి |
పశౌ న రేత ఆదధత్ పతిర్ వచస్యతే ధియః || 9-099-06
స మృజ్యతే సుకర్మభిర్ దేవో దేవేభ్యః సుతః |
విదే యద్ ఆసు సందదిర్ మహీర్ అపో వి గాహతే || 9-099-07
సుత ఇన్దో పవిత్ర ఆ నృభిర్ యతో వి నీయసే |
ఇన్ద్రాయ మత్సరిన్తమశ్ చమూష్వ్ ఆ ని షీదసి || 9-099-08
