అగ్నిమ్ అస్తోష్య్ ఋగ్మియమ్ అగ్నిమ్ ఈళా యజధ్యై |
అగ్నిర్ దేవాఅనక్తు న ఉభే హి విదథే కవిర్|
అన్తశ్ చరతి దూత్యం నభన్తామ్ అన్యకే సమే || 8-039-01
న్య్ అగ్నే నవ్యసా వచస్ తనూషు శంసమ్ ఏషామ్ |
న్య్ అరాతీ రరావ్ణాం విశ్వా అర్యో అరాతీర్ |
ఇతో యుచ్ఛన్త్వ్ ఆమురో నభన్తామ్ అన్యకే సమే || 8-039-02
అగ్నే మన్మాని తుభ్యం కం ఘృతం న జుహ్వ ఆసని |
స దేవేషు ప్ర చికిద్ధి త్వం హ్య్ అసి పూర్వ్యః|
శివో దూతో వివస్వతో నభన్తామ్ అన్యకే సమే || 8-039-03
తత్-తద్ అగ్నిర్ వయో దధే యథా-యథా కృపణ్యతి |
ఊర్జాహుతిర్ వసూనాం శం చ యోశ్ చ మయో దధే |
విశ్వస్యై దేవహూత్యై నభన్తామ్ అన్యకే సమే || 8-039-04
స చికేత సహీయసాగ్నిశ్ చిత్రేణ కర్మణా |
స హోతా శశ్వతీనాం దక్షిణాభిర్ అభీవృత|
ఇనోతి చ ప్రతీవ్యం నభన్తామ్ అన్యకే సమే || 8-039-05
అగ్నిర్ జాతా దేవానామ్ అగ్నిర్ వేద మర్తానామ్ అపీచ్యమ్ |
అగ్నిః స ద్రవిణోదా అగ్నిర్ ద్వారా వ్య్ ఊర్ణుతే |
స్వాహుతో నవీయసా నభన్తామ్ అన్యకే సమే || 8-039-06
అగ్నిర్ దేవేషు సంవసుః స విక్షు యజ్ఞియాస్వ్ ఆ |
స ముదా కావ్యా పురు విశ్వమ్ భూమేవ పుష్యతి|
దేవో దేవేషు యజ్ఞియో నభన్తామ్ అన్యకే సమే || 8-039-07
యో అగ్నిః సప్తమానుషః శ్రితో విశ్వేషు సిన్ధుషు |
తమ్ ఆగన్మ త్రిపస్త్యమ్ మన్ధాతుర్ దస్యుహన్తమమ్ |
అగ్నిం యజ్ఞేషు పూర్వ్యం నభన్తామ్ అన్యకే సమే || 8-039-08
అగ్నిస్ త్రీణి త్రిధాతూన్య్ ఆ క్షేతి విదథా కవిః |
స త్రీఏకాదశాఇహ యక్షచ్ చ పిప్రయచ్ చ నో|
విప్రో దూతః పరిష్కృతో నభన్తామ్ అన్యకే సమే || 8-039-09
త్వం నో అగ్న ఆయుషు త్వం దేవేషు పూర్వ్య వస్వ ఏక ఇరజ్యసి |
త్వామ్ ఆపః పరిస్రుతః పరి యన్తి స్వసేతవో నభన్తామ్ అన్యకే సమే || 8-039-10
