అగ్నిం నరో దీధితిభిర్ అరణ్యోర్ హస్తచ్యుతీ జనయన్త ప్రశస్తమ్ |
దూరేదృశం గృహపతిమ్ అథర్యుమ్ || 7-001-01
తమ్ అగ్నిమ్ అస్తే వసవో న్య్ ఋణ్వన్ సుప్రతిచక్షమ్ అవసే కుతశ్ చిత్ |
దక్షాయ్యో యో దమ ఆస నిత్యః || 7-001-02
ప్రేద్ధో అగ్నే దీదిహి పురో నో ऽజస్రయా సూర్మ్యా యవిష్ఠ |
త్వాం శశ్వన్త ఉప యన్తి వాజాః || 7-001-03
ప్ర తే అగ్నయో ऽగ్నిభ్యో వరం నిః సువీరాసః శోశుచన్త ద్యుమన్తః |
యత్రా నరః సమాసతే సుజాతాః || 7-001-04
దా నో అగ్నే ధియా రయిం సువీరం స్వపత్యం సహస్య ప్రశస్తమ్ |
న యం యావా తరతి యాతుమావాన్ || 7-001-05
ఉప యమ్ ఏతి యువతిః సుదక్షం దోషా వస్తోర్ హవిష్మతీ ఘృతాచీ |
ఉప స్వైనమ్ అరమతిర్ వసూయుః || 7-001-06
విశ్వా అగ్నే ऽప దహారాతీర్ యేభిస్ తపోభిర్ అదహో జరూథమ్ |
ప్ర నిస్వరం చాతయస్వామీవామ్ || 7-001-07
ఆ యస్ తే అగ్న ఇధతే అనీకం వసిష్ఠ శుక్ర దీదివః పావక |
ఉతో న ఏభి స్తవథైర్ ఇహ స్యాః || 7-001-08
వి యే తే అగ్నే భేజిరే అనీకమ్ మర్తా నరః పిత్ర్యాసః పురుత్రా |
ఉతో న ఏభిః సుమనా ఇహ స్యాః || 7-001-09
ఇమే నరో వృత్రహత్యేషు శూరా విశ్వా అదేవీర్ అభి సన్తు మాయాః |
యే మే ధియమ్ పనయన్త ప్రశస్తామ్ || 7-001-10
మా శూనే అగ్నే ని షదామ నృణామ్ మాశేషసో ऽవీరతా పరి త్వా |
ప్రజావతీషు దుర్యాసు దుర్య || 7-001-11
యమ్ అశ్వీ నిత్యమ్ ఉపయాతి యజ్ఞమ్ ప్రజావన్తం స్వపత్యం క్షయం నః |
స్వజన్మనా శేషసా వావృధానమ్ || 7-001-12
పాహి నో అగ్నే రక్షసో అజుష్టాత్ పాహి ధూర్తేర్ అరరుషో అఘాయోః |
త్వా యుజా పృతనాయూఅభి ష్యామ్ || 7-001-13
సేద్ అగ్నిర్ అగ్నీఅత్య్ అస్త్వ్ అన్యాన్ యత్ర వాజీ తనయో వీళుపాణిః |
సహస్రపాథా అక్షరా సమేతి || 7-001-14
సేద్ అగ్నిర్ యో వనుష్యతో నిపాతి సమేద్ధారమ్ అంహస ఉరుష్యాత్ |
సుజాతాసః పరి చరన్తి వీరాః || 7-001-15
అయం సో అగ్నిర్ ఆహుతః పురుత్రా యమ్ ఈశానః సమ్ ఇద్ ఇన్ధే హవిష్మాన్ |
పరి యమ్ ఏత్య్ అధ్వరేషు హోతా || 7-001-16
త్వే అగ్న ఆహవనాని భూరీశానాస ఆ జుహుయామ నిత్యా |
ఉభా కృణ్వన్తో వహతూ మియేధే || 7-001-17
ఇమో అగ్నే వీతతమాని హవ్యాజస్రో వక్షి దేవతాతిమ్ అచ్ఛ |
ప్రతి న ఈం సురభీణి వ్యన్తు || 7-001-18
మా నో అగ్నే ऽవీరతే పరా దా దుర్వాససే ऽమతయే మా నో అస్యై |
మా నః క్షుధే మా రక్షస ఋతావో మా నో దమే మా వన ఆ జుహూర్థాః || 7-001-19
నూ మే బ్రహ్మాణ్య్ అగ్న ఉచ్ ఛశాధి త్వం దేవ మఘవద్భ్యః సుషూదః |
రాతౌ స్యామోభయాస ఆ తే యూయమ్ పాత స్వస్తిభిః సదా నః || 7-001-20
త్వమ్ అగ్నే సుహవో రణ్వసందృక్ సుదీతీ సూనో సహసో దిదీహి |
మా త్వే సచా తనయే నిత్య ఆ ధఙ్ మా వీరో అస్మన్ నర్యో వి దాసీత్ || 7-001-21
మా నో అగ్నే దుర్భృతయే సచైషు దేవేద్ధేష్వ్ అగ్నిషు ప్ర వోచః |
మా తే అస్మాన్ దుర్మతయో భృమాచ్ చిద్ దేవస్య సూనో సహసో నశన్త || 7-001-22
స మర్తో అగ్నే స్వనీక రేవాన్ అమర్త్యే య ఆజుహోతి హవ్యమ్ |
స దేవతా వసువనిం దధాతి యం సూరిర్ అర్థీ పృచ్ఛమాన ఏతి || 7-001-23
మహో నో అగ్నే సువితస్య విద్వాన్ రయిం సూరిభ్య ఆ వహా బృహన్తమ్ |
యేన వయం సహసావన్ మదేమావిక్షితాస ఆయుషా సువీరాః || 7-001-24
నూ మే బ్రహ్మాణ్య్ అగ్న ఉచ్ ఛశాధి త్వం దేవ మఘవద్భ్యః సుషూదః |
రాతౌ స్యామోభయాస ఆ తే యూయమ్ పాత స్వస్తిభిః సదా నః || 7-001-25
