యశ్ చికేత స సుక్రతుర్ దేవత్రా స బ్రవీతు నః |
వరుణో యస్య దర్శతో మిత్రో వా వనతే గిరః || 5-065-01
తా హి శ్రేష్ఠవర్చసా రాజానా దీర్ఘశ్రుత్తమా |
తా సత్పతీ ఋతావృధ ఋతావానా జనే-జనే || 5-065-02
తా వామ్ ఇయానో ऽవసే పూర్వా ఉప బ్రువే సచా |
స్వశ్వాసః సు చేతునా వాజాఅభి ప్ర దావనే || 5-065-03
మిత్రో అంహోశ్ చిద్ ఆద్ ఉరు క్షయాయ గాతుం వనతే |
మిత్రస్య హి ప్రతూర్వతః సుమతిర్ అస్తి విధతః || 5-065-04
వయమ్ మిత్రస్యావసి స్యామ సప్రథస్తమే |
అనేహసస్ త్వోతయః సత్రా వరుణశేషసః || 5-065-05
యువమ్ మిత్రేమం జనం యతథః సం చ నయథః |
మా మఘోనః పరి ఖ్యతమ్ మో అస్మాకమ్ ఋషీణాం గోపీథే న ఉరుష్యతమ్ || 5-065-06
