వరుణం వో రిశాదసమ్ ఋచా మిత్రం హవామహే |
పరి వ్రజేవ బాహ్వోర్ జగన్వాంసా స్వర్ణరమ్ || 5-064-01
తా బాహవా సుచేతునా ప్ర యన్తమ్ అస్మా అర్చతే |
శేవం హి జార్యం వాం విశ్వాసు క్షాసు జోగువే || 5-064-02
యన్ నూనమ్ అశ్యాం గతిమ్ మిత్రస్య యాయామ్ పథా |
అస్య ప్రియస్య శర్మణ్య్ అహింసానస్య సశ్చిరే || 5-064-03
యువాభ్యామ్ మిత్రావరుణోపమం ధేయామ్ ఋచా |
యద్ ధ క్షయే మఘోనాం స్తోతౄణాం చ స్పూర్ధసే || 5-064-04
ఆ నో మిత్ర సుదీతిభిర్ వరుణశ్ చ సధస్థ ఆ |
స్వే క్షయే మఘోనాం సఖీనాం చ వృధసే || 5-064-05
యువం నో యేషు వరుణ క్షత్రమ్ బృహచ్ చ బిభృథః |
ఉరు ణో వాజసాతయే కృతం రాయే స్వస్తయే || 5-064-06
ఉచ్ఛన్త్యామ్ మే యజతా దేవక్షత్రే రుశద్గవి |
సుతం సోమం న హస్తిభిర్ ఆ పడ్భిర్ ధావతం నరా బిభ్రతావ్ అర్చనానసమ్ || 5-064-07
