సమిద్ధో అగ్నిర్ దివి శోచిర్ అశ్రేత్ ప్రత్యఙ్ఙ్ ఉషసమ్ ఉర్వియా వి భాతి |
ఏతి ప్రాచీ విశ్వవారా నమోభిర్ దేవాఈళానా హవిషా ఘృతాచీ || 5-028-01
సమిధ్యమానో అమృతస్య రాజసి హవిష్ కృణ్వన్తం సచసే స్వస్తయే |
విశ్వం స ధత్తే ద్రవిణం యమ్ ఇన్వస్య్ ఆతిథ్యమ్ అగ్నే ని చ ధత్త ఇత్ పురః || 5-028-02
అగ్నే శర్ధ మహతే సౌభగాయ తవ ద్యుమ్నాన్య్ ఉత్తమాని సన్తు |
సం జాస్పత్యం సుయమమ్ ఆ కృణుష్వ శత్రూయతామ్ అభి తిష్ఠా మహాంసి || 5-028-03
సమిద్ధస్య ప్రమహసో ऽగ్నే వన్దే తవ శ్రియమ్ |
వృషభో ద్యుమ్నవాఅసి సమ్ అధ్వరేష్వ్ ఇధ్యసే || 5-028-04
సమిద్ధో అగ్న ఆహుత దేవాన్ యక్షి స్వధ్వర |
త్వం హి హవ్యవాళ్ అసి || 5-028-05
ఆ జుహోతా దువస్యతాగ్నిమ్ ప్రయత్య్ అధ్వరే |
వృణీధ్వం హవ్యవాహనమ్ || 5-028-06
