అనస్వన్తా సత్పతిర్ మామహే మే గావా చేతిష్ఠో అసురో మఘోనః |
త్రైవృష్ణో అగ్నే దశభిః సహస్రైర్ వైశ్వానర త్ర్యరుణశ్ చికేత || 5-027-01
యో మే శతా చ వింశతిం చ గోనాం హరీ చ యుక్తా సుధురా దదాతి |
వైశ్వానర సుష్టుతో వావృధానో ऽగ్నే యచ్ఛ త్ర్యరుణాయ శర్మ || 5-027-02
ఏవా తే అగ్నే సుమతిం చకానో నవిష్ఠాయ నవమం త్రసదస్యుః |
యో మే గిరస్ తువిజాతస్య పూర్వీర్ యుక్తేనాభి త్ర్యరుణో గృణాతి || 5-027-03
యో మ ఇతి ప్రవోచత్య్ అశ్వమేధాయ సూరయే |
దదద్ ఋచా సనిం యతే దదన్ మేధామ్ ఋతాయతే || 5-027-04
యస్య మా పరుషాః శతమ్ ఉద్ధర్షయన్త్య్ ఉక్షణః |
అశ్వమేధస్య దానాః సోమా ఇవ త్ర్యాశిరః || 5-027-05
ఇన్ద్రాగ్నీ శతదావ్న్య్ అశ్వమేధే సువీర్యమ్ |
క్షత్రం ధారయతమ్ బృహద్ దివి సూర్యమ్ ఇవాజరమ్ || 5-027-06
