నిర్మథితః సుధిత ఆ సధస్థే యువా కవిర్ అధ్వరస్య ప్రణేతా |
జూర్యత్స్వ్ అగ్నిర్ అజరో వనేష్వ్ అత్రా దధే అమృతం జాతవేదాః || 3-023-01
అమన్థిష్టామ్ భారతా రేవద్ అగ్నిం దేవశ్రవా దేవవాతః సుదక్షమ్ |
అగ్నే వి పశ్య బృహతాభి రాయేషాం నో నేతా భవతాద్ అను ద్యూన్ || 3-023-02
దశ క్షిపః పూర్వ్యం సీమ్ అజీజనన్ సుజాతమ్ మాతృషు ప్రియమ్ |
అగ్నిం స్తుహి దైవవాతం దేవశ్రవో యో జనానామ్ అసద్ వశీ || 3-023-03
ని త్వా దధే వర ఆ పృథివ్యా ఇళాయాస్ పదే సుదినత్వే అహ్నామ్ |
దృషద్వత్యామ్ మానుష ఆపయాయాం సరస్వత్యాం రేవద్ అగ్నే దిదీహి || 3-023-04
ఇళామ్ అగ్నే పురుదంసం సనిం గోః శశ్వత్తమం హవమానాయ సాధ |
స్యాన్ నః సూనుస్ తనయో విజావాగ్నే సా తే సుమతిర్ భూత్వ్ అస్మే || 3-023-05
