అయం సో అగ్నిర్ యస్మిన్ సోమమ్ ఇన్ద్రః సుతం దధే జఠరే వావశానః |
సహస్రిణం వాజమ్ అత్యం న సప్తిం ససవాన్ సన్ స్తూయసే జాతవేదః || 3-022-01
అగ్నే యత్ తే దివి వర్చః పృథివ్యాం యద్ ఓషధీష్వ్ అప్స్వ్ ఆ యజత్ర |
యేనాన్తరిక్షమ్ ఉర్వ్ ఆతతన్థ త్వేషః స భానుర్ అర్ణవో నృచక్షాః || 3-022-02
అగ్నే దివో అర్ణమ్ అచ్ఛా జిగాస్య్ అచ్ఛా దేవాఊచిషే ధిష్ణ్యా యే |
యా రోచనే పరస్తాత్ సూర్యస్య యాశ్ చావస్తాద్ ఉపతిష్ఠన్త ఆపః || 3-022-03
పురీష్యాసో అగ్నయః ప్రావణేభిః సజోషసః |
జుషన్తాం యజ్ఞమ్ అద్రుహో ऽనమీవా ఇషో మహీః || 3-022-04
ఇళామ్ అగ్నే పురుదంసం సనిం గోః శశ్వత్తమం హవమానాయ సాధ |
స్యాన్ నః సూనుస్ తనయో విజావాగ్నే సా తే సుమతిర్ భూత్వ్ అస్మే || 3-022-05
