ప్రత్వక్షసః ప్రతవసో విరప్శినో ऽనానతా అవిథురా ఋజీషిణః |
జుష్టతమాసో నృతమాసో అఞ్జిభిర్ వ్య్ ఆనజ్రే కే చిద్ ఉస్రా ఇవ స్తృభిః || 1-087-01
ఉపహ్వరేషు యద్ అచిధ్వం యయిం వయ ఇవ మరుతః కేన చిత్ పథా |
శ్చోతన్తి కోశా ఉప వో రథేష్వ్ ఆ ఘృతమ్ ఉక్షతా మధువర్ణమ్ అర్చతే || 1-087-02
ప్రైషామ్ అజ్మేషు విథురేవ రేజతే భూమిర్ యామేషు యద్ ధ యుఞ్జతే శుభే |
తే క్రీళయో ధునయో భ్రాజదృష్టయః స్వయమ్ మహిత్వమ్ పనయన్త ధూతయః || 1-087-03
స హి స్వసృత్ పృషదశ్వో యువా గణో ऽయా ఈశానస్ తవిషీభిర్ ఆవృతః |
అసి సత్య ఋణయావానేద్యో ऽస్యా ధియః ప్రావితాథా వృషా గణః || 1-087-04
పితుః ప్రత్నస్య జన్మనా వదామసి సోమస్య జిహ్వా ప్ర జిగాతి చక్షసా |
యద్ ఈమ్ ఇన్ద్రం శమ్య్ ఋక్వాణ ఆశతాద్ ఇన్ నామాని యజ్ఞియాని దధిరే || 1-087-05
శ్రియసే కమ్ భానుభిః సమ్ మిమిక్షిరే తే రశ్మిభిస్ త ఋక్వభిః సుఖాదయః |
తే వాశీమన్త ఇష్మిణో అభీరవో విద్రే ప్రియస్య మారుతస్య ధామ్నః || 1-087-06
