కయా శుభా సవయసః సనీళాః సమాన్యా మరుతః సమ్ మిమిక్షుః |
కయా మతీ కుత ఏతాస ఏతే ऽర్చన్తి శుష్మం వృషణో వసూయా || 1-165-01
కస్య బ్రహ్మాణి జుజుషుర్ యువానః కో అధ్వరే మరుత ఆ వవర్త |
శ్యేనాఇవ ధ్రజతో అన్తరిక్షే కేన మహా మనసా రీరమామ || 1-165-02
కుతస్ త్వమ్ ఇన్ద్ర మాహినః సన్న్ ఏకో యాసి సత్పతే కిం త ఇత్థా |
సమ్ పృచ్ఛసే సమరాణః శుభానైర్ వోచేస్ తన్ నో హరివో యత్ తే అస్మే || 1-165-03
బ్రహ్మాణి మే మతయః శం సుతాసః శుష్మ ఇయర్తి ప్రభృతో మే అద్రిః |
ఆ శాసతే ప్రతి హర్యన్త్య్ ఉక్థేమా హరీ వహతస్ తా నో అచ్ఛ || 1-165-04
అతో వయమ్ అన్తమేభిర్ యుజానాః స్వక్షత్రేభిస్ తన్వః శుమ్భమానాః |
మహోభిర్ ఏతాఉప యుజ్మహే న్వ్ ఇన్ద్ర స్వధామ్ అను హి నో బభూథ || 1-165-05
క్వ స్యా వో మరుతః స్వధాసీద్ యన్ మామ్ ఏకం సమధత్తాహిహత్యే |
అహం హ్య్ ఊగ్రస్ తవిషస్ తువిష్మాన్ విశ్వస్య శత్రోర్ అనమం వధస్నైః || 1-165-06
భూరి చకర్థ యుజ్యేభిర్ అస్మే సమానేభిర్ వృషభ పౌంస్యేభిః |
భూరీణి హి కృణవామా శవిష్ఠేన్ద్ర క్రత్వా మరుతో యద్ వశామ || 1-165-07
వధీం వృత్రమ్ మరుత ఇన్ద్రియేణ స్వేన భామేన తవిషో బభూవాన్ |
అహమ్ ఏతా మనవే విశ్వశ్చన్ద్రాః సుగా అపశ్ చకర వజ్రబాహుః || 1-165-08
అనుత్తమ్ ఆ తే మఘవన్ నకిర్ ను న త్వావాఅస్తి దేవతా విదానః |
న జాయమానో నశతే న జాతో యాని కరిష్యా కృణుహి ప్రవృద్ధ || 1-165-09
ఏకస్య చిన్ మే విభ్వ్ అస్త్వ్ ఓజో యా ను దధృష్వాన్ కృణవై మనీషా |
అహం హ్య్ ఊగ్రో మరుతో విదానో యాని చ్యవమ్ ఇన్ద్ర ఇద్ ఈశ ఏషామ్ || 1-165-10
అమన్దన్ మా మరుత స్తోమో అత్ర యన్ మే నరః శ్రుత్యమ్ బ్రహ్మ చక్ర |
ఇన్ద్రాయ వృష్ణే సుమఖాయ మహ్యం సఖ్యే సఖాయస్ తన్వే తనూభిః || 1-165-11
ఏవేద్ ఏతే ప్రతి మా రోచమానా అనేద్యః శ్రవ ఏషో దధానాః |
సంచక్ష్యా మరుతశ్ చన్ద్రవర్ణా అచ్ఛాన్త మే ఛదయాథా చ నూనమ్ || 1-165-12
కో న్వ్ అత్ర మరుతో మామహే వః ప్ర యాతన సఖీఅచ్ఛా సఖాయః |
మన్మాని చిత్రా అపివాతయన్త ఏషామ్ భూత నవేదా మ ఋతానామ్ || 1-165-13
ఆ యద్ దువస్యాద్ దువసే న కారుర్ అస్మాఞ్ చక్రే మాన్యస్య మేధా |
ఓ షు వర్త్త మరుతో విప్రమ్ అచ్ఛేమా బ్రహ్మాణి జరితా వో అర్చత్ || 1-165-14
ఏష వ స్తోమో మరుత ఇయం గీర్ మాన్దార్యస్య మాన్యస్య కారోః |
ఏషా యాసీష్ట తన్వే వయాం విద్యామేషం వృజనం జీరదానుమ్ || 1-165-15
