కిమ్ ఉ శ్రేష్ఠః కిం యవిష్ఠో న ఆజగన్ కిమ్ ఈయతే దూత్యం కద్ యద్ ఊచిమ |
న నిన్దిమ చమసం యో మహాకులో ऽగ్నే భ్రాతర్ ద్రుణ ఇద్ భూతిమ్ ఊదిమ || 1-161-01
ఏకం చమసం చతురః కృణోతన తద్ వో దేవా అబ్రువన్ తద్ వ ఆగమమ్ |
సౌధన్వనా యద్య్ ఏవా కరిష్యథ సాకం దేవైర్ యజ్ఞియాసో భవిష్యథ || 1-161-02
అగ్నిం దూతమ్ ప్రతి యద్ అబ్రవీతనాశ్వః కర్త్వో రథ ఉతేహ కర్త్వః |
ధేనుః కర్త్వా యువశా కర్త్వా ద్వా తాని భ్రాతర్ అను వః కృత్వ్య్ ఏమసి || 1-161-03
చకృవాంస ఋభవస్ తద్ అపృచ్ఛత క్వేద్ అభూద్ యః స్య దూతో న ఆజగన్ |
యదావాఖ్యచ్ చమసాఞ్ చతురః కృతాన్ ఆద్ ఇత్ త్వష్టా గ్నాస్వ్ అన్తర్ న్య్ ఆనజే || 1-161-04
హనామైనాఇతి త్వష్టా యద్ అబ్రవీచ్ చమసం యే దేవపానమ్ అనిన్దిషుః |
అన్యా నామాని కృణ్వతే సుతే సచాఅన్యైర్ ఏనాన్ కన్యా నామభి స్పరత్ || 1-161-05
ఇన్ద్రో హరీ యుయుజే అశ్వినా రథమ్ బృహస్పతిర్ విశ్వరూపామ్ ఉపాజత |
ఋభుర్ విభ్వా వాజో దేవాఅగచ్ఛత స్వపసో యజ్ఞియమ్ భాగమ్ ఐతన || 1-161-06
నిశ్ చర్మణో గామ్ అరిణీత ధీతిభిర్ యా జరన్తా యువశా తాకృణోతన |
సౌధన్వనా అశ్వాద్ అశ్వమ్ అతక్షత యుక్త్వా రథమ్ ఉప దేవాఅయాతన || 1-161-07
ఇదమ్ ఉదకమ్ పిబతేత్య్ అబ్రవీతనేదం వా ఘా పిబతా ముఞ్జనేజనమ్ |
సౌధన్వనా యది తన్ నేవ హర్యథ తృతీయే ఘా సవనే మాదయాధ్వై || 1-161-08
ఆపో భూయిష్ఠా ఇత్య్ ఏకో అబ్రవీద్ అగ్నిర్ భూయిష్ఠ ఇత్య్ అన్యో అబ్రవీత్ |
వధర్యన్తీమ్ బహుభ్యః ప్రైకో అబ్రవీద్ ఋతా వదన్తశ్ చమసాఅపింశత || 1-161-09
శ్రోణామ్ ఏక ఉదకం గామ్ అవాజతి మాంసమ్ ఏకః పింశతి సూనయాభృతమ్ |
ఆ నిమ్రుచః శకృద్ ఏకో అపాభరత్ కిం స్విత్ పుత్రేభ్యః పితరా ఉపావతుః || 1-161-10
ఉద్వత్స్వ్ అస్మా అకృణోతనా తృణం నివత్స్వ్ అపః స్వపస్యయా నరః |
అగోహ్యస్య యద్ అసస్తనా గృహే తద్ అద్యేదమ్ ఋభవో నాను గచ్ఛథ || 1-161-11
సమ్మీల్య యద్ భువనా పర్యసర్పత క్వ స్విత్ తాత్యా పితరా వ ఆసతుః |
అశపత యః కరస్నం వ ఆదదే యః ప్రాబ్రవీత్ ప్రో తస్మా అబ్రవీతన || 1-161-12
సుషుప్వాంస ఋభవస్ తద్ అపృచ్ఛతాగోహ్య క ఇదం నో అబూబుధత్ |
శ్వానమ్ బస్తో బోధయితారమ్ అబ్రవీత్ సంవత్సర ఇదమ్ అద్యా వ్య్ అఖ్యత || 1-161-13
దివా యాన్తి మరుతో భూమ్యాగ్నిర్ అయం వాతో అన్తరిక్షేణ యాతి |
అద్భిర్ యాతి వరుణః సముద్రైర్ యుష్మాఇచ్ఛన్తః శవసో నపాతః || 1-161-14
