ప్ర ద్యావా యజ్ఞైః పృథివీ ఋతావృధా మహీ స్తుషే విదథేషు ప్రచేతసా |
దేవేభిర్ యే దేవపుత్రే సుదంససేత్థా ధియా వార్యాణి ప్రభూషతః || 1-159-01
ఉత మన్యే పితుర్ అద్రుహో మనో మాతుర్ మహి స్వతవస్ తద్ ధవీమభిః |
సురేతసా పితరా భూమ చక్రతుర్ ఉరు ప్రజాయా అమృతం వరీమభిః || 1-159-02
తే సూనవః స్వపసః సుదంససో మహీ జజ్ఞుర్ మాతరా పూర్వచిత్తయే |
స్థాతుశ్ చ సత్యం జగతశ్ చ ధర్మణి పుత్రస్య పాథః పదమ్ అద్వయావినః || 1-159-03
తే మాయినో మమిరే సుప్రచేతసో జామీ సయోనీ మిథునా సమోకసా |
నవ్యం-నవ్యం తన్తుమ్ ఆ తన్వతే దివి సముద్రే అన్తః కవయః సుదీతయః || 1-159-04
తద్ రాధో అద్య సవితుర్ వరేణ్యం వయం దేవస్య ప్రసవే మనామహే |
అస్మభ్యం ద్యావాపృథివీ సుచేతునా రయిం ధత్తం వసుమన్తం శతగ్వినమ్ || 1-159-05
