య ఇన్ద్రాగ్నీ చిత్రతమో రథో వామ్ అభి విశ్వాని భువనాని చష్టే |
తేనా యాతం సరథం తస్థివాంసాథా సోమస్య పిబతం సుతస్య || 1-108-01
యావద్ ఇదమ్ భువనం విశ్వమ్ అస్త్య్ ఉరువ్యచా వరిమతా గభీరమ్ |
తావాఅయమ్ పాతవే సోమో అస్త్వ్ అరమ్ ఇన్ద్రాగ్నీ మనసే యువభ్యామ్ || 1-108-02
చక్రాథే హి సధ్ర్యఙ్ నామ భద్రం సధ్రీచీనా వృత్రహణా ఉత స్థః |
తావ్ ఇన్ద్రాగ్నీ సధ్ర్యఞ్చా నిషద్యా వృష్ణః సోమస్య వృషణా వృషేథామ్ || 1-108-03
సమిద్ధేష్వ్ అగ్నిష్వ్ ఆనజానా యతస్రుచా బర్హిర్ ఉ తిస్తిరాణా |
తీవ్రైః సోమైః పరిషిక్తేభిర్ అర్వాగ్ ఏన్ద్రాగ్నీ సౌమనసాయ యాతమ్ || 1-108-04
యానీన్ద్రాగ్నీ చక్రథుర్ వీర్యాణి యాని రూపాణ్య్ ఉత వృష్ణ్యాని |
యా వామ్ ప్రత్నాని సఖ్యా శివాని తేభిః సోమస్య పిబతం సుతస్య || 1-108-05
యద్ అబ్రవమ్ ప్రథమం వాం వృణానో ऽయం సోమో అసురైర్ నో విహవ్యః |
తాం సత్యాం శ్రద్ధామ్ అభ్య్ ఆ హి యాతమ్ అథా సోమస్య పిబతం సుతస్య || 1-108-06
యద్ ఇన్ద్రాగ్నీ మదథః స్వే దురోణే యద్ బ్రహ్మణి రాజని వా యజత్రా |
అతః పరి వృషణావ్ ఆ హి యాతమ్ అథా సోమస్య పిబతం సుతస్య || 1-108-07
యద్ ఇన్ద్రాగ్నీ యదుషు తుర్వశేషు యద్ ద్రుహ్యుష్వ్ అనుషు పూరుషు స్థః |
అతః పరి వృషణావ్ ఆ హి యాతమ్ అథా సోమస్య పిబతం సుతస్య || 1-108-08
యద్ ఇన్ద్రాగ్నీ అవమస్యామ్ పృథివ్యామ్ మధ్యమస్యామ్ పరమస్యామ్ ఉత స్థః |
అతః పరి వృషణావ్ ఆ హి యాతమ్ అథా సోమస్య పిబతం సుతస్య || 1-108-09
యద్ ఇన్ద్రాగ్నీ పరమస్యామ్ పృథివ్యామ్ మధ్యమస్యామ్ అవమస్యామ్ ఉత స్థః |
అతః పరి వృషణావ్ ఆ హి యాతమ్ అథా సోమస్య పిబతం సుతస్య || 1-108-10
యద్ ఇన్ద్రాగ్నీ దివి ష్ఠో యత్ పృథివ్యాం యత్ పర్వతేష్వ్ ఓషధీష్వ్ అప్సు |
అతః పరి వృషణావ్ ఆ హి యాతమ్ అథా సోమస్య పిబతం సుతస్య || 1-108-11
యద్ ఇన్ద్రాగ్నీ ఉదితా సూర్యస్య మధ్యే దివః స్వధయా మాదయేథే |
అతః పరి వృషణావ్ ఆ హి యాతమ్ అథా సోమస్య పిబతం సుతస్య || 1-108-12
ఏవేన్ద్రాగ్నీ పపివాంసా సుతస్య విశ్వాస్మభ్యం సం జయతం ధనాని |
తన్ నో మిత్రో వరుణో మామహన్తామ్ అదితిః సిన్ధుః పృథివీ ఉత ద్యౌః || 1-108-13
