అస్మిన్ న ఇన్ద్ర పృత్సుతౌ యశస్వతి శిమీవతి క్రన్దసి ప్రావ సాతయే |
యత్ర గోషాతా ధృషితేషు ఖాదిషు విష్వక్ పతన్తి దిద్యవో నృషాహ్యే || 10-038-01
స నః క్షుమన్తం సదనే వ్య్ ఊర్ణుహి గోర్ణసం రయిమ్ ఇన్ద్ర శ్రవాయ్యమ్ |
స్యామ తే జయతః శక్ర మేదినో యథా వయమ్ ఉశ్మసి తద్ వసో కృధి || 10-038-02
యో నో దాస ఆర్యో వా పురుష్టుతాదేవ ఇన్ద్ర యుధయే చికేతతి |
అస్మాభిష్ టే సుషహాః సన్తు శత్రవస్ త్వయా వయం తాన్ వనుయామ సంగమే || 10-038-03
యో దభ్రేభిర్ హవ్యో యశ్ చ భూరిభిర్ యో అభీకే వరివోవిన్ నృషాహ్యే |
తం విఖాదే సస్నిమ్ అద్య శ్రుతం నరమ్ అర్వాఞ్చమ్ ఇన్ద్రమ్ అవసే కరామహే || 10-038-04
స్వవృజం హి త్వామ్ అహమ్ ఇన్ద్ర శుశ్రవానానుదం వృషభ రధ్రచోదనమ్ |
ప్ర ముఞ్చస్వ పరి కుత్సాద్ ఇహా గహి కిమ్ ఉ త్వావాన్ ముష్కయోర్ బద్ధ ఆసతే || 10-038-05
