ప్ర హ్య్ అచ్ఛా మనీషా స్పార్హా యన్తి నియుతః |
ప్ర దస్రా నియుద్రథః పూషా అవిష్టు మాహినః || 10-026-01
యస్య త్యన్ మహిత్వం వాతాప్యమ్ అయం జనః |
విప్ర ఆ వంసద్ ధీతిభిశ్ చికేత సుష్టుతీనామ్ || 10-026-02
స వేద సుష్టుతీనామ్ ఇన్దుర్ న పూషా వృషా |
అభి ప్సురః ప్రుషాయతి వ్రజం న ఆ ప్రుషాయతి || 10-026-03
మంసీమహి త్వా వయమ్ అస్మాకం దేవ పూషన్ |
మతీనాం చ సాధనం విప్రాణాం చాధవమ్ || 10-026-04
ప్రత్యర్ధిర్ యజ్ఞానామ్ అశ్వహయో రథానామ్ |
ఋషిః స యో మనుర్హితో విప్రస్య యావయత్సఖః || 10-026-05
ఆధీషమాణాయాః పతిః శుచాయాశ్ చ శుచస్య చ |
వాసోవాయో ऽవీనామ్ ఆ వాసాంసి మర్మృజత్ || 10-026-06
ఇనో వాజానామ్ పతిర్ ఇనః పుష్టీనాం సఖా |
ప్ర శ్మశ్రు హర్యతో దూధోద్ వి వృథా యో అదాభ్యః || 10-026-07
ఆ తే రథస్య పూషన్న్ అజా ధురం వవృత్యుః |
విశ్వస్యార్థినః సఖా సనోజా అనపచ్యుతః || 10-026-08
అస్మాకమ్ ఊర్జా రథమ్ పూషా అవిష్టు మాహినః |
భువద్ వాజానాం వృధ ఇమం నః శృణవద్ ధవమ్ || 10-026-09
