పరమ్ మృత్యో అను పరేహి పన్థాం యస్ తే స్వ ఇతరో దేవయానాత్ |
చక్షుష్మతే శృణ్వతే తే బ్రవీమి మా నః ప్రజాం రీరిషో మోత వీరాన్ || 10-018-01
మృత్యోః పదం యోపయన్తో యద్ ఐత ద్రాఘీయ ఆయుః ప్రతరం దధానాః |
ఆప్యాయమానాః ప్రజయా ధనేన శుద్ధాః పూతా భవత యజ్ఞియాసః || 10-018-02
ఇమే జీవా వి మృతైర్ ఆవవృత్రన్న్ అభూద్ భద్రా దేవహూతిర్ నో అద్య |
ప్రాఞ్చో అగామ నృతయే హసాయ ద్రాఘీయ ఆయుః ప్రతరం దధానాః || 10-018-03
ఇమం జీవేభ్యః పరిధిం దధామి మైషాం ను గాద్ అపరో అర్థమ్ ఏతమ్ |
శతం జీవన్తు శరదః పురూచీర్ అన్తర్ మృత్యుం దధతామ్ పర్వతేన || 10-018-04
యథాహాన్య్ అనుపూర్వమ్ భవన్తి యథ ఋతవ ఋతుభిర్ యన్తి సాధు |
యథా న పూర్వమ్ అపరో జహాత్య్ ఏవా ధాతర్ ఆయూంషి కల్పయైషామ్ || 10-018-05
ఆ రోహతాయుర్ జరసం వృణానా అనుపూర్వం యతమానా యతి ష్ఠ |
ఇహ త్వష్టా సుజనిమా సజోషా దీర్ఘమ్ ఆయుః కరతి జీవసే వః || 10-018-06
ఇమా నారీర్ అవిధవాః సుపత్నీర్ ఆఞ్జనేన సర్పిషా సం విశన్తు |
అనశ్రవో ऽనమీవాః సురత్నా ఆ రోహన్తు జనయో యోనిమ్ అగ్రే || 10-018-07
ఉద్ ఈర్ష్వ నార్య్ అభి జీవలోకం గతాసుమ్ ఏతమ్ ఉప శేష ఏహి |
హస్తగ్రాభస్య దిధిషోస్ తవేదమ్ పత్యుర్ జనిత్వమ్ అభి సమ్ బభూథ || 10-018-08
ధనుర్ హస్తాద్ ఆదదానో మృతస్యాస్మే క్షత్రాయ వర్చసే బలాయ |
అత్రైవ త్వమ్ ఇహ వయం సువీరా విశ్వా స్పృధో అభిమాతీర్ జయేమ || 10-018-09
ఉప సర్ప మాతరమ్ భూమిమ్ ఏతామ్ ఉరువ్యచసమ్ పృథివీం సుశేవామ్ |
ఊర్ణమ్రదా యువతిర్ దక్షిణావత ఏషా త్వా పాతు నిరృతేర్ ఉపస్థాత్ || 10-018-10
ఉచ్ ఛ్వఞ్చస్వ పృథివి మా ని బాధథాః సూపాయనాస్మై భవ సూపవఞ్చనా |
మాతా పుత్రం యథా సిచాభ్య్ ఏనమ్ భూమ ఊర్ణుహి || 10-018-11
ఉచ్ఛ్వఞ్చమానా పృథివీ సు తిష్ఠతు సహస్రమ్ మిత ఉప హి శ్రయన్తామ్ |
తే గృహాసో ఘృతశ్చుతో భవన్తు విశ్వాహాస్మై శరణాః సన్త్వ్ అత్ర || 10-018-12
ఉత్ తే స్తభ్నామి పృథివీం త్వత్ పరీమం లోగం నిదధన్ మో అహం రిషమ్ |
ఏతాం స్థూణామ్ పితరో ధారయన్తు తే ऽత్రా యమః సాదనా తే మినోతు || 10-018-13
ప్రతీచీనే మామ్ అహనీష్వాః పర్ణమ్ ఇవా దధుః |
ప్రతీచీం జగ్రభా వాచమ్ అశ్వం రశనయా యథా || 10-018-14
