త్వష్టా దుహిత్రే వహతుం కృణోతీతీదం విశ్వమ్ భువనం సమ్ ఏతి |
యమస్య మాతా పర్యుహ్యమానా మహో జాయా వివస్వతో ననాశ || 10-017-01
అపాగూహన్న్ అమృతామ్ మర్త్యేభ్యః కృత్వీ సవర్ణామ్ అదదుర్ వివస్వతే |
ఉతాశ్వినావ్ అభరద్ యత్ తద్ ఆసీద్ అజహాద్ ఉ ద్వా మిథునా సరణ్యూః || 10-017-02
పూషా త్వేతశ్ చ్యావయతు ప్ర విద్వాన్ అనష్టపశుర్ భువనస్య గోపాః |
స త్వైతేభ్యః పరి దదత్ పితృభ్యో ऽగ్నిర్ దేవేభ్యః సువిదత్రియేభ్యః || 10-017-03
ఆయుర్ విశ్వాయుః పరి పాసతి త్వా పూషా త్వా పాతు ప్రపథే పురస్తాత్ |
యత్రాసతే సుకృతో యత్ర తే యయుస్ తత్ర త్వా దేవః సవితా దధాతు || 10-017-04
పూషేమా ఆశా అను వేద సర్వాః సో అస్మాఅభయతమేన నేషత్ |
స్వస్తిదా ఆఘృణిః సర్వవీరో ऽప్రయుచ్ఛన్ పుర ఏతు ప్రజానన్ || 10-017-05
ప్రపథే పథామ్ అజనిష్ట పూషా ప్రపథే దివః ప్రపథే పృథివ్యాః |
ఉభే అభి ప్రియతమే సధస్థే ఆ చ పరా చ చరతి ప్రజానన్ || 10-017-06
సరస్వతీం దేవయన్తో హవన్తే సరస్వతీమ్ అధ్వరే తాయమానే |
సరస్వతీం సుకృతో అహ్వయన్త సరస్వతీ దాశుషే వార్యం దాత్ || 10-017-07
సరస్వతి యా సరథం యయాథ స్వధాభిర్ దేవి పితృభిర్ మదన్తీ |
ఆసద్యాస్మిన్ బర్హిషి మాదయస్వానమీవా ఇష ఆ ధేహ్య్ అస్మే || 10-017-08
సరస్వతీం యామ్ పితరో హవన్తే దక్షిణా యజ్ఞమ్ అభినక్షమాణాః |
సహస్రార్ఘమ్ ఇళో అత్ర భాగం రాయస్ పోషం యజమానేషు ధేహి || 10-017-09
ఆపో అస్మాన్ మాతరః శున్ధయన్తు ఘృతేన నో ఘృతప్వః పునన్తు |
విశ్వం హి రిప్రమ్ ప్రవహన్తి దేవీర్ ఉద్ ఇద్ ఆభ్యః శుచిర్ ఆ పూత ఏమి || 10-017-10
ద్రప్సశ్ చస్కన్ద ప్రథమాఅను ద్యూన్ ఇమం చ యోనిమ్ అను యశ్ చ పూర్వః |
సమానం యోనిమ్ అను సంచరన్తం ద్రప్సం జుహోమ్య్ అను సప్త హోత్రాః || 10-017-11
యస్ తే ద్రప్స స్కన్దతి యస్ తే అంశుర్ బాహుచ్యుతో ధిషణాయా ఉపస్థాత్ |
అధ్వర్యోర్ వా పరి వా యః పవిత్రాత్ తం తే జుహోమి మనసా వషట్కృతమ్ || 10-017-12
యస్ తే ద్రప్స స్కన్నో యస్ తే అంశుర్ అవశ్ చ యః పరః స్రుచా |
అయం దేవో బృహస్పతిః సం తం సిఞ్చతు రాధసే || 10-017-13
పయస్వతీర్ ఓషధయః పయస్వన్ మామకం వచః |
అపామ్ పయస్వద్ ఇత్ పయస్ తేన మా సహ శున్ధత || 10-017-14
