అధర్వణవేదము - కాండము 12 - సూక్తము 5

←ముందరి అధ్యాయము

అధర్వణవేదము (అధర్వణవేదము - కాండము 12 - సూక్తము 5)

తరువాతి అధ్యాయము→

శ్రమేణ తపసా సృష్టా బ్రహ్మణా విత్తా ర్తే శ్రితా ||1||

సత్యేనావృతా శ్రియా ప్రావృతా యశసా పరీవృతా ||2||

స్వధయా పరిహితా శ్రద్ధయా పర్యూఢా దీక్షయా గుప్తా యజ్ఞే ప్రతిష్ఠితా లోకో నిధనమ్ ||3||

బ్రహ్మ పదవాయం బ్రాహ్మణో ऽధిపతిః ||4||

తామాదదానస్య బ్రహ్మగవీం జినతో బ్రాహ్మణం క్షత్రియస్య ||5||

అప క్రామతి సూనృతా వీర్యం పున్యా లక్ష్మీః ||6||

ఓజశ్చ తేజశ్చ సహశ్చ బలం చ వాక్చేన్ద్రియం చ శ్రీశ్చ ధర్మశ్చ ||7||

బ్రహ్మ చ క్షత్రం చ రాష్ట్రం చ విశశ్చ త్విషిశ్చ యశశ్చ వర్చశ్చ ద్రవిణం చ ||8||

ఆయుశ్చ రూపం చ నామ చ కీర్తిశ్చ ప్రాణశ్చాపానశ్చ చక్షుశ్చ శ్రోత్రం చ ||9||

పయశ్చ రసశ్చాన్నం చాన్నాద్యం చ ర్తం చ సత్యం చేష్టం చ పూర్తం చ ప్రజా చ పశవశ్చ ||10||

తాని సర్వాణ్యప క్రామన్తి బ్రహ్మగవీమాదదానస్య జినతో బ్రాహ్మణం క్షత్రియస్య ||11||

సైషా భీమా బ్రహ్మగవ్య1ఘవిషా సాక్షాత్కృత్యా కూల్బజమావృతా ||12||

సర్వాణ్యస్యాం ఘోరాణి సర్వే చ మృత్యవః ||13||

సర్వాణ్యస్యాం క్రూరాణి సర్వే పురుషవధాః ||14||

సా బ్రహ్మజ్యం దేవపీయుం బ్రహ్మగవ్యాదీయమానా మృత్యోః పద్వీష ఆ ద్యతి ||15||

మేనిః శతవధా హి సా బ్రహ్మజ్యస్య క్షితిర్హి సా ||16||

తస్మాద్వై బ్రాహ్మణానాం గౌర్దురాధర్షా విజానతా ||17||

వజ్రో ధావన్తీ వైశ్వానర ఉద్వీతా ||18||

హేతిః శపానుత్ఖిదన్తీ మహాదేవో3 ऽపేక్షమాణా ||19||

క్షురపవిరీక్షమాణా వాశ్యమానాభి స్పూర్జతి ||20||

మృత్యుర్హిఙ్కృణ్వత్యుగ్రో దేవః పుఛం పర్యస్యన్తీ ||21||

సర్వజ్యానిః కర్ణౌ వరీవర్జయన్తీ రాజయక్ష్మో మేహన్తీ ||22||

మేనిర్దుహ్యమానా శీర్షక్తిర్దుగ్ధా ||23||

సేదిరుపతిష్ఠన్తీ మిథోయోధః పరామృష్టా ||24||

శరవ్యా ముఖే ऽపినహ్యమాన ఋతిర్హన్యమానా ||25||

అఘవిషా నిపతన్తీ తమో నిపతితా ||26||

అనుగఛన్తీ ప్రాణానుప దాసయతి బ్రహ్మగవీ బ్రహ్మజ్యస్య ||27||

వైరం వికృత్యమానా పౌత్రాద్యం విభాజ్యమానా ||28||

దేవహేతిర్హ్రియమాణా వ్యృద్ధిర్హృతా ||29||

పాప్మాధిధీయమానా పారుష్యమవధీయమానా ||30||

విషం ప్రయస్యన్తీ తక్మా ప్రయస్తా ||31||

అఘం ప్రచ్యమానా దుష్వప్న్యం పక్వా ||32||

మూలబర్హణీ పర్యాక్రియమాణా క్షితిః పర్యాకృతా ||33||

అసంజ్ఞా గన్ధేన శుగుద్ధ్రియమాణాశీవిష ఉద్ధృతా ||34||

అభూతిరుపహ్రియమాణా పరాభూతిరుపహృతా ||35||

శర్వః క్రుద్ధః పిశ్యమానా శిమిదా పిశితా ||36||

అవర్తిరశ్యమానా నిరృతిరశితా ||37||

అశితా లోకాచ్ఛినత్తి బ్రహ్మగవీ బ్రహ్మజ్యమస్మాచ్చాముష్మాచ్చ ||38||

తస్యా ఆహననం కృత్యా మేనిరాశసనం వలగ ఊబధ్యమ్ ||39||

అస్వగతా పరిహ్ణుతా ||40||

అగ్నిః క్రవ్యాద్భూత్వా బ్రహ్మగవీ బ్రహ్మజ్యం ప్రవిశ్యాత్తి ||41||

సర్వాస్యాఙ్గా పర్వా మూలాని వృశ్చతి ||42||

ఛినత్త్యస్య పితృబన్ధు పరా భావయతి మాతృబన్ధు ||43||

వివాహాం జ్ఞాతీన్త్సర్వానపి క్షాపయతి బ్రహ్మగవీ బ్రహ్మజ్యస్య క్షత్రియేణాపునర్దీయమానా ||44||

అవాస్తుమేనమస్వగమప్రజసం కరోత్యపరాపరణో భవతి క్షీయతే ||45||

య ఏవం విదుషో బ్రాహ్మణస్య క్షత్రియో గామాదత్తే ||46||

క్షిప్రం వై తస్యాహననే గృధ్రాః కుర్వత అలబమ్ ||47||

క్షిప్రం వై తస్యాదహనం పరి నృత్యన్తి కేశినీరాఘ్నానాః పాణినోరసి కుర్వాణాః పాపమైలబమ్ ||48||

క్షిప్రం వై తస్య వాస్తుషు వృకాః కుర్వత అలబమ్ ||49||

క్షిప్రం వై తస్య పృఛన్తి యత్తదాసీదిదం ను తాదితి ||50||

ఛిన్ధ్యా ఛిన్ధి ప్ర ఛిన్ధ్యపి క్షాపయ క్షాపయ ||51||

ఆదదానమాఙ్గిరసి బ్రహ్మజ్యముప దాసయ ||52||

వైశ్వదేవీ హ్యుచ్యసే కృత్యా కూల్బజమావృతా ||53||

ఓషన్తీ సమోషన్తీ బ్రహ్మణో వజ్రః ||54||

క్షురపవిర్మృత్యుర్భూత్వా వి ధావ త్వమ్ ||55||

ఆ దత్సే జినతాం వర్చ ఇష్టం పూర్తం చాశిషః ||56||

ఆదాయ జీతం జీతాయ లోకే ऽముష్మిన్ప్ర యఛసి ||57||

అఘ్న్యే పదవీర్భవ బ్రాహ్మణస్యాభిశస్త్యా ||58||

మేనిః శరవ్యా భవాఘాదఘవిషా భవ ||59||

అఘ్న్యే ప్ర శిరో జహి బ్రహ్మజ్యస్య కృతాగసో దేవపీయోరరాధసః ||60||

త్వయా ప్రమూర్ణం మృదితమగ్నిర్దహతు దుశ్చితమ్ ||61||

వృశ్చ ప్ర వృశ్చ సం వృశ్చ దహ ప్ర దహ సం దహ ||62||

బ్రహ్మజ్యం దేవ్యఘ్న్య ఆ మూలాదనుసందహ ||63||

యథాయాద్యమసాదనాత్పాపలోకాన్పరావతః ||64||

ఏవా త్వం దేవ్యఘ్న్యే బ్రహ్మజ్యస్య కృతాగసో దేవపీయోరరాధసః ||65||

వజ్రేణ శతపర్వణా తీక్ష్ణేన క్షురభృష్టినా ||66||

ప్ర స్కన్ధాన్ప్ర శిరో జహి ||67||

లోమాన్యస్య సం ఛిన్ధి త్వచమస్య వి వేష్టయ ||68||

మాంసాన్యస్య శాతయ స్నావాన్యస్య సం వృహ ||69||

అస్థీన్యస్య పీడయ మజ్జానమస్య నిర్జహి ||70||

సర్వాస్యాఙ్గా పర్వాణి వి శ్రథయ ||71||

అగ్నిరేనం క్రవ్యాత్పృథివ్యా నుదతాముదోషతు వాయురన్తరిక్షాన్మహతో వరిమ్ణః ||72||

సూర్య ఏనం దివః ప్ర ణుదతాం న్యోషతు ||73||

←ముందరి అధ్యాయము

అధర్వణవేదము

తరువాతి అధ్యాయము→

మూస:అధర్వణవేదము