అదిగో భద్రాద్రి గౌతమి ఇదిగో చూడండి
వరాళి రాగం ఆది తాళం
ప: అదిగో భద్రాద్రి గౌతమి ఇదిగో చూడండి || అదిగో ||
చ1: ముదముతో సీత ముదిత లక్ష్మణుడు
కదసి కొలువగా కలడదె రఘుపతి || అదిగో ||
చ2: చారు స్వర్ణ ప్రాకార గోపుర
ద్వారములతో సుందరమై యుండెడి || అదిగో ||
చ3: అనుపమానమై అతిసుందరమై
తనరు చక్రమది ధగ ధగ మెరిసెడి || అదిగో ||
చ4: కలియుగమందున నిల వైకుంఠము
నలరుచునున్నది నయముగ మ్రొక్కుడి || అదిగో ||
చ5: పొన్నల పొగడల పూపొద రిండ్లతొ
చెన్ను మీరగను చెలగుచునున్నది || అదిగో ||
చ6: శ్రీకరముగ శ్రీరామదాసుని
ప్రాకటముగ బ్రోచే ప్రభువాసము || అదిగో ||
This work was published before January 1, 1929, and is in the public domain worldwide because the author died at least 100 years ago.