సుబ్రహ్మణ్యాష్టకం

సుబ్రహ్మణ్యాష్టకం

హే స్వామినాథ! కరుణాకర! దీనబంధో!

శ్రీ పార్వతీశ ముఖపంకజ పద్మబంధో!

శ్రీశాదిదేవగణపూజితపాదపద్మ!

వల్లీసనాథ! మమ దేహి కరావలంబమ్‌| 1

దేవాధిదేవసుత! దేవగణాధినాథ!

దేవేంద్రవంద్య మృదుపంకజ మంజుపాద!

దేవర్షి నారదమునీంద్ర సుగీతకీర్తే!

వల్లీసనాథ! మమ దేహి కరావలంబమ్‌| 2

నిత్యాన్నదాననిరతాఖిలరోగహారిన్‌!

భాగ్యప్రదాన పరిపూరితభక్తకామ!

శ్రుత్యాగమప్రణవ వాచ్య నిజస్వరూప!

వల్లీసనాథ! మమ దేహి కరావలంబమ్‌| 3

క్రౌంచాసురేంద్ర పరిఖండన శక్తిశూల!

చాపాది శస్త్రపరిమండిత దివ్య పాణే!

శ్రీ కుండలీశ ధృత తుండ శిఖీంద్రవాహ!

వల్లీసనాథ! మమ దేహి కరావలంబమ్‌| 4

దేవాధిదేవ! రథమండలమధ్యమేద్య!

దేవేంద్ర పీఠ నగరాధృత చాపహస్త!

శూరం నిహత్య అసురకోటిభి రీడ్యమాన!

వల్లీసనాథ! మమ దేహి కరావలంబమ్‌| 5

హారాదిరత్న నవయుక్త కిరీటహార!

కేయూర కుండల లసత్కవచాభిరామ!

హే వీర! తారక జయామర బృందవంద్య!

వల్లీసనాథ! మమ దేహి కరావలంబమ్‌| 6

పంచాక్షరాది మను మంత్రిత గాఙ్గతోయైః|

పంచామృతైః ప్రముదితేంద్రముఖై ర్మునీంద్రైః|

పట్టాభిషిక్త! హరియుక్త! వరాసనస్థా!

వల్లీసనాథ! మమ దేహి కరావలంబమ్‌| 7

శ్రీకార్తికేయ! కరుణామృత పూర్ణదృష్ట్యా!

కామాదిరోగ కలుషీకృత దృష్టచిత్తమ్‌!

సిక్త్వా తు మా మవ కళానిధి కాంతికాన్త్యా

వల్లీసనాథ! మమ దేహి కరావలంబమ్‌| 8

సుబ్రహ్మణ్యాష్టకం పుణ్యం - యే పఠన్తి ద్విజోత్తమాః!

తే సర్వే ముక్తి మాయా న్తి - సుబ్రహ్మణ్యప్రసాదతః.

సుబ్రహ్మణ్యష్టక మిదం - ప్రాత రుత్థాయ యః పఠేత్‌|

కోటిజనమకృతం పాపం - తత్‌క్షణా దేవ నశ్యతి| 9

శ్రీ సుబ్రహ్మణ్యాష్టకం సంపూర్ణమ్